Pituffik

Sakkutooqarfimmi akunninnissamut najugaqarnissamullu akuersissut piumasaqaataavoq. Pisattanik tunniussinermi akunninnissamut najugaqarnissamullu akuersissutip nassarnissaa, ilissi nammineq isumagisassaraarsi. Pappiaqqat tamatumunnga atugassat suminngaanniit pissarsiarineqarsinnaanerat pillugu maleruagassat ataani atuakkit.

Akunninnissamut najugaqarnissamullu akuersissut

Ilaasut Qaanaamiit Qaanaamut Pituffik aqqusaarlugu angalasut imal. sakkutooqarfimmi najugaqartut, tamatigut akunninnissamut najugaqarnissamulluunniit akuersissummik nassataqartussaapput. Tamanna minutsialuinnarnik akunninnermi aamma atuuppoq. Nal. ak 24-it sinnerlugit Pituffimmiinnissami najugaqarnissamut akuersissuteqarnissaq piumasaqaataavoq.

Kalaallit Nunaanni sakkutooqarfinnik aqqusaarineq nalunaarummi 2006-imeersumi maleruagassiorneqarpoq. Nalunaarut taanna malillugu kikkulluunniit sivikitsumik sivisunerusumilluunniit Pituffimmiittussat, tunngaviusumik akunninnissamut najugaqarnissamulluunniit akuersissummik nassataqassapput.

Akunninnermut/najugaqarnermut akuersissut qanoq paasineqassava?

Kalaallit Nunaanni najugallit (qallunaat naalagaaffianni innuttaasut) Kalaallit Nunaanni Naalagaaffiup Sinnissaanut: Rigsombudsmanden i Grønland, IndaleeqqapAqq. 3, Nuuk, qinnuteqassapput,
oqarasuaat +299 32 10 01, nittartagaq: www.rigsombudsmanden.gl.
Qallunaat Nunaanni nunaniluunniit allani najugallit uunga qinnuteqassapput: Udenrigsministeriet, Asiatisk Plads 2, København, oqarasuaat: +45 33 92 01 70, nittartagaq: www.um.dk

Akuersissummik pisariaqartitsinngitsut

Makku akunninnermi/najugaqarnermi akuersisummik piniartariaqanngillat:

  • Innuttaasut Qaanaap kommunerisimasaani najugaqartutut nalunaarsimasut
  • NATO-mi sakkutuut ilaqutaallu
  • Inuinnaat USA-mit suliartortitat ilaqutaallu
  • Qallunaat kalaallillu pisortaqarfiinit aallartitat
  • Inuit qallunaat naalakkersuisuinit immikkut pisinnaatitaaffillit
  • Inuit amerikkarmiut naalakkersuisuinit immikkut pisinnaatitaaffillit

ILISIMAVIUK


Sorsunnerup nillertup nalaani operation Blue Jay-imik taaguuserlugu, Pituffik isertuussamik pilersinneqartoq 1952-imilu atulersoq,
Tamanna sioqqullugu kalaallit ullualunnguit ingerlanerini pinngitsaalillugit Qaanaamut 130 km-it missaannik avannarpasinnerusumiittumut nuutinneqartut,
Amerikarmiut sakkutuuisa timmisartortatut US Air Force, sakkutooqarfittaani suliasanut akisussaasuusut, nunaqarfittaanili immikkut mittarfilimmi, qatserisartulimmi sulisunullu timigissartarfilimmi, bowlingertarfilimmi, akunnittarfilimmi, igaffilimmilu ulluinnarni ingerlatsineq ullumikkut Greenland Contractors-imit akisussaaffigineqartoq,

PAASISSUTISSAT


Niuertarfiuteqarfittut 1909-mi pilersinneqarsimavoq Thule

Ullumikkut amerikamiut base-at

Immikkut ittumik akuersissuteqaqqaarluni inuuffigineqarsinnaavoq

Innuttaasut Dundasiminngaanniit nuutsertinneqarsimapput Qaanaamut 1952-3-mi

Northern Lights At Iceberg Near Uummannaq. Photo Erez Marom, Visit Greenland

Tikiffissat allat

Nunarput tupinnartunik, kusanartunik alutornartunillu ulikkaarpoq. Tikiffissat tullia uani nassaariguk.

Angalaninni SULUK atuagassiallu assigiinngitsut akeqanngitsumik atuakkit

Ikissutissaq app-ikkut pissarsiariuk

Makitassanik katersigit eqquillutillu