Angallassiviit assigiinngitsut pingasut ataatsimut

Angallassiviit pingasut nunatsinni timmisartortitsinerup toqqammavigai: qulimiguulimmik angallassiviit isorliusuniittunut, suluusalinnik timmisartuussinermik angallassiviit illoqarfinni minnerni annernilu, nunanut allanut angallassiviit nunatta Danmarkimut Islandimullu atassuteqaatigisai.

Isorliunerusuni illoqarfiit pingaarnernit nunaqarfiinut timmisartuussinerit ilaasoqarpiarneq ajorput, taamaattumillu taakkununnga angallassinernit aningaasartuutit matussusernissaat ajornakusoortarluni.

Taamaakkaluartorli isorliunerusuni angallannerup assartuinerullu inuttunerusuni allanisulli iluaqusernissaa pingaaruteqaqaaq.

Isorliunerusuni ilaatigut makku timmisartuussinikkut kiffartuussissutigisarpavut:

• Nassiussat
• Nerisassat nutaat
• Napparsimasut nakorsiartussat
• Inuit
• Qimmit

Taamaattumik tamakku suliassat kiffartuussinermut isumaqatigiissusiornikkut timmisartuussinissat naammassinissaat qulakkeertarparput, naak ilaasukippallaarneratigut timmisartuussinerup ataatsip akianut akiliutit naammanngikkaluartut, tassanimi qulimiguullip sulisuisa soorlu timmisartortartoq, mekanikeri usilersuisullu akissarsiaat matussuserneqartussaammata.

Heliportini helistopinilu 42-ni, mittarfinni 14-ini nuna tamakkerlugu sullissisarpugut Kastruppip Keflavikkillu saniatigut.

Ullut tamaasa angallassivigut pitsanngorsarniartarpavut timmisartut ikinnerit atorlugit ilaasuvut amerlanerpaat apuussinnaajumallugit.

Taamaaliorutta tunisassiornitsinni atorluaanerusinnaavugut, timmisartortartunit saqisuniillu, mekanikerinut, usilersuisunut angallannermilu sullissiveqarfinnut.

Tassungalu ilanngullugu aamma avatangiisinut pitsaanerpaavoq, pissutigalugu orsussamik atuinerput annertuumik annikillisissagatsigu.

Fly ‘n Sleep – ilaasut amerlanerit timmisartuussinerni ikinnerusuni

Atorluaaniarnermut periusissiatsinni iliuuserisatta ilaat tassaavoq neqeroorutigisarput Fly 'n Sleepimik taasarput. Taanna timmisartuni Nuummeersunit, Ilulissaneersunit, Sisimiuneersunillu Kangerlussualiartunut inoqarpiartussaanngikkaluartuni billetsinik akikilliliinikkut neqeroorutaavoq. Inoqarpiarneq ajortut tassaagajupput illoqarfinnit annerusunit timmisartuussinerit timmisartorsuup atlantikoq qulaallugu ingerlasussap aallareernerata kingorna Kangerlussuarmut tikittartut.

Fly ‘n Sleep atorlugu ilaasussat billetsit akikinnerit pisiaralugit Kangerlussuarmi unnuinertalimmik atlantikoq qulaallugu aqagukkut aallarnissaminnut periarfissaqarput.