Meeqqat atuarfianni atuartuuit, Air Greenlandimilu sulineq qanoq innersoq misilikkusullugu?

Taava Air Greenlandimi suliffeqarfimmi misiliilluni sulinissamut qinnuteqarnissamut periarfissaqarputit.

Praktikkerneq nalinginnaasumik sapaatit akunneranik ataatsimik sivisussuseqartarpoq, suliffeqarfimmilu pissanganartumi timmisartuussinermut, sullissinermut, assartuinermut, timmisartunik aaqqissuussinermut allaffissornermullu tunngasunik suliaqarnermik ulluinnarni ingerlatsineq pillugu paasisaqarnerulernissamut periarfissiilluni.

Praktikkernerup ingerlanerani suliassat assigiinngitsut pillugit ilinniagaqarsinnaassaatit kiisalu qanimut takullugu sulisutta immikkoortortaqarfiit assigiinngitsut akornanni qanoq suleqatigiittarnersut.

Suliffeqarfimmi misiliilluni sulineq meeqqat atuarfianni atuartunut praktikertussanut neqeroorutaavoq. Atuartoq, atuarfik Air Greenlandilu suleqatigiillutik isumaqatigiissusiussapput.

Sapinngisamik soqutigisannut naleqqunnerpaamik praktikkerfissamik nassaarniartarpugut, kisianni immikkoortortaqarfimmi aalajangersimasumi praktikkerfissaq qulakkeersinnaanngilarput.

• Kiffartuussineq angalasunillu sullissineq
• Nerisassiorneq
• Timmisartunik iluarsaassineq aserfallatsaaliuinerlu
• Nassiussalerineq
• Attaveqaqatigiinneq, HR imaluunniit ingerlatsinermi
• tapersersuiffiit allat

Suliassat aalajangersimasut sumi immikkoortortaqarfimmiinnersutit kiisalu sapaatip akunnerani pineqartumi periarfissat apeqqutaallutik suliassanik tunineqartassaatit.

Suliffeqarfimmi misiliilluni sulisuusutut sulisutta ulluinnarni sulinerat malinnaaffigisinnaassavat kiisalu Air Greenland suliffeqarfittut qanoq ingerlanersoq pillugu paasisaqarnerulissallutit.

Qinnuteqaatit uunga nassiuguk: hr@airgreenland.gl 

Qinnuteqaatip qulequtaanut "Suliffeqarfimmi misiliilluni sulineq" allassallugu innersuussutigaarput.

Qinnuteqaatit tigugutsigu kissaatigisanni piffissami praktikkerfissamik neqerooruteqarsinnaanerluta nalilersussavarput. Saaffiginnissutit suliarineqareerpat akissuteqarfigineqarumaarputit.

Praktikkernissat sapinngisamik pitsaanerpaamik pilersaarusiorniarlugu qinnuigissavatsigit qinnuteqaatit kissaatigisanni praktikkerfiusussami aallartinnissaq sapaatit akunneri pingasut sioqqullugit kingusinnerpaamik nassiuteqqullugu.

Taamaalilluta immikkoortortaqarfiit attuumassuteqartut suleqatigalugit pilersaarusiorsinnaassaagut, ilinniarnartunik pissanganartunillu imaqartumik praktikkerfissamik aaqqissuussilluta, taamaalillutit Air Greenlandimi pitsaanerpaamik misigisaqarsinnaaniassagavit.

Taamaattumik siusinaarlutit qinnuteqarnissat innersuussutigaarput.