Maannakkut isertarfikkut isissuutit teqeqqup talerpiata tungaaniittoq toorlugu, atuisutullu nutaatut profililiorlutit.
Emailimik allagarsiumaarputit, kode isissutissavit allanngortinnissaanut atungassat.
Emaili nassaarisinnanngilarput
Inniminniinernut normut arfinilinnik ilisarnaateqarpoq, kisitsisinik naqinnerinnillu imaqarsinnaaluni
Assiliisoq Adam Lyberth
Assiliisoq Adam Lyberth
Assiliisoq Adam Lyberth
Tupinnanngitsumillu eqqarsaatit sermersuartulli siamasitsigilersinnaapput, kangianiit kitaanut aamma avannaaniit kujammut qanormita isorartussuseqarpa?
Qulimiguulimmit isigalugu alimasissuseq taassaanngingajappoq. Umiatsiamik nunakkoorutinillu kamippassualerluni piffinni arlaqartuni sikup sinaa tikinneqarsinnaavoq.
Sermersuaq Kangerlussuarmit 25 km-nik ungasissuseqarpoq, cykilinillu nunakkoorutinik, pisuinnarluunniit imaluunniit sisamanik assakaasullit nunaannakkoorutit, off-roader-it, atorlugit tikinneqarsinnaavoq. Off-roaderinut ilaallutit Kangerlussuarmiit Russelip sermia, sermiinnarmik 60 meterinik portutigisumik innarsualik takornariaruk.
Aasaaneranilu takornariassaguit imaassinnaavoq sermip taassuma iigarnera aamma misigigit. Immaqa aamma silarsuarmi qanoq mikitigineq aammalu nipaalluinnartumi unnuineq misigerusukkussiuk, sermersuarmut ullut marluk angalaarneq, tupermi unnuinertalik, misilikkusussavarsi.
Aamma Ilulissat sermersuarmut qanillinissamut periarfissaqarpoq. Immikkut ilisimasalinnik angallassisoqarlutit World of Greenland atorlugu Glacier Lodge Eqi-mut ulluni marluni angalaarneq misigiuk. Issittumi ilisimasassarsiortup Paul-Emile Victor-ip aqqutaa atorlugu sermersuarmut qaqissaagut, tassanilu erngup sermimit aattup tungujuaarluni sermersuakkut ingerlaarnera takusassat ilagaat.
Sermersuup sermit iigartartut pilersitai nunarsuup nutsuineranit nunap sineriaanut ajattarneqartarput. Sermerlu aserorluni iluliarsuanngortarpoq.
Sermersuup sinaa qattunertarasaarpoq, qunneqartiterluni, sermimit pinngortunik taseqarluni kooqarlunilu.
Sermip pisoqaassusaa assigiinngilaq, sermip sinaa ukiunik 500-niit 1000-t tungaanut pisoqaatigaaq. Sermillu naqqa ukiunik 250.000-nik pisoqaassusilik paasineqarsimavoq.
Sermersuaq tamarmi aattuuppat, nunarsuarmi imartat meterinik arfinilinniit arfineq marlunnut qaffassaaq – tamannalu eqqariarnarpoq!
Angalaarnerit tamangajammik sermimik sikumilluunniit siumuiffiusarput. World Of Greenland i Ilulissat sermersuup tungaanut, eqqaanut aammalu qaavanut, assigiinngitsumik sivisussusilinnik angallassisarpoq.
Arctic Excurtion-imi - Greenland Travel ilarisaanni – Kalaallit Nunarput ilutsinniippoq, Nuummi København-imilu allaffeqarluta. Arctic Excution nunatsinni takornarissanik angallatsitsisartunut attaveqaataasutut atorpoq, nunatsinni takornariaqarnermut sullitaqartunut takornarissanullu iluaqutaassalluni. Takornarissanik angallatitsisartut nioqqutigisai nittartagatsinni takukkit, immikkuullarittumillu misisassarsiorlutit.
Albatros Arctic Circle sumiiffimmi tunngaveqarluni piginneqatigiiffiuvoq, taanna Kangerlussuarmi Sisimiunilu angalaarnernik aaqqissuusisarpoq.
Angalaarnerit allattorsimaffianni takisuumi allassimapput sermersuaq, umimmaat, nunaqarfiit inuerussimasut, qimusserneq, piffissamut qangamut pisuttuarnerit allarpassuillu.
Greenland Travel avatangiisini toqqissisimanartuni feriarluni angalanernik asseqanngitsunik misigisassarsiorfissanik neqerooruteqarpoq. Angalatitsivik Kalaallit Nunaanni takornarialerinermik ineriartortitsinermi siuttuuvoq – aamma Kalaallit Nunaannni angalatitsivittut inuussutissarsiutillit annerpaartaraat.
Kalaallit Nunaat tupaallannartunik ulikkaarpoq, nuna kusanartoq aamma misigisassat alutornangaartut. Ataani ornikkusullugu sinnattorisat nassaariuk
Ilulissat
Sermip iigartarfiata eqqaaniilluni iluliarsuit ataqqinarpasillutik sarsuasut isiginnaarlugit inuuneq pitsaanerpaaffissaminut qaffakaattutut ilisarpoq. Ilulissat kangerluat tupinnanngitsumik Unescop nunarsuatsinni eriagisassatut kingornussat nalunaarsuiffiannut ilanngunneqarnera tunngavissaqarluarpoq.
Sisimiut
Sisimiut illoqarfimmut nutaaliaasumut assersuutissaavoq, eqqaa inunnit silaannarissumiikkusuttunit timikkullu imminnut unammillerusuttunit ornigarneqarluartoq.
Kangerlussuaq
Kangerlussuaq mittarfiinnaanani allarpassuarnik periarfissaqarpoq. Timmisartumit niugussi pinngortitaq saassinniippoq. Tassani sermersuup iigartarfissua ajornannginnerusumik qanillattorsinnaavarsi.
Narsarsuaq
Mittarfimmiit km-it qulaaluaannaat ingerlagaanni sermersuaq tikittariaqarpoq. Iigartartumut qannguluttumut pisuttuarit imal. Erik Aappalaartup naasorissaasup illuliaani takisuumi qallunaatsiat qanillikkit.
Allaanerulluinnartunik misigisassanut tikilluarit. Sumi allami aput, siku, qaqqat, imaq arferillu narsaatit qorsuusut naatsiianik naatitsiffiusut qanittuaniippat? Nutaanik pissanganartunik misigisassarsiorit uani.
Anigit
