Kode isissutissaq allanngortiguk
Emailimik allagarsiumaarputit, kode isissutissavit allanngortinnissaanut atungassat.
Emaili nassaarisinnanngilarput
Angalanissat ilannguguk
Inniminniinernut normut arfinilinnik ilisarnaateqarpoq, kisitsisinik naqinnerinnillu imaqarsinnaaluni
Jettime
Angalanerit toqqissisimanartumik Air Greenland aamma Jettime atorlugit. Toqqaannartumik timmisartuussinerit Nuummiit, Ilulissanit aamma Københavnimut. Kiffartuussineq pitsaasoq kiisalu nerisaqartitsineq billetip akianut ilaareersut nuannaarutigikkit.
Timmisartumik angalanermi misigisassat
Jettime-mik timmisartorninni ilaatigut ilorrisimaarnartumik angalanissaq qilanaarisinnaavat, nerisaqartitsinerlu billetip akianut ilaalluni. Timmisartup iluani Jettime-p timmisartumi sulisut pikkorissut ilorrisimaarnerit isumagissavaat, taamaalillutit eqqissillutit angalanerit nuannersumik misigalugu.
Angalanerpit pitsaanerpaamik misigineqarnissaa anguniarlugu siunnersuutigaarput aallarnissat sioqqullugu filmimik, tv-seriemik imaluunniit nipilersuutinik aalluaareersimanissat, imaluunniit atuagarluarnissannik nassataqarnissat. Aamma eqqaamallugu elektroniskiusut atortuutitit siumut immiullugit aallarniutit.
Air Greenland aamma Jettime atorlugit timmisartornermi akileraartanngitsunik pisiniarnissamut periarfissaqarputit, aammalu duty free-kkut nioqqutissanik immikkut toqqarneqarsimasunik akinut unammillersinnaasunut pisisinnaallutit.
Jettime
Timmisartornermi iluarinerusannik issiavimmik toqqaanikkut angalanerit suli iluarinerulersiguk. Inniminniinermi issiaviit række 1-miit 31-mut toqqarsinnaavatit, taamaalillutit pisariaqartitannut kissaativinnullu naapertuunnerpaamik inissisimaffeqarsinnaallutit.
Uumasuuteqaruit, Jettime-mi qimmit qitsuillu mikinerit kilo 8-t angullugit oqimaassusillit timmisartumi ilagalugit nassarneqarsinnaapput, taamaalilluni ilaquttannut sisamanik niulinnut qanittumi angalasinnaallutik. Timmisartornermi ataatsimi uumasuutit marluk kisimik inissaqartinneqarsinnaammata, siusissukkut inniminniinissat innersuussutigaarput.
Malugeqquneqarpoq meeqqat angajoqqaamit imaluunniit inersimasumik ilagalugit angalanngitsut Jettime-p timmisartuussinerini inniminnerneqarsinnaanngimmata.
Air Greenlandip aamma Jettime-p suleqatigiinnerat
Air Greenland aamma Jettime nukittuumik suleqatigiipput, tassanilu timmisartoq Boeing 737-800, ilaasutsinnut atugassiissutaasoq ilisaritissinnaagatsigu nuannaarutigaarput. Timmisartoq tamakkerlugu, aammalu Jettime-p inuttai misilittagaqarluartut ilanngullugit Air Greenlandimit attartugaavoq, taamaattumillu timmisartumi inissat tamarmik uagutsinnut atugassiissutaapput.
Timmisartoq Boeing 737-800 inituvoq ilorrisimaarnarlunilu, qeqqatigut torsuusaqarpoq, illugiinnik pingasukkaanik issiaveqarluni. Ilaasut 189-it, isumassorneqarluarlutik toqqissisimanartumik ilorrisimaarnartumillu angalanissamut qilanaarsinnaasut inissaqarput.
Sooq Air Greenland toqqarneqassava?
✔ Kalaallit Nunaat uummatermioralugu – ataatsimut misigisassat qanoq isumaqartigisut ilisimavarput.
✔ 50 %-it tikillugit sipaakkit – Asasatit angalaqatiginerusalikkit.
✔ Tamakkiisumik kiffartuunneqarneq – aqqutaa tamaat isumagissavatsigit.
✔ Timmisartoq kinguaattoorpat taamaatitsippalluunniit allamut nuunnissaq, nerisassat hotelimilu unnuineq isumagissavagut
