Nal. 16:00 nutarterneqarpoq

Ataasinngornermi marlunngornermilu Sisimiunut Sisimiuniillu timmisartuussinerit unitsikkallarneqareersullu ullumimiit sisamanngornermi oktobarip 15-ianni aallarteqqinneqarput.

Timmisartuussinerit unitsinneqarnerannut pissutaavoq timmisartortartut assigiinngitsut marluk Sisimiunut minnerminni timmisartup unittarnermini bremsiisa sunniutaat, mittarfiup bremsit qanoq sunniuteqartiginerannik paasissutissiissutaanit annertuumik allaanerusut misigisimammatigit.

Air Greenlandip Greenland Airports suleqatigalugu mittarfiup mittarfianut tunngatillugu timmisartuussinermi isumannaallisaanikkut ataatsimoortumik naliliineq pingasunngormat ingerlappaat. Naliliinermi paasinarsivoq Sisimiunut Sisimiuniillu timmisartuussinerit isumannaatsumik ingerlanneqaqqissinnaalersut.

Suliatigut, timmisartuussinermi isumannaallisaaneq Air Greenlandimut pingaarnersaavoq, aammalu ingerlatsinitsinnut atuuttut timmisartuussinermi isumannaallisaanermut piumasaqaatit sukannersut malillugit ingerlatsilluta.

Timmisartuusinitsinnik unitsitsigallarnerup kingunerisaanik kinguaattoornerit akornutillu pillugit ajuusaarutigaarput, kiisalu ilaasutta paasinninnerannut utaqqisinnaanerannullu qujaffigalutigit.

Nuuk Approach (Naviair), Nuummi Mittarfiup eqqaani silaannakkut angallannermi timmisartunik tikittunik aallartunillu aqutsisoq, angallannikkut ulapaarfiunnginnissaa naatsorsuutigineqarnera sulisullu ikinnerunerat pissutigalugit piffissami aalajangersimasumi ammasarfimminik allannguivoq. Tamanna isumaqarpoq piffissat ilaannaat Nuummut Nuummillu timmisartuussinernut killilersuuteqartassasoq.

Greenland Airports naapertorlugu oktobarip 7-ianiit 19-iat ilanngullugu Nuuk Approach pilersaarutit malillugit ataasinngornermiit arfininngornermut nal. 07.00-imiit 16.00-imut (najukkami nalunaaqutaq malillugu) ammasassaaq. Tamatuma saniatigut Nuuk Approach sapaatini matoqqasassaaq decembarip 6-iat ilanngullugu. Annertunerusumik uani paasisaqarit.

Nuuk Approach matoqqatillugu Nuummi Mittarfik suli ammasassaaq, taamaattorli timmisartuussinermut killilersuutit annertunerusut atuutissapput. Tamanna timmisartuussinerit ilaannut sunniuteqarsinnaavoq, pingaartumik silap pissusia imaluunniit ingerlatsinermi pissutsit allat timmisartuussinernik ingerlatsinermut sunniuteqarpata. Killilersuinerit aamma timmisartuussinerit pilersaarutit malillugit ingerlanneqarsinnaannginneranni timmisartuussinernik immikkut ittunik aallartitsinissamut periarfissatsinnik annikillisitsissapput.

Air Greenlandip pissutsit qanimut malinnaavigai, angalasunullu kingunerisinnaasai sapinngisamik annikinnerpaatinniarlugit Greenland Airports ingerlaavartumik suleqatigalugu.

Atuisutta angalanertik pillugu Air Greenlandip app-ia aamma nittartakkatsinni timmisartuussinerit piffissaat aqqutigalugit paasissutissanik malinnaanissaat innersuussutigaarput. Nuummi Mittarfiup ingerlatsineranut tunngatillugu paasissutissat nalinginnaasut Greenland Airportsip nittartagaani aamma pissarsiarineqarsinnaapput.

Nuummi mittarfimmit angalanissarsi sapinngisamik ajornanngitsumik ingerlanissaa anguniarlugu, innersuussutigaarput aallarnissamut nalunaaquttap akunnerinik marlunnik sioqqullugu aatsaat check-in-imut takkuttarnissarsi innersuussutigaarput. 

Ullaakkut check-in-imi utaqqisoqangaatsiarsinnaavoq, tassami Greenland Airports ingerlatsinermut tunngasunik pissuteqartumik nalinginnaasumit kingusinnerusukkut aatsaat nassatat tigusinnaasarmagit. 

Self check-in-kioski atornissaa innersuussutigaarput, nassatatillu nammineq nalunaaqqutsersinnaalerlugit. Aamma eqqaamallugu pas-it imaluunniit kinaassutsimut uppernarsaat atuuttoq piareersimassagakku. 

Isumannaallisaanermut misissuisarfimmi aamma utaqqisoqarsinnaavoq, taamaattumillu taanna ammarneqarpat angalasut siulliullutik aallartussat qinnuigineqarput isumannaallisaanermut misissuisarfimmut siulliullutik ingerlaqqullugit taanna ammarneqarpat. 

Ikioqatigiinnermut qujanaq, angalalluarnissannik kissaappatsigit.