Tuukkami periarfissat
Quppernermut Airbus A330neo-mut Tuukkamut tunngatitamut tikilluarit. Tuukkaq 2022-p naalerneraniit Norsaq timmisartuussisarneraniit taarserpaa. Uanilu timmisartorsuarmut tunngasut paasisaqarfiginerullugillu Atlantikoq qulaallugu Tuukkamut ilaaninni misigisinnaasatit takusinnaavatit.
Timmisartorsuaq Tuukkaq teknologi nutaaliaanerpaaq aammalu nunatta immikkuullarissup kulturia ataqatigiissillugitt ataqqillugillu sanaajuvoq.
Oqaluttuatoqqat: Timmisartup iigaani anorip silallu anersaavanik Asiamik oqaluttuat takuneqarsinnaapput. Timmisartup ilua oqaluttuatoqqat tunngavigalugit kusassaagaavoq, taamaasillunilu Tuukkap nunatsinni kulturip angalasunut misigitinnissaa peqataaffigaa.
Angalaneq nipikinneq: Tuukkaq timmisartuni taama angitigisuni nipikinnerpaavoq. Motoorii tassaallutik Trent 7000 Rolls-Roycemeersut. Teknologi pitsaalluinnartoq angalasunut timmisartornermik eqqissinarnermik iluarnermillu misigisitsisoq.
Nassataasiviit: Nassataasiviit nutartikkat 66%-mik inissaqarnerupput. Pigisavillu ilinnut qanittumi inissinneqarnissaannik periarfissiillutik, timmisartumullu ikinermi inissilluarnissamut timmisartornerullu nalaani iluarnerusumik atugassaqartitsillutik.
Timmisartup ilua: Tuukkaq marlunnik atoruminartunullu immikkoortoqarpoq:
- Premium Class: Issiaviit 42-t, nissunut inissaqarluarlutillu pitsaasumik ilorrisimaarnarluartut
- Economy Class: Timmisartumi inissat nalinginnaq 263-nik atoruminartunik issiaveqarpoq
Timmisartumi pisiassat: Taakku uani aammalu Tuukkami isiginnaarummi aliikkutassaqartitsivimmi takuneqarsinnaapput.
![](https://agl-web-prod.azureedge.net/media/ubvbd2nf/a330-air-greenland-yc-fv-1200-800.png?width=2560&height=1440&format=webp&quality=50&rnd=133416838454170000)
![](https://agl-web-prod.azureedge.net/media/uwtpksaa/inflight_meal_summer_2021_02-1200-800.jpg?width=2560&height=1440&format=webp&quality=50&rnd=133416836976870000)
Timmisartumi aliikkutassat: Aliikkutassat nunarsuarmi filminik nuannarineqartunik isiginnaagassaqarput, aammalu nipilersuutinik, kalaalerpaluttortalinnik, tusarnaagassaqarlutik. Immikkoortumilu ”Nunarput misigisaqarfigiuk” -mi Nunatta sunik tunniussasaqarneranut tunngasut misissuataarsinnaavatit.
Nerisassat imeruersaatillu akeqanngillat:Imeruersaatit nerisassallu soorunalumi aamma kaffi tiilu neqeroorutigaavut. Bilitsimik inniminniinermi timmisartumi nerisassanik immikkut ittunik inniminniisoqarsinnaavoq.
WiFi: Qilak killiliisuujunnaarpoq! Antenninut atortorissaarutitta Ka-band-ip timmisartorneq tamakkerlugu silaannarsuarmiikkaluaruilluunniit WiFi-mik atuinissamut periarfissippaatit.
![](https://agl-web-prod.azureedge.net/media/4uug4un1/touchscreen-1200-800.png?width=2560&height=1440&format=webp&quality=50&rnd=133416836874300000)