Angallammut ilaalluni angalaarneq

Angallammut ikineq, niuneq, nunaliarneq, ikeqqinnerlu! Pinngortitami kusanangaartumi umiarsuarmik angalaarneq, tupigusunnermik annertuumik nassataqartartoq, misiginngitsoorniaqinagu.

Kalaallit Nunaanni umiarsuarmik angalaneq

Sinersortaat Sarfaq Ittuk, ilaasunik nunatta Kujataaniit Qeqertarsuup Tunua tikillugu utimullu angallassisartoq ikiffigigaanni piffissaq unittuusisarpoq. Illoqarfiit pingaarnersaanni Nuummi illoqarfinnilu allani takornariarit, Kangerlussuarmi sermersuaq takujuk, Ilulissanilu Kangia eqqissisimatitaq aamma takornaruk. Nammineerlutit imaluunniit illoqarfimmik takornariartitsisunut ilaallutit takornariarit. Umiarsuarmik angalanerit aamma illoqarfinni Ilulissat aamma Sisimiut.-ni hotelini naliliisartunit arlalinnik ullorialikkani unnuinermik ilasinnaavat.

 

Kalaallit Nunaata angallannikkut aaqqissuussaaneranut imaq pingaaruteqartuarsimavoq. Sineriak sinerlugu umiartornerni sermit iigartartut, immap sinaani qaarsorsuit qernalullutut, iluliarujussuit akimasuut, nunaqarfeeqqat nuannersut qaqqarsuillu takusassaapput.

 

Nunarsuarmi qeqertat annersaatut inissisimaneq piumasaqaateqarfiuvoq, ’nunaannaalu aqqusernata’ nuna kaajallaqqavaa. Illoqarfiit akornanni nunagissakkanik aqquteqanngilaq. Angallanneq tamarmi immakkut silaannakkulluunniit pisarpoq.

 

Umiarsuit takornariartaatit nunanit tamalaaneersut Kalaallit Nunaannik soqutiginnipput – taamatullu pilersaarusiukkamik angallassinermut. Umiarsuit talittartut amerliartorput. Islandimiit aamma Kalaallit Nunaanniit Umiarsuaq M/S Fram immikkut ittumik takornariartitsinernik ingerlatsisarpoq, takornariarnerillu soorunami nunatsinniit aallartillutillu aamma tassani naasarput.

Sermeq iigartartoq takusaruk

Eqip Sermia – sermeq iigartartoq, Ilulissat avannaatungaani 70 km-nik ungasissusilimmiippoq. Iigarneralu iluliarpassuarnik pilersitsisartoq tikillugu angallammit takuneqarsinnaavoq. Sermip kaangaanera qanngorpallannerujussuarnik malitseqartartoq qanillivillugu isiginnaarutikkullusooq isiginnaaraanni imminut annikiginartarpoq. Ilulissani World of Greenland angallat atorlugu ullormik ataatsimik ulluniluunniit arlalinni angalaarnernik aaqqissuussisarpoq. Glacier Lodge Eqi, illuaraqarfik sinerissamiit nunami 400 meterinik ungasissusilimmi inissisimasoq isikkivigeqisorlu unnuiffigiuk.

 

Ullulli ikittuinnaat periarfissarigussigit, qulimiguulimmik Eqip Sermianut takornariarnissaq innersuupparput. Tamannalu misigisariaqavippoq!

Angallammut ilaallutit ullup qeqqasioriartorit

Ulluni arlalinni illoqarfiit arlaanniissagussi, angallammik angalaarneq misilittariaqarparsi. Ilulissani iluliarsuit akornatigoorluni, nunaqarfimmut Oqaatsunukarit, tassanilu neriniartarfimmi H8-mi mamarluinnartunik nerillutit.

ILISIMAVIUK?


Kalaallit Nunaat 2.166.086 km2-t sinnerlugit angissuseqartoq
Nunalu 2.670 km-nik takissuseqarpoq silinnerpaaffialu 1.050 km-usoq.
World of Greenland angallatit atorlugit serminut iigartartunut, arfernik takornariarnernik imaluunniit angallammik angalaarujoornernik aaqqissuussisartoq.
Grønlands Rejsebureau Sarfaq Ittummut ilaalluni upernaakkut aasakkullu sineriak sinerlugu feeriarnissanik aaqqissuussisartoq. Tassungalu ilaagaanni Kalaallit Nunaanni misigisassat ikinngitsut misigisassaasut.

Arctic Umiaq Line avannaaniik kujammut angalasarpoq, Ilulissaniik Qaqortumut.

Saqqaanut uterit

Angalanissat inniminneruk

Misigisassat inniminneruk uani:

Greenland Travel

Greenland Travel

Greenland Travel avatangiisini toqqissisimanartuni feriarluni angalanernik asseqanngitsunik misigisassarsiorfissanik neqerooruteqarpoq. Angalatitsivik Kalaallit Nunaanni takornarialerinermik ineriartortitsinermi siuttuuvoq – aamma Kalaallit Nunaannni angalatitsivittut inuussutissarsiutillit annerpaartaraat.

Albatros Touring Bus. Photo Aningaaq R. Carlsen, Visit Greenland

Albatros Arctic Circle

Albatros Arctic Circle sumiiffimmi tunngaveqarluni piginneqatigiiffiuvoq, taanna Kangerlussuarmi Sisimiunilu angalaarnernik aaqqissuusisarpoq.

Angalaarnerit allattorsimaffianni takisuumi allassimapput sermersuaq, umimmaat, nunaqarfiit inuerussimasut, qimusserneq, piffissamut qangamut pisuttuarnerit allarpassuillu.

Silhuet Of A Sailing Boat Tour In Destination Acrtic Circle. Photo By Aningaaq Rosing Carlsen

World of Greenland

World of Greenland kalaallit 100 %-imik suliffeqarfiutigaat, Ilulissat eqqaanni takornarialeriffiusoq. World of Greenlandimi tikeraartiminnut annertuunik misigisassarsiortitsinissaq sulissutigaat.

Maani angallammik angalaarsinnaavutit

Kalaallit Nunaat tupaallannartunik ulikkaarpoq, nuna kusanartoq aamma misigisassat alutornangaartut. Ataani ornikkusullugu sinnattorisat nassaariuk

Kalaallit Nunaanni misigisassat allat

Allaanerulluinnartunik misigisassanut tikilluarit. Sumi allami aput, siku, qaqqat, imaq arferillu narsaatit qorsuusut naatsiianik naatitsiffiusut qanittuaniippat? Nutaanik pissanganartunik misigisassarsiorit uani.