Sisoraatit snowboard-ilu

Ujakkaarfissat piareersariikkat, qaqqat innaat qutaarluit, ammut kigaatsumik sisoornerit qummullu ilungersunartorsiornerit. Naatsumik oqaatigalugu kikkunnut tamanut nunami matumani sisorarluni timersornermut ilisarititsineq.

Apummik nuannarisalinnut sammisaqarnermik feeriarneq

Kalaallit Nunaanni sisoraaserluni majuartaatit tannersaat 1000 meterinik takissusilik, illoqarfiit pingaarnersaata Nuup eqqannguaniippoq. Sisimiuni Tasiilamilu aamma majuartaateqarpoq. Illoqarfinni arlalinni sisorartartut klubbiinit isumagineqartunik pitsaasunik ujakkaarfeqarpoq.

 

Sisimiuni sisoraatit snowboard-illu kikkunnit tamanit pigineqarput. Nunarsuaq tamakkerlugu ilisimaneqartumut ujakkaarnermut Arctic Circle Race-imut unammersuartarfiuneq illoqarfimmut piumasaqaatitaqarpoq, Sisimiullumi pitsaasunik ujakkaartarfeqarlunilu sisoraaserluni ingerlaarfissaqarpoq.

 

Aqajannguumminartumik misigisaqarusukkuit qulimiguulimmut ilaalluni sisorariarneq iserfigalugu paasisassarsiorfigiuk. Maniitsumi - ukiuni arlalinni nunarsuami tamarmi sisorallammannit kajungerineqartumi- taamaasiortoqarsinnaavoq. Air Greenlandip qulimiguuliutaanut ilaalluni qaqqap qaanut pissunneqarneq, ammullu allanit aqqutigineqarsimanngitsukkut sisusaqattaarneq –uerinangaatsiaqaaq. Akunnittarfimmi inuinnarniluunniit najugaqarit ullullu tamaasa sisorarfissanik nutaanik nassaarit.

 

Maniitsup eqqaaniipput Apussuit sermiat iigartartoq km.-ip ataatsip missaanik qatsitsigisumi aasakkut sisorarfissaqqissoq. 1000 km2 –init anginerusoq sisorarfissaavoq - aallaannaqiit.

 

Kalaallit Nunaanni sumiluunniit takornariartitsiviit sisorarfissaqqissunik siunnersuutissaqarput.

ILISIMAVIUK?


Microsoftimik pilersitsisoq Bill Gates tassaammat Kalaallit Nunaanni qulimiguulimmut ilaalluni sisorariarnermut uerisut siulliit ilaat.
Ujakaarluni unammersuarneq'Arctic Circle Race' nunarsuaq tamakerlugu ujakkaartartunit ilisimaneqarlualermat, 1998-imiilli ukiut tamaasa marsimi apriilimiluunniit unammersuartoqartartoq.
Kalaallit Nunaanni sisoraaserluni majuartaatit akuttusut, akerlianik nammineq majuarsinnaasut ujakkaartartullu killeqanngitsumik periarfissaqartut.

Saqqaanut uterit

Angalanissat inniminneruk

Misigisassat inniminneruk uani:

Greenland Travel

Greenland Travel

Greenland Travel avatangiisini toqqissisimanartuni feriarluni angalanernik asseqanngitsunik misigisassarsiorfissanik neqerooruteqarpoq. Angalatitsivik Kalaallit Nunaanni takornarialerinermik ineriartortitsinermi siuttuuvoq – aamma Kalaallit Nunaannni angalatitsivittut inuussutissarsiutillit annerpaartaraat.

Kalaallit Nunaanni misigisassat allat

Allaanerulluinnartunik misigisassanut tikilluarit. Sumi allami aput, siku, qaqqat, imaq arferillu narsaatit qorsuusut naatsiianik naatitsiffiusut qanittuaniippat? Nutaanik pissanganartunik misigisassarsiorit uani.