Ingerlatseqatigiiffigisarput World of Greenland[LINK TIL UNDERSIDE OM WOG] aqqutigalugu piujuartitsisumik takornariartitsineq anguniarparput, tassanilu aamma CO2-mik aniatitsinngilluinnartumik ingerlatsineq anguniartuarlutigu. World of Greenlandip Ilulissat eqqaanni illuaqqat pingasut lodgesinik taasakkavut neqeroorutigai, ungasinngitsumilu aamma Nuummi tikeraartutta CO2-mik aniatitsiffiunngilluinnartumik neqeroorutit pissarsiarisinnaalissavaat Nuuk Icefjord Lodges Kapisillit eqqaanni 2025-mi piareerpata.

Nuuk Icefjord Lodge

Nuuk Icefjord Lodge Kapisillit eqqaanni piujuartitsisumik ukioq naallugu ilorrisimaarfiusumik aallaarsimaarfiussaaq. Nunatsinni ukioq qanoq iligaluarpalluunnit immikkuullarissuujuaannarpoq arlaatigullu tunniussassaqartuaannarluni – tamanna tikeraartutsinnut aamma misigitikkusupparput.

Illuliat atortulersuutillu tamarmik ukioq naallugu illuaraqarsinnaanermut tulluussagaapput taamatullumi sanaajullutik.

Ukioq naallugu takornariaqartitsineq piujuartitsisumik takornariartitsineruvoq, tamannalu suliffissuaqarnikkut ukioq naallugu periarfissiivoq, tassami sumiiffinni najugaqartunit sulerusussuseq pilerinarnerulissammat. Tassungalu ilanngullugu aamma illuaqqat sumiiffiat pinngortitami tupinnarluinnartumi inissisimanerat aamma pilerinaqutaaqataavoq. Tamanna periarfissanik amerlasoorpassuarnik ukiup qanoq inneranut tulluuttunik tunisivoq; nunami pisuttuarnerit, aalisarneq, sermersuarmut qanillilluinnarsinnaalluni, qallunaatsiaat illukuinik takornariarneq.

Neriniartarfimmiinneq aamma misigisassanut ilaalluinnartuussaaq, tassanilu nammineq pisat tunniullugit iggatsittoqarsinnaassaaq.

Ilimanaq lodge

Ilimanaq Lodges nunatsinni nunaqarfiit pisoqaanersaasa ilaanni inissisimapput, qaqqap killinnguaniipput pinngortitamullu qanittuararsuullutik.

Nunaqarfik eqqissisimalluinnartuuvoq, uumasut pinngortitarlu qanilluinnarnissaannut periarfissiilluni, misigisassarsiorusuttunut tulluarluinnartuulluni.

Illuaqqat tamarmik seqernut qinngornerinik tigooraassutinik atortulersugaapput, kiassarnermut atorneqartartunik. Innaallagiamik sinneqartoorutit nunaqarfiup sarfalersorneranut tapertaasarput.

Piujuartitsisumik suliniutit ilaat tassaavoq sumiiffiup nammineq pissarititai sapinngisamik atorlugit nerisassiorneq, taamaaliornikkummi assartuineq annikinnerusoq ingerlanneqassammat aammalu piffiup nammineq ineriartornissaanut taperseeqataassalluni. Nerisassanik eqqaanissaq pinngitsoorniarlugu nerisassat sinnikui piniartut qimmiinut nerukkaatitut tunniunneqartarput, taakkulu ilorrisimaarnartunik nerisaqartitaassallutik.

Glacier Lodge Eqi

Illuaraatitsinni Ilulissat kangianiittuni Glacier Lodge Eqimi avatangiisinut mingutsitsinnginnerusut Eqimilu sermip iigartartup eqqaani pinngortitaq allanngutsaaliniarlugu unnuiffissallu nuannerluinnartut paarilluarniarlugit suliniutit assigiinngitsut aallartissimavagut. Tassani aamma seqernup qinngornerinik tigooraassutinik atortulersuisimavugut, taamaalilluta CO2-mik aniatitsineq minnerpaaffissaaniitinniarlutigu. Tassani aamma nukissiuutit allat assartortariaarunnikuugatsigit.

2021-mi World of Greenlandip seqernup qinngornerinik tigooraassutaatini annertusisimavaa, illuaqqat generatorimik sarfaq atorlugu pilersorneqarnissaa annikinnerulersillugu.

Igloo Lodge

Igloo Lodge tassaavoq World of Greenlandip ukiukkut illuaraataa siulleq. Igloo Lodgemik ammaaneq Qeqertarsuup tunuani piujuartitsisumik takornariartitsinermut alloriarneruvoq annertooq pingaaruteqartorlu. Takornariartitsinerup ukiumut sivisunerusumik ingerlanneqartalernissaa nuna tamakkerlugu takornariartitsinermut periusissiami pingaaruteqarnerpaat ilagaat, tamannalu World of Greenlandimit sukumiisumik anguniagaraarput.

Igloo Lodges ukiukkut sanaartuutissatuaasumik sanaajuvoq, tassalu apummik, taamaalillunilu pinngortitap nammineq tunniussinnaasai atorlugit sanaartorneq qanga Inuit ukiut tusintillit matuma siorna inooriaasiannut assinguvoq.

Pisiortortarnermut politikki piujuartitsinermik ukkataqartoq

Grønlands rejsebureaup pisiniartarnermut politikkia piujuartitsisumik aalajngiisarnermik pingaartitsisuuvoq.Tamanna ima paasisassaavoq, allaffimmi atortussanik, ulluinnarni pisiassanik, pappiaqqanik assigisaannillu pisiniarnermi piujuartitsisumik tunisassiatut nalunaarsimasut sapinngisamik salliutinneqassapput.

Ataatsimut isigalugu angalatitsiviup pisiniartarfimminut piumasaqaatai tassaagajuttarput piujuartitsisumik tunisassiat.

Immikkoortortaqarfinnit maani nunatsinniittunit pisiarisartakkat 90 procentit missiliorlugit piffimmi tunisassianit pisiaasarput.

Tunisassiat nunatsinneersut nunatsinni inuussutissarsiortunit

Hotel Arcticip sananeqaataanut ilaalluinnarpoq kalaallit tunisassiaat sapinngisamik atorluarniartarnissaat,piffinnilu tunisassiat pisiareriaannaat atorluarnissaat. Igaffimmi iganeqartartut Kalaallit Nunaannit tamarmeersuupput, aalisartunit, piniartunit tunisassiortunillu immami nunamilu uumasunit nerisassiat kiisalu naatitat, immamit imeq naasullu akuutissiat hotelimiittunut sassaalliutigineqartarput.

2021-mi Hotel Arctic Ilulissani Brugsenimit iffiukkanik pissarsisassallutik isumaqatigiissusiorput, sivisuumik atasussamik.

Club Timmisa

Air Greenlandip sullitai Club Timmisamut sullitat ilaasortaaffiannut ilaasortanngornissaminnut periarfissaqarput. Ilaasortat neqeroorutinik pisussanillu suli avammut saqqummiunneqanngitsunik paasissutissanik pisinnaapput, ilanngullugulu aamma app-imik pilersitsisoqarnikuulluni ilaasortat aallarnissaanik toqqaannartumik paasissutissanik tunioraasumik.

Club Timmisa ataavartumik ineriartortinneqartarpoq, aamma check-in, billetsisineq, toqqaannartumik paasissutissinneqarneq kingullertigullu aamma timmisartumi nerisassanut tunngasut, aviisit atuagassiallu app-imi periarfissaapput. Taamaalilluta pappilissanik atuinata oqimaaloqutaqaratalu timmisartuussisinnaavugut.