1987

Kinaassuseq issittumit pinngorfilik
Sermimit aligoq nunatsinni silaannaap nillerneranut, issittormiuunitsinnut aammalu nunagisatsinni pinngortitamut asseqanngitsumut ersiutaavoq.

Isumannaassutsimut takussutissaq
Sermimit aligoq silami peqqarniissinnaasumi isumannaatsuunissamut tatiginassutsimullu pingaartitsinitsinnut ersiutaavoq. Issittumilu sumiissusersiornermut timmisartuutileqatigiiffitta immikkut ilisimasaqarnera ilisarnaatip ersersippaa.

Angalanerit tikitassallu
Sermimit aligup toorneerartai ornitassanut ersersitsisutut taaneqarsinnaapput, malittariillutillu tulleriiaarneri aallarfittut tikiffittullu isigineqarsinnaallutik. Ilisarnaatillu taamaasilluni sunik suliaqarnerput takutippaa.

Timmisartoq
Air Greenlandip ilisarnaataani immikkuullarissumi naqinnerit sermimit aligumut atassuseraanni, timmisartup isikkuanut assersuunneqarsinnaavoq.

Air Greenlandip ilisarnaataa, sermimit aligoq aammalu qalipaat aappaluttoq aaliangersimasoq tunulequtaasoq.
Tunngaviillu taakku isikkui ataatsimut saqqumiunneqartillugit qanorluunniit allanngortinneqarnatillu isikkui nikisinneqassanngillat. Tassa ilisarnaatitut atugaq pinngitsoornani sermimit aliguliatut isikkulimmik malitseqartinneqassaaq.

Soorlu inuit attaveqatigiittarfiini, asseq atorneqartoq kippareqqissaartuussariaqartarpoq.
Aamma immikkut assiliartalersuinermi paasiuminarsaatitut atorneqarsinnaavoq.
Angissusaa toornerillu inissinneqarneri allanngortinngisaannassapput.

Aana ilisarnaat ataatsimoortitatut suliaq. Taannalu oqimaaqatigiinnissaq anguniarlugu ilisarnaatip qitiusumik inissinneqarnerani, imaluunniit naqitani atorneqartillugu inissaq amigarpat,  atorneqartarpoq. Ilisarnaatip nalinginnaasutut isikkuatulli angissusaata uuttuutai allanngortinneqassanngillat. Ilisarnaatip tunngaviisa ataasiakkaat atorneqarneri ataatsimoortuassapput.

Ilisarnaatitta sunniuteqarluarnissaa qulakkeerniarlugu sinaasa uuttuutaat minnerpaaffeqarput.
Ilisarnaammi uuttuutit ataqqisassat, isikkuata ersarissuullunilu sunniilluarsinnaaneranut qulakkeerutaassapput. 

Ilisarnaatip tunngaviisa allanit immikkuullarinneranut isikkuata torersuulluni inissaqarluarlunilu ilisariuminarneranik qulakkeerivoq. Ilisarnaatillu assigiinngitsuni aaliangersimasutigut atorneqartillugu allanngortinneqarnani ersarissuullunilu atuaruminarneranut qulakkeerutaavoq. Ilisarnaatip imartussusaanut kimilimmillu oqariartuutaanut uuttuutit ataqqisassat pinngitsoorneqarsinnaanngillat.