1942

Qaffasinnerusumik ilisimatusarneq (AU)

Nunani tamalaani niuerneq aamma pilerisaarineq kiisalu aningaasaqarneq aamma pigisanik nalilinnik aqutsineq AU-mi ilinniartunut, ilinniarnermut atatillugu sulinissamik Air Greenlandi neqerooruteqarpoq.

AU-mi ilinniartutut suliassaqarfiit assigiinngitsut arlallit ilisimaqarfigilissavatit kiisalu annertuumik akisussaaffiliisoq suliffigissallugu.

Ilinniarnermut atatillugu sulineq ilaatigut makkuninnga imaqarpoq:

  • Allaffissornikkut suliassat
  • Sullitanik sullissineq
  • IT-qarnikkut systeminut atortunik assigiinngitsunik suliaqarneq

Ilinniarneq

Qaffasinnerusumik ilisimatusarneq (AU) ukiunik 2-nik sivisussuseqartumik niuernermut tunngasunik ilinniaqqiffiuvoq, ilinniartoq paarlakaattumik ilinniarfimmiillunilu ilinniarnerminut atatillugu sulisassalluni.

Ilinniakkamik toqqaaneq pissaaq uku aallaavigalugit: Nunani tamalaani niuerneq aamma pilerisaarineq imaluunniit Aningaasaqarneq aamma pigisanik nalilinnik aqutsineq

Qaffasinnerusumik ilisimatusarneq (AU) immikkut naammassisassatut ilisimatusarneruvoq, taakkununnga ukiunut 2-nut teoriinik atuagarsornermut ilinniarnermullu atatillugu sulinermi (ilinniarnermut atatillugu katersorneqartut) tamarmik immikkut 60 ECTS pointit tunniunneqartarlutik, taamaalilluni qaffasinnerusumik ilisimatusarnermi (AU-mi) ukiuni katillugit 120 ECTS pointit tunniunneqartarlutik

AU Elev

Nunani tamalaani niuerneq aamma pilerisaarineq

  • Ilinniakkami tassani ukiumi siullermi fagit pingitoorani ingerlanneqartartut makkuupput: Tunisaqarnermut pilerisaarusiorneq, suliffeqarfik aamma sulinermi tarnikkut atugassarititat, pilerisaarineq kiisalu inuussutissarsiornermut inatsisit. Ukiup aappaanni fagit pinngitsoorani ingerlanneqartartut tassaapput: Nunat tamalaat akornanni pilerisaarineq aamma misissueqqissaarneq kiisalu Isumaqatigiissuteqarniarneq. Ilinniarneq naammassissutissamik suliaqarnermik inaarneqassaaq

Aningaasaqarneq aamma pigisanik nalilinnik aqutsineq

  • Ilinniakkami tassani ukioq siullermi fagit pinngitsoorani ingerlanneqartussat makkuupput: Inuussutissarsiornermi aningaasaqarneq, kisitsisit atorlugit nassuiaasiorneq kiisalu aaqqissuussaaneq aamma sulinermi tarnikkut atugassarititat. Ukiup aappaanni fagit pinngitsoorani ingerlanneqartussat tassaapput: Piviusumi aningaasaqarnikkut aqutsineq kiisalu naatsorsuutinik misissueqqissaarneq aamma ukiumoortumik naatsorsuutit. Ilinniarneq naammassissutissamik suliaqarnermik inaarneqassaq.

Piginnaasaqarfigisassat

  • Minnerpaamik inuussutissarsiutigalugu ilisimatusarnertut qaffasitsigisumik akuerineqarnissannut naleqquttumik ilinniagaqarsimassaatit, inersimasunut tunngaviusumik ilinniartitaaneq naleqquttoq (GVU), imaluunniit ilinniarnertuutut ilinniarsimanissaq.

  • Aammattaaq ilinnialernissannut akuersissummik pissarsisimassaatit. Qinnuteqarnermi immersugassaq Nuummi Greenland Business Schoolimut saaffiginninnikkut pissarsiarineqarsinnaavoq imaluunnit najukkanni Majoriami.

Aningaasaqarneq

  • Malittarisassat atuuttut malillugit ilinniartoq ilinniarnerminut atatillugu sulinermi akissarsiaqassaaq, ilinniarfimmiinnerullu nalaani malittarisassat atuuttut malillugit ilinniartoq ilinniarnermusiaqartinneqassalluni, ilinniartoq ilinniarnerminut atatillugu piffissani pineqartuni akissarsiaqanngippat

Qinnuteqarnissamu killissarititaq

  • Kingusinnerpaamik qinnuteqarfissaavoq 1. mars, ilinniarnerlu 1. aggustip missaani aallartissaaq

Paasissutissanik allanik pissarsiniarlutit nittartagaq alakkarteruk www.gbs.gl imaluunnit saaffiginnigit Greenland Business Schoolimut oqarasuaat +299 32 30 99

Atorfinnik inuttassarsiuunneqartunik nittartakkatsinni neqerooruteqarutta qinnuteqaammik nassiussisinnaavutit www.airgreenland.gl