Nutartigaq: Apriilip 14-at 2026

Ullumikkut qulimiguuliutitta H125 ilaat Narsarsuarmit Tasiilamut mippoq. Taamaalilluni nunap immikkoortuani qulimiguulimmik timmisartuussineq aallarteqqissinnaavoq piffissami sivisujaami timmisoqanngereersorlu. Ullumikkut Tasiilamiit Sermiligaamut uterlugulu ingerlavoq. 

Greenland Copterimik suleqateqarneq peqqutigalugu ullumikkut kingumut Tasiilap Kulusuullu akornanni timmisartuussisinnaaqqilerpugut.

Ullunut tulliuttunut pilersaarutit

·         Pingasunngorneq apriilip 15-at:

Nuup Kulusuullu akornanni marloriarluni timmisoqassaaq. Timmisartut sivisujaamik Kulusummiittassapput Tasiilami ilaasunik utaqqinermi.

·         Sisamanngorneq apriilip 16-at:

Naatsorsuutigineqarpoq nunaqarfinnut timmisoqaqqilissasoq.

Ingerlatsinernik pisortaqarfimmi sulisut (OCC) maanna ullunut tulliuttunut nutartikkanik angallannermut pilersaarusiorput. Angalasut kajumissaarneqarput angalanissamut pilersaarumminni allanngortoqarsinnaanera alaatsinaaqqullugu.

Kinguaattoornerit taamaatitsinerillu

Sapaatit akunnerini kingullerni taamaatitsisarnerit ilaasutsinnut kipiluttunarsinnaanerat ajuusaarutigaarput. Taamaatitsinerit qulimiguuliutitta teknikkeqarneranik peqquteqarput, kiisalu piffissap ilaani silap timmiffiusinnaannginneranik saniatigullu pissutsinik allanik iliuuseqarfigisinnaanngisatsinnik.

Maannakuugallartoq suli nalunarpoq qaqugu tamakkiisumik nalinginnaasumik ingerlaqqilissanersugut, qaqugulu ilaasussat kalluarneqartut tamarmik assartugassallu apuuffissaminnut apuukkumaarnersut. Nittartagarput ataavartumik nutartertassavarput nutaanik paasissutissaqaleraangat.