2019-imi Imarpik qulaallugu timmisartoq Airbus A330-200, 2002-mili Kalaallit Nunaata Danmarkillu akornanni angallavimmi timmisartuussisimasoq taarserlugu timmisartumik nutaamik pisinissaq aalajangiunneqarpoq. A330neo nutaarluinnaq aalajangiunneqarpoq, taannalu naqqaniit sananeqartussaavoq, taamaattumillu aaqqiissutissanik piujuartitsilluarnerpaanik toqqaasarnissamut aqqutissiuisussaalluni.

Tuukkaq 6. decembari 2022-mi Toulose-mi Air Greenlandimi tunniunneqarpoq.

Timmisartumi misigisassat pillugit atuagassat annertunerusut

S-61-t sinneruttut marluk suli Air Greenlandimit pigineqartut SAR-imut atorneqartarsimapput. 2020-milu nutaanerusunik H225-nik taarserneqarlutik.

H225-it annaassiniarnermi, SAR-imi taamaallaat avannaani atorneqartarput, Kangerlussuarmilu aalajangersimasumik inissisimasuullutik.

‘Norsaq’ ukioq taanna Grønlandsflyp Air Greenlandimik taaguuserneqarnerani pisaarineqarpoq, taamalillunilu aamma Air Greenlandip ilisarnaataa aappaluttoq issittumilu naasoq ilisarisimaneqarluartut ilisarnaataalerput.

Norsap pisiarinerani Air Greenlandip SAS-ip atlantikoq qulaallugu timmisartuussisarunnaarnerata kingorna timmisartuussisarnissat ingerlassinnaalerpai.

‘Norsaq’ taamanili ukiut qulikkaat marluk angullugit ingerlasimalerpoq, ukiullu 20-t nalliuttorsioriitsiarnermi kingorna nutaamik nutaaliaasumik Airbusimik taarserneqassalluni. Taanna decembarimi 2022-mi atuutilissasoq naatsorsuutigineqarpoq. ‘Norsaq’ upernaakkut 2023-mi tunineqassasoq naatsorsuutaavoq.

Qulimiguulik mikisunnguaq ilisimaneqarluartoq AS350 90-ikkut aallartinneranniilli nunatsinni timmisartuussisarsimavoq. Aallaqqaammut ‘GLACE’-mut timmisartuulluni, kingusinnerusukkullu Grønlandsflymut. Qulimiguulik suliffeqarfiup pisariaqartitaanut tulluartuusimavoq, ukiullu ingerlanerini qulimiguullit assingi amerliartortinneqarsimallutik. Timmisartut taama ittut maannamut qulingiluat AS350B3-it pigineqarput.

Grønlandsflyp atlantikoq qulaallugu nammineerisaminik timmisartuutaa siullerpaaq SAS-imut piffik tamanna tikillugu kisermaassilluni Danmarkip nunattalu akornanni timmisartuussisuusimasumut unammillernermut atatillugu pisiaavoq.

Timmisartoq ‘Kunuunnguaq’-mik taaneqartoq Knud Rasmussenimut atsiussaavoq. Timmisartoqalerneq iluatsilluangaarmat SAS-ip 2002-mi nunatsinni timmisartuussisarnini taamaatiinnarallarsimavaa.

Atlantikoq qulaallugu timmisartuussissut nutaaq ‘Norsaq’ pisiarineqarmat ‘Kunuunnguaq’ Narsarsuarmit Københavnimut timmisartuussissutitut atorneqalerpoq, timmisartullu taassuma ilisimaneqarluaqisup tunineqarnissaata tungaanut tassani timmisartuussisimalluni.

Attartortitsinerit assigiinngitsut pillugit pisiarineqarsimavoq.

Cessna 172 1986-imi pissarsiarineqarsimavoq, taamanili takornariartitsilluni timmisartuussinermi atorneqartarsimalluni il.il. Suli timmisartuussisinnaavoq, nalinginnaasumilli timmisartuussinernut atorneqartarunnaarsimalluni.

Piper Cheyenne 1982-imi ingerlatseqatigiiffiutigisamut ‘GLACE’-mut atorneqartussatut pisiarineqarpoq.

Ulloq manna tikillugu ilaasutsinnit nuannarineqarluarsimasut ilaat tassaavoq Bell 212. Timmisartoq isorliunerusunut timmisartuussissutaasartunut pisoqalisunut taartaavoq. Taamaalilluni qulimiguulik taanna isorliunerusunut angallassinermi, sualummik kujataani tunumilu timmisartuussinernut ilisarnaataalluarsimavoq.

Bell 204-t tallimat S-58ET-inut taarsiullugit pisiarineqarput. Taakku attartorluni timmisartuussinerit assigiinngitsut aamma suliarisarpaat.

73-76-ikkut ingerlaneranni S-58-it sisamat GLACE-mut atortussanngorlugit pisiarineqarput. Qulimiguulik S-61-imut assingungajappoq.

DC6 70-ikkut aallartinneranni DC4-mut taarsiullugu atorneqalerpoq. DC6 ilaasunik angallassinermi, ilaatigut Danmarkiliarnermi, atorneqartarsimavoq.

S-61 qulimiguulinni Grønlandsflyp pisiarisaani siullersaavoq. Taanna timmisartunut Catalinanut taarsiullugu pisiarineqarpoq, tamanna sioqqullugu ilaasunik angallassissutaasarsimasut.

S-61 ilaasunik angallassinerup saniatigut allarpassuarnut atorneqartarsimavoq; uuliasiornerni, napparsimasunik angallassinerni nunanullu allanut Europamiittunut attartortinneqartarsimalluni.

S-61 inuiaqatigiinnut kalaallinut Grønlandsflymullu ilisarnaataallualersimavoq.

Silaannakkut angallassissutit S-61-it amerlanerpaagamik arfineq-pingasuusimapput.

S-55-it Grønlandsflyp qulimiguulinni angallassissutigisaani siullersaapput. Taakku Canadami suliffeqarfimmit Kenting Helicoptersimit attartorneqartarsimapput. Grønlandsfly nammineq angallassisarsimanngilaq, United States Air Force (USAF)-ili DYE-1-mut pilersuiffigalugu sulittarsimallugu.

Catalinat aallaqqaammut KGH-p ataani ingerlasimapput Grønlandsflylli aallartinneqarneratigut suliffeqarfimmit ingerlanneqalersimallutik. Aallaqqaammulli aaqqiissutaagallartutut takorloorneqarsimapput, taamaattumillu SIkorsky S-61-it pisiarinerini atorunnaarsinneqariartuaarsimallutik.