Qamuteralaat

Oqariartaaseq - aassi benzinamik akoqarpa? Taamaappat qamatueralannik angallattaateqarit. Tigummiviit motoorimut sukkatsisaatitallit tigoriarlugit nunap timaanut nutaanik misigisassarsioritsi.

Sukkalisaarlusi nunap timaa takornariarsiuk

Sukkalisaarlusi nuna angallavigisiuk. Qamuteralalluni angusaqarnartuuvoq. Kangerlussuarmi qamuteralannik attartortoqarsinnaavoq, imal. ilisimasortalerluni sumiiffimmi sermersuullu 35 km-it missaannik ungasissusilimmiittup tungaanut angalasoqarsinnaavoq.

 

Motoorimut sukkatsisaatit tigoriarlugit silarsuarmut qaqqorimmut – Sisimiut eqqaanuttaaq nunamut qattunersarasaartumut tinngallataarfiusinnaasumut aallaannaqiit. Nalunnguarfik ikaarlugu qimussit siulliusussaanerat eqqaamalluugu ingerlagitsi.

 

Kangerlussuarmiit Sisimiunut uterlugulu nunarsuarmi aqquserngit silinnersaasa ilaat 180 km-inik isorartussusilik atasuinnarmik – imal. tupermi illuaqqamiluunniit unnuinertalerlugu- ingerlavigineqarsinnaavoq.

 

Kalaallini amerlasuuni ukiumi sap. ak. naanerini allatigullu sulinngiffeqarnerni, qamuteralannik asimut angalaneq nuannarineqalersimavoq. Sumiiffiit ilaanni qamutit qamuteralannik taarserneqarsimapput. Sumiiffinni arlalinni tamarmik atugaapput. Najukkani takornarissanik sullissiviit, nunap assingi atorlugit aqqutissanik ilitsersuisarput, unnuiffissanik siunnersuillutik pinngitsooranilu takusariaqartunik innersuussisarlutik.

ILISIMAVIUK?


Qamuteralaat nal. ak. 80 km-it sukkassuserisinnaagai.
Oqorluartunik atisinissaq isumatusaarnerusoq.
Decembarimiit apriilimut qamuteralattoqarsinnaasoq.

Saqqaanut uterit

Angalanissat inniminneruk

Maani snescooterersinnaavutit

Kalaallit Nunaat tupaallannartunik ulikkaarpoq, nuna kusanartoq aamma misigisassat alutornangaartut. Ataani ornikkusullugu sinnattorisat nassaariuk

Kalaallit Nunaanni misigisassat allat

Allaanerulluinnartunik misigisassanut tikilluarit. Sumi allami aput, siku, qaqqat, imaq arferillu narsaatit qorsuusut naatsiianik naatitsiffiusut qanittuaniippat? Nutaanik pissanganartunik misigisassarsiorit uani.