Nanortalik

Nanortalimmik atsiisimaneq tunngavissaqarluarpoq, Kalaallit Nunaannimi illoqarfiit kujallersaanni upernaakkut Tunumit sikorsuarnut saatseqataasumik nannumik takkuttoqarsinnaasarpoq. Uumasorsuarnilli qaasuttunik taakkunannga naapitsisinnaaneq ilimanaateqarpallaanngilaq.

Maani Tasermiut kangerluata paani aasami naggorilluni kiassinnaasumi aalisartit piniartullu inussiarnersut nunaqarput.

Nanortalimmi misigisassat

Pinngortitami misigisassat nalissaqanngitsut

Qaqqarsuit inngittuut qutaarluusullu Tasermiut kangerluata eqqaanut ilisarnaataapput. Qaqqarsuit 2 km-it missaannik portussusillit aqqulluttukkut pisulluni angallavissatut pikkunavissutut kajungernartuupput, ukiullumi tamaasa qaqqasiuut nunarsuarmit tamarmeersut tamatumuuna imminnut unammilligassittarput.

Oqaluttualiatut ittut pissanganartullu sorpassuusinnaapput; eqalunniarneq, kapisilinniarneq, saarullinniarneq, qaannamik angallammillu kangerlunni qinngortuuni angalaneq, nunakkut qaqqatigullu pisulluni angalaarneq Nanortallip takornariaasa nal. akunnerpassuini ullunilu arlalinni sammissallugit nuannarisaraattaaq.

Nanortallip katersugaasiviani umiat illullu issunik qarmallit isiginnaarlugit kigaallalluni qanga inuunermut nuannersumut utertutut misiginarpoq.

Isumassarsiassat

Nanortalimmi aamma aqqusinersuaqarpoq taannalu pisoqarfiusarpoq. Pisiniarfimmut kalaalimineerniarfimmullu, aalisartut piniartullu ullormut pisaminnik tuniniaaviannut alakkaagit. Tassanissaaq takornariartitsivik periarfissanik pitsaasunik – aalisarsinnaanermut uppernarsaatinik -, assassorluni eqqumiitsulianik tammajuitsussanillu najukkami eqqumiitsuliortunit suliarineqarsimasunik innersuussisinnaasoq ippoq.

Nanortalimmi misigisassat

Allaanerulluinnartunik misigisassanut tikilluarit. Sumi allami aput, siku, qaqqat, imaq arferillu narsaatit qorsuusut naatsiianik naatitsiffiusut qanittuaniippat? Nutaanik pissanganartunik misigisassarsiorit uani.

ILISIMAVIUK


Umiap nunarsuarmi pisoqaanerpaap assinga Nanortallip katersugaasiviani saqqummersitanut ilaasoq, umiap assinga vikingit umiarsuaannik katersugaasivimmi Roskilde-miittumi 1980-imi sananeqartoq,

Tasermiut meterinik 2000-inik portussusilik 1400-metrinillu portussusilimmik innalik nunarsuarmi majuarfissat annersaannut ilaavoq.

Nanortallip eqqaani kuultisiorfimmi Nalunami kuulti atorlugu najukkami equmiitsuliortut kusanartunik pinnersaasiortarput.

Kalaallit Nunaanni nunaqarfiit kujasinnersaanni Aappilattumi tiguartinnartumik misigisaqarit. Kangerluk amitsoq qaqqarsuarnik qutaarlunnik ungalusimasoq aqqusaarlugu angalaneq nalissaqanngilaq.

Flowers In Nanortalik In South Greenland

Tikiffissat allat

Nunarput tupinnartunik, kusanartunik alutornartunillu ulikkaarpoq. Tikiffissat tullia uani nassaariguk.

Angalaninni SULUK atuagassiallu assigiinngitsut akeqanngitsumik atuakkit

Ikissutissaq app-ikkut pissarsiariuk

Makitassanik katersigit eqquillutillu