Saqqaq

Saqqap seqernup saqqaagaaniinneq ateqaatigaa, taamalu atserneqarsimanera piaarinaatsoornerinnaanngilaq, Kitaanimi nunaqarfinnguaq taanna Qeqertarsuup Tunuani Ilulissanit 100 km-it missaannik avannarpasinnerulluni qeqertaasap Nuussuup kujataa tungaaniippoq. Ullumikkut qaleralinniarneq takornariaqarnerlu inuuniutit pingaarnersaraat. Immaqa iluatitsilluariarussi, piniartutut inuuneq qanimut misigiinnarnagu sassisunik naammattuuisinnaassaasi.

Tamaani itsarnisarsiuut piffissami Kristusip inunngornera ukiunik 2500-nik sioqqunneraniit ukiut 800-inik sioqqunneraneersunik nassaarpassuaqarput, kulturip nassaarfiusup nunaqarfiup aqqanik atserneqarneranut tamanna patsisaavoq. Saqqaq-kulturi sivisunerpaamik nunatsinniissimavoq.

Saqqani misigisassat

Pitsaasunik pissuuteqarnissat isumagissavat, tamannami masarsuuvoq, maniitsuulluni qaarsorasaarlunilu.”Inuunerup qaanut” qullarterit, tassaniittutullumi misigigit! Isikkivik tupinnaqaaq. Ataatsimut oqaatigalugu ilivitoqqanut illukunullu pisuttuarnissamut periarfissagissaarpoq. Sineriaq sinerlugu ilulissanut isikkivilerlusi Saqqallu tunuanut asimut tasilimmut, kuulimmut iigartartumillu sermilimmut aamma pisussinnaavusi.

Saqqaq Hannibal-ilu imminnut ataqatigiipput

Saqqaq oqaluttuariniaraanni nunaqarfimmi innuttaasimasoq tusaamasaq Hannibal Fencker, illumut najugarisimasaanut imigassaliaanullu atsiussaq eqqaanngitsoorneqarsinnaanngilaq. Naatsiivini naatitsivinilu – nunarsuarmi avannarpasinnerpaamiittut- ilisimaneqaatigai. Taakkunani naasut assigiinngitsorpasuit naatittarsimavai. Nulianilu Amalie naatitat nunanit kiattuneersut, soorlu dadlit citronillumi allaat naatitsivimminni iluatsittumik naatittarsimavaat. Naasut ilaatigut qajaasap sikkerneri aqissillu nerisassaasa pilutaat nerisassiornermi imigassaliaminullu akuliullugit atortarsimavai.

Saqqani misigisassat

Allaanerulluinnartunik misigisassanut tikilluarit. Nutaanik pissanganartunik misigisassarsiorit uani.

PAASISSUTISSAT


Saqqaq-kulturen atsiunneqarsimavoq nunaqarfimmut

Pilersinneqarfia 1755-mi ateqarluni Ritenbenk

Filmiliaq 'Qivitoq' tamaani immiunneqarnikuuvoq

170 missaani inuttaassuseqarpoq

Northern Lights At Iceberg Near Uummannaq. Photo Erez Marom, Visit Greenland

Tikiffissat allat

Nunarput tupinnartunik, kusanartunik alutornartunillu ulikkaarpoq. Tikiffissat tullia uani nassaariguk.

Angalaninni SULUK atuagassiallu assigiinngitsut akeqanngitsumik atuakkit

Ikissutissaq app-ikkut pissarsiariuk

Makitassanik katersigit eqquillutillu