Anigit
Kode isissutissaq allanngortiguk
Emailimik allagarsiumaarputit, kode isissutissavit allanngortinnissaanut atungassat.
Emaili nassaarisinnanngilarput
Angalanissat ilannguguk
Inniminniinernut normut arfinilinnik ilisarnaateqarpoq, kisitsisinik naqinnerinnillu imaqarsinnaaluni
Airbus A330neo - Tuukkaq
Timmisartumut ikinermi Kalaallit Nunaannut pineq aallartereertarpoq
Air Greenlandimut ilaallutit Imarpik qulaallugu angalassaguit, angalaneq A-miit B-mut angallanneqarnermit anneruvoq. Timmisartumi kiffartuusseriaaseq aaqqissuulluagaq, ilinnut Kalaallit Nunaata Danmarkillu akornanni angalaninni toqqissisimalersitsisussaq, ilorrisimaartitsisussaq ilisarnartorlu naammattuussavat. Timmisartumut ikininni tikilluaqquneqarnermiit nerinermut, kaffisornermut, aliikkutassaqarnermut aammalu minngitsiarnermi kiffartuunneqarnermut kingullermut misigisassanni ilorrisimaarneq, pitsaassuseq kalaallillu inussiarnernerat aallunneqarlutik katitigaapput.
Premium Class
Issiaviit 42-t, nissunut inissaqarluarlutillu pitsaasumik ilorrisimaarnarluartut
Uani atuaruk
Economy Class
Timmisartumi inissat nalinginnaq 263-nik atoruminartunik issiaveqarpoq
Uani atuaruk
Timmisartortitseqatigiiffiuvugut tamakkiisumik kiffartuussisoq
Air Greenland tassaavoq timmisartuutileqatigiiffik sullissilluartoq, ukiut kingulliit ingerlaneranni ilarpassuarni angalasunut Kalaallit Nunaanni aammalu avatangiisaani isumannaatsumik, tatiginartumik aamma toqqissisimanartumik angalanissanik neqerooruteqartarsimasoq.
Uani atuaruk
Nerisassat imeruersaatillu akeqanngillat
Imarpik qulaallugu angallavinni tamani nerisassanik, piffissamut aallarfimmut naleqqussakkanik sassaallertarpugut.
Ullaakkut aallarnermi ullaakkorsiutinik sassaallertoqartarpoq.
Kingusinnerusukkut aallarnermi iffianik kinguleqqanillu sassaallertoqartarpoq.
Premium Class-imi nerinerup nalaani arlaleriarluni sassaallernikkut annertusisamik misigitinneqassaatit.
Nerisassanut immikkut ittunut inniminniissutit Københavnimiit aallarfissaq minnerpaamik nal.ak. 48-it sioqqullugu Air Greenlandimit tiguneqareerlutillu akuerineqassapput.
Timmisartumi aliikkutassat
Hollywoodimi filmiliat nutaanerpaat isiginnaakkit imaluunniit kalaallit filmiliortartut suliaat killitsinnartut isiginnaakkit. Nipilersuutit qanorluunniit misigissuseqarfigininnut tulluartut tusarnaarsinnaavatit, imaluunniit podcastit pissanganartut Kalaallit Nunaannit pisut Issittumi kulturimut inuunermullu qaninnerulersitsisut tusarnaarsinnaavatit.
Air Greenlandimut ilaalluni kiffartuunneqarnermi misigisassat
Air Greenlandip Imarpik qulaallugu angallavinni kiffartuussinera angalaneq ilorrisimaarnarnerulersinniarlugu, ilisarnarsarniarlugu toqqissisimanartinniarlugulu ilusiligaavoq.
Nalunngilarput Kalaallit Nunaata aamma Danmarkip akornanni angalaneq akuttunngitsumik immikkuullarissutut isumaqartinneqartartoq. Misigisaqarnissamut aallarniutaasinnaavoq, ilaquttanik takunneqqiffiusinnaavoq, sulinermut pingaarutilimmik angalanerusinnaavoq angerlarnerusinnaalluniluunniit.
Taamaattumik timmisartumi kiffartuussineq nerisassanut, imeruersaatinut aliikkutassanullu tunngasuinnaanngilaq.
Tamanna aamma angalanermi qanilaarfiusumik, pitsaasumik angallavitsinnullu ataqqinniffiusumik misigisaqarluarnissamut tunngasuuvoq.
Air Greenland timmisartumut ikiinnavilluni Kalaallit Nunaata misigineqarnera aallartittarpoq.
