Hannover

Nuuk

Illoqarfissuaq, illorsuit, ilorrisimaarnartoq, kulturi, rocki, neriniartarfiit nerisassanik mamarsakkanik sassaalliisartut, kaffisorniartarfiit, atisanik nutaalianik pisiniarfilik, eqqumiitsuliat, nuna tamakkerlugu katersugaasivik Ilisimatusarfillu.

Ilulissat

Sermip iigartarfiata eqqaaniilluni iluliarsuit ataqqinarpasillutik sarsuasut isiginnaarlugit inuuneq pitsaanerpaaffissaminut qaffakaattutut ilisarpoq. Ilulissat kangerluat tupinnanngitsumik Unescop nunarsuatsinni eriagisassatut kingornussat nalunaarsuiffiannut ilanngunneqarnera tunngavissaqarluarpoq.

Sisimiut

Sisimiut illoqarfimmut nutaaliaasumut assersuutissaavoq, eqqaa inunnit silaannarissumiikkusuttunit timikkullu imminnut unammillerusuttunit ornigarneqarluartoq.

Aapilattoq (Upernavik)

Aappilattoq Kalaallit Nunaata kitaani nunaqarfiuvoq, Upernavimmik pigineqartoq.

Aasiaat

Qeqertarpassualimmut feriarnissaq pileritsaassinnaaviuk? Taamaappat Aasiaat Qeqertarsuup Tunuani kujasissumi inissisimasoq tamatumunnga piukkunnarluartuuvoq

Billund

Ikerasak

Ikerasak qeqertami Uummannap kujataatungaani nunaqarfiuvoq. Inissisimanera aalisarnissamut piniarnissamullu periarfissanik ulikkaarpoq, ukioq naallugu pisassaallutik puisit, qalerallit, qeeqqat, tuttut umimmaallu

Isortoq

Isortoq Tunumi Tasiilamit 100 km-it missaannik kippasinnerusumiippoq Ammassallillu nunaqarfiinit minnersaallunilu kujasinnersaavoq. Sermersuarmik qarsutsisunut Isortoq immikkooruteqarluinnartuuvoq.

Ittoqqortormiit

Illoqqortoormiut illoqarfiat timmisartumiit alakkaruk, illullu qisunnik sanaat kusanartut ersarissunik aappalaartunik tungujortunillu qalipaatillit siammarsimasut takukkit. Illoqarfik nunalu allanngutsaaliugaq ataatsimoortut, ileqqutoqqat, kulturi pinngortitarlu nalissaqanngitsut.

Kangerlussuaq

Kangerlussuaq mittarfiinnaanani allarpassuarnik periarfissaqarpoq. Timmisartumit niugussi pinngortitaq saassinniippoq. Tassani sermersuup iigartarfissua ajornannginnerusumik qanillattorsinnaavarsi.

Kangersuatsiaq

Kangersuatsiaq Upernaviup kujataani inissisimavoq ungasissuseqarluni miss. 56 kilometerinik nunaqarfippassuanilu qaninnersaalluni Upernavimmut. Ilisimaneqaatigivaa kusanassutsini paarilluakkallu illut.

Kullorsuaq

Kullorsuaq pilersinneqarpoq 1928-mi atserneqarlunilu qaqqaq nunaqarfiup eqqaaniittoq malillugu, kullorujussuangasoq. Piniarneq aalisarnerlu inuutissarsiutit pingaarnersaraat pingaartumi puisit, qilalukkat qernertat qaqortarlu pisarineqartartut.

Kulusuk

Kulusuk Ammassallip eqqaanni nunaqarfeerannguaq Tunumut isaariaavoq. Qeqertaaqqami innuttaasut taakku aalisartuusut piniartuusullu takornarissanik sungiussilluarsimasuupput inussiarnersuullutillu.

Kuummiut

Kuummiut tunumi Kalaallit Nunaanni kusanarnerpaat ilaanni nunami inissisimavoq. Nunaqarfinni tunumiittuni kisiartaalluni aalisakkeriveqarpoq, peqqutaaqataasunut peqqutaapput, ukiakkut talittarfik sikuneq ajormat.

København

København, Qallunaat Nunaanni illoqarfiit pingaarnersaat, kulturi, inuit biilerpassuillu. Mittarfimmiit nunap qaagut iluatigulluunniit qimutsuitsorlutit illoqarfiup tillernera malugiuk.

Maniitsoq

Maniitsoq pinngortitamik sisorarnermillu nuannarisalinnut alianaalluinnartuuvoq. Illoqarfik qeqertamiittoq qeqertanullu allanut siammarsimasoq ikaartarfeqartitserpoq.

Nanortalik

Ilungersunartorsiorfiusumi eqqissisimasinnaavit? Nanortalik siooragisaqaratik qaqqasiortartunut, qajartortartunut nunakkullu pisuttuartartunut ornigannaajuvoq, immaqalu nannumik naapitsiffiusinnaalluni.

Narsaq

Qaqqarsuup ataani ippoq illoqarfik Narsaq, ukiorpassuunngitsut matuma siorna tunngaviligaq narsaarsuarmilu qorsooqqissumiimmat, Kujataani angalanissami aallaavigissallugu iluartoq.

Narsarsuaq

Mittarfimmiit km-it qulaaluaannaat ingerlagaanni sermersuaq tikittariaqarpoq. Iigartartumut qannguluttumut pisuttuarit imal. Erik Aappalaartup naasorissaasup illuliaani takisuumi qallunaatsiat qanillikkit.

Niaqornat

Niaqornat Nuussuup sineriaani avannamut inissisimavoq, Uummannap kangerluata naanerani Diskobugtimut. Inuttaasut inuuniuteqarput piniarnermik aalisarnermillu assigiinngitsorpassuarnik.

Nuussuaq (Upernavik)

Nuussuaq avannaata kitaani inissisimavoq qeqertaasami Nuussuarmik atilimmi 200 kilometerit missaani Upernaviup avannaaniilluni.

Paamiut

Illoqarfik Paamiut Nuup kujataaniippoq, Kalaallit Nunaanni illoqarfiit ikittuinnaat sissamit sioralimmiit sermersuarmut isikkiveqarmata, aasami onissallugu kajungernartuuvoq.

Pituffik (Thule)

Pituffik (Pituffik Space Base) amerikkarmiut sakkutooqarfigaat, tassaniinneq akunninnerlu immikkorluinnaq ittunik maleruagassartaqarpoq.

Qaanaaq

Qaanaaq Kalaallit Nunaanni illoqarfiit avannarlersaraat. Immap tungaanut sivinganermiilluni Kalaallit Nunaanni illoqarfinnut allanut assingunngilaq. Aqquserngit narlusuut akornini illut tulleriiaarlutik inissisimapput.

Qaarsut

Nunaqarfimmut piviusumut takornariaritsi imal. Qaarsunit aallaaveqartumik Uummannami misigisassarsioritsi avannarparternerullusiluunniit angalagitsi. Oqaluttuarisaaneq inuillu kulturiat soqutigigussigik Qilakitsoq takornariarsiuk.

Qaqortoq

Kujataani illoqarfiit pingaarnersaat, inuusuttut ilinniarfiat, taaguummik ”Kalaallit Nunaanni illoqarfiit alutornartut alianaannerpaallu ilaannik” ilisarnaatilik.

Reykjavik

Qeqertaq innermik anitsiviusartoq kissartunik puilasulik, tissaluttulik, sermimik iigartartulik qorlortorsualillu. Illoqarfik Reykjavik ulloq unnuarlu pisoqarfiusaqaaq.

Saattut

Saattut nunaqarfeeraavoq, 26 kilometerinit avannarpasissuseqarluni Uummannamiit.

Saqqaq

Saqqap seqernup saqqaagaaniinneq ateqaatigaa, taamalu atserneqarsimanera piaarinaatsoornerinnaanngilaq, Kitaanimi nunaqarfinnguaq taanna Qeqertarsuup Tunuani Ilulissanit 100 km-it missaannik avannarpasinnerulluni qeqertaasap Nuussuup kujataa tungaaniippoq.

Savissivik

Qimusseriarsuup avannarpasissuani sinerissami nunaqarfik inissisimavoq ateqartoq Savissivik qeqertamiilluni, ungaluneqarsimasutullusooq sermersuarmit illuni, imarpissuarmut sammilluni.

Sermiligaaq

Nunaqarfik Sermiligaaq kusanaqisumiippoq qeqertaasami Kalaallit Nunaata tunuani 100 kilometerini avannaaniilluni Tasiilap. 200 sinnulaarlugit inoqarpoq isumalluutaavoq piniarneq aalisarnerlu.

Siorapaluk

Sioarapaluk avannarpasinnersaavoq ’ilumoortoq’ nunaqarfik Kalaallit Nunaanni – Nunarsuarmimi tamani, amerlasuut isumaat malillugu. Taamaallaammi mittarfeqarfiit sakkutooqarfiillu inoqartut avannarpasinnerupput.

Tasiilaq

Tasiilaq Kong Oscar Fjord-ip sinaani qaqqap innaani qaqqarsuarnit qutaarluusunit qaavi aputaajuitsunit unguneqarsimalluni inissisimavoq. Taanaannarluunniit pissutigalugu illoqarfik takornariagassaqqissuuvoq.

Tasiusaq (Upernavik)

Nunaqarfik avannaaniittoq kujataaniittup aapparaa ateeralugu, Tasiusaq, Upernavimmiit avannamut 71 kilometerinik ungasitsigisumiilluni Qaasuitsup Kommuneaniilluni.

Tiniteqilaaq

Tiniteqilaaq Ammassalik qeqertaasa tallimaasut ilagaat nunaqarfik. Nunaqarfik Ikasativaq-kangerluata illuatungaaniippoq Sermiliup tungaanut, tunumi sermersuaqarfiusumut.

Upernavik

Upernaviup eqqaata untritilinnik qeqertaqarnera feeriarnermi qajartornissamut naleqqulluinnartuuvoq. Tamanna anorimut oqquuvoq, qatsunngarittarluni pinngortitarlu nalissaqanngilluinnartuulluni. Nunaqarfiit aqqusaartorlugit qajartorsinnaavusi. Juuli-miit aggustimut innuttaasut tikilluaqqusisaqaat. Juuni qaammat aatsaat siku aakkiartulersarpoq.

Upernavik Kujalleq

Upernavik Kujalleq, siusinnerusukkut danskisut ateqartinneqarsimavoq ’Søndre Upernavik’, kujasinnerpaajusoq Upernaviup qeqertarpaani.

Uummannaq

Isit isigisut tarnerlu misigisanik ulikkaartoq apeqqutaallutik Uummannaq Kalaallit Nunaanni sumiiffiit pinnernersaattut inuit ilaannit nalilerneqartarpoq. Illoqarfimmut qaqqarsuup uummatitut ilusillip killinganiittumut tikilluaqqusivugut.

Qeqertarsuaq

Qeqertarsuaq qeqertaavoq, Diskobugtimi inissisimasoq. Qeqertaq pinngortitamut pisuttuarnermullu nuannarisalinnut tulluartuuvoq.

Qasigiannguit

Qasigiannguit diskobugtimi inissisimavoq, Ilulissat Aasiaallu akornani. Illoqarfiup inissisimanera pisulluni ingerlaartartunut nuannarisalinnut tuulluuppoq.

Aalborg

Aalborg Jyllandip avannaani illoqarfiit pingaarnersaattut angisuunik mikisunillu asseqanngilluinnartunik misigisassaqarpoq. Illoqarfissuaaqqami katersugaasivinnut, illunut oqaluttuarisaanermut pingaarutilinnut illunullu titartaasartut torrallassimasaannut pulaarsinnaavutit. Aalborgimiit biilerlutit Danmarkip avannarpasissortaa ornissinnaavat.

Aarhus

Aarhusimi oqaluttuarisaaneq inooriaaserlu nutaaliaasoq asseqanngitsumik ataqatigiimmata, tikeraat kikkulluunniit nuannarilluinnalertarpaat. Kuunnguaq qiterfasissumiittoq kusanartoq, sissaq takujuminarluinnartoq aammalu aqqusernit ujaqqanik qallersukkat peqqutaallutik Aarhus uummaarilluinnartunik misigiffiuvoq.

Amsterdam

Amsterdam Hollandip uummatigaa, aammalu illoqarfiuvoq ikerasaliat akornanni qanga maannalu inuunermut akuleriissitsiviusoq. Pisuinnarnut aqqusernit ujaqqanik qallersukkat 100 kilometerit sinnerlugit takissuseqarmata aamma 1.200-nik ikaartarfeqarmata illoqarfik aqqusinerni, ujaqqanik nutaanngitsunik qallersukkani aammalu illut talullit akornisigut nuannersuni angalaartoqarsinnaavoq.

Anchorage

Anchorage-mi Alaskap kusanassusersua misigissavat. Qaqqarsuit kangerluillu alianaatsorsuit uumasunut nujuartanut, soorlu allarsuarnut sinerissamilu arfernut isaariaapput. Sermip sisujartorfiinut arsarnernullu qilammi qaamasunut misigisassarsiorusuttunut pilerinarluinnartoq

Bergen

Bergen Norgemi illoqarfiup annerup tulleraa, pinngortitaq alianaatsorsuuvoq, kulturikkut eriagisassaqarpoq aammalu sumiiffiit oqaluttuarisaanermut tunngasut siumorneqarsinnaapput.

Berlin

Berlin Tysklandip illoqarfiisa pingaarnersaraat annersaralugulu. Nunap avannamut kangiani inissisimavoq, aammalu oqaluttuarisaanini, kulturi politikkilu tamatigoortoq ilisimaneqaatigai.

Boston

Boston illoqarfiit pingaarnersaraat, Amerikap ilaani Massachusett-imiittoq, aammalu USA-mi illoqarfiit pisoqaanersaasa ilaannut ilaasoq. Illoqarfik oqaluttuarisaanikkut pisuujuvoq, aammalu nunap ineriartornerani pingaarutilimmik inissisimasimalluni.

Bruxelles

Bruxelles Europami qitiuvoq anersaajullunilu, tassanilu oqaluttuarisaaneq, eqqumiitsuliat kusanartunillu nerisassiorneq qalipaaterpassuit mamassuserpassuillu atorlugit ataatsimoortinneqarput. Illoqarfiup silaannaa uummaarissoq misigiuk, aammalu takusassat ilisimaneqartut ilaat tunniutiinnarfigikkit.

Chicago

Chicago illoqarfissuuvoq Lake Michigan sinerlugu inissisimasoq, tassanilu illorsuit portusuut ataqqinarpasissut akornanniipput nipilersorpalaaq, eqqumiitsuliat illullu kusanartorsuarnik ilusillit. Wincy City aqqusaarlugu angalagit, aammalu takusassat ilisimaneqarnerpaat ilaat misigikkit.

Denver

Denver USA-p naalagaaffiisa ilaanni Colorado-mi illoqarfiit pingaarnersaraat, illoqarfiuvorlu oqaluttuarisaanikkut pisooq tamatigoortunillu kultureqarfiusoq.

Düsseldorf

Düsseldorf tyskit naalagaaffiata immikkoortuani Nordrhein-Westfalen-imi inissisimavoq, illoqarfiuvorlu nutaaliaasoq uummaarissorlu, kuussuup Rhinen-ip sinaani inissisimasoq. Düsseldorf-imi ileqqut nutaaliallu akuleriipput, taamaattumillu ornigassaavoq alutornartoq, niuerniarluni angalasuniit kulturimik soqutigisalinnut, aammalu inuulluataarusuttunut tamanut neqeroorutissaqarpoq.

Frankfurt

Frankfurt illoqarfiuvoq nutaaliaq, oqaluttuarisaanerup alutornartortaanik naapitsiffik, tassanilu kulturi niuernerlu imminnut kattupput. Silarsuaq alutornavissunik ilusilinnik illulik, katersugaasiviit alutornartut nukiillu uummaarissut misigikkit. Frankfurt illoqarfissuartut aningaasaliisarfittuinnaq inissisimanngilaq; aammali ornigassaavoq illuatungereeqarfinnik angalasunut kikkunnulluunniit tiguaasinnaasunik ulikkaartoq.

Göteborg

Göteborg-imi kulturi pisooq, teknologiikkut siuariartorneq silaannarlu uummaarissoq peqqutaallutik illoqarfik ornigassaavoq tiguartinnartoq, tikeraanut kikkunnulluunniit neqeroorutissaqartoq.

Halifax

Halifax Nova Scotia-p sineriaani kissalaartumik misigiffiuvoq, oqaluttuarisaanermik maanna inuunermut naapitsiffiulluni, aammalu misigisassat aqqusernit sangoriaani tamani naammattoorneqarsinnaapput. Oqaluttuarisaanerup anersaava aqqusaaruk, aammalu erlinnartuutit toqqortat, Halifax-imik angallavissatut puigunaatsunngortitsisartut nassaarikkit.

Hamborg

Hamborg Elben-ip sinerpiaaniilluni, aammalu ileqqut nutaalianut kattuffianiilluni ornigassatut asseqanngilluinnartuuvoq. Illoqarfiup oqaluttuarisaanera pisooq, umiarsualivik uummaarissoq, eqqumiitsuliornerup silarsuaa unnuakkullu inuuneq uummaarissoq tikeraanut assigiinngitsorpassuarnik misigisaqarfissanik neqerooruteqarfiupput.

Hannover

Hannover-imi oqaluttuarisaanerup nutaaliaasut tulluussarfigalugit ataatsimoorfigai. Illoqarfiup takujuminarnersaat kusanarluinnartut aqqutigalugit angallallatsigit, aammalu erlinnartuutit toqqortat nassaarineqarnissaminnut utaqqiinnartut qulaartigit.

Luxemborg

Luxembourg-imi silarsuaq tupinnartuuvoq eqqumiitsuullunilu, tassanilu oqaluttuarisaanerup kusanassuseq naapippaa, aammalu nunap mikisunnguup ilorrisimaarnarnerata tupigutsatsissavaatit. Piffissaq aqqusaarlugu illullu ilusilersukkat aqqusaarlugit angalaffigigukku puigunaatsorsissaatit, aammalu erlinnartuutinut toqqortanut, misissorneqarnissaminnut utaqqiinnartunut tunniutiinnartissavaatsit.

Kandersteg

Kandersteg, Schweiz-imi qaqqat Alpit qeqqanniittoq, pinngortitap qaqqallu alianaassusii peqqutaallutik tikeraanut uissuummititsisarpoq. Qaqqat qaavi aputillit, qooqqut qorsooqqissut tatsillu ersarissut avatangiisigalugit Kandersteg ornigassaavoq, eqqissisimaarnissamik misigisassarsiornissamillu neqeroorutilik.

Milano

Milani Italiami Rom-imut tulliulluni illoqarfiit annersaata tulleraa, aammalu Lombardiet-imi illoqarfiit pingaarnersaattut inissisimalluni. Illoqarfik nunap avannarpasissuaniippoq, aammalu aningaasaqarnikkut mutiliornikkullu qitiusutut pingaarutilittut ilisimaneqarluni.

Minneapolis

Minneapolis illoqarfiuvoq, Amerikap naalagaaffiata immikkoortuani Minnesotami inissisimasoq, illoqarfillu saniliusoq St. Paul peqatigalugu illoqarfeqarfimmi marlulissatut taaneqartumi inissisimalluni.

München

München Tysklandip naalagaaffiata immikkoortuani Bayernimi illoqarfiit pingaarnersaraat. Illoqarfimmi inooriaaseq nutaaliaasoq kulturikkut kingornussarpassuarnik tapertaqartinneqarput.

New York

New York City, aammattaaq The Big Apple-tut imaluunniit NYC-ginnartut ilisimaneqartoq nunarsuatsinni illoqarfissuit alutornarnersaraat uummaarinnersaralugulu.

Oslo

Oslo Norgemi illoqarfiit pingaarnersaraat annersaralugulu. Illoqarfik oqaluttuassarpassuaqarpoq, illut ilusiligaaneri imaannaanngillat aammalu pinngortitaq nukittuumik attaveqarfiuvoq.

Paris

Paris Qaamarnup Illoqarfiatut, La Ville Lumière, ilisimaneqartoq Frankrigimi illoqarfiit pingaarnersaraat, aammalu nunarsuarmi illoqarfiit ilisarisimaneqarluartut ilagalugit. Illoqarfik oqaluttuarisaaneq annertooq, kulturi, eqqumiitsuliorneq, illut titartarneqarneri, mutit nerisassallu pillugit ilisimaneqarluarpoq.

Seattle

Seattle illoqarfiuvoq uummaarissoq, USA-p avannamut kitaani inissisimavoq, aammalu kulturi asseqanngitsoq, pinngortitami avatangiisit alianaatsut teknologiimilu nutaaliornerit pillugit ilisimaneqarluni.

Stockholm

Stockholm, Sverigemi illoqarfiit pingaarnersaat illoqarfiuvoq alianaatsoq, 14-inik qeqertaqartoq. Illoqarfimmi illut ilusiligaanerini itsaq ilusileeriaatsit ilusileeriaatsillu nutaaliaasut akuleriipput, illuatungeriillutik alutorsarnartumik sunniisartut.

Stuttgart

Stuttgart Tysklandip naalagaaffiata immikkoortuani Baden-Württembergimi illoqarfiit pingaarnersaraat, aammalu Tysklandimi illoqarfittut suliffissuaqarfittut kulturileriffittullu pingaaruteqarluni.

Toronto

Toronto Canadap illoqarfiisa annersaraat, aammalu aningaasaqarneq eqqarsaatigalugu nunami illoqarfiit pingaarnersaralugu. Toronto nunap immikkoortuata Ontariop kujammut kangianiilluni nutaaliaavoq, kulturit assigiinngitsut atuuffigaat, tamatumalu saniatigut illut ilusiinik, kulturinik aningaasaqarnermillu ingerlataqarfinnik akuleriissitsiviulluni.

Trondheim

Trondheim Norgemi illoqarfiuvoq nuannersoq, sorpassuartigut oqaluttuarisaanini, kulturikkut kingornussani avatangiisiminilu pinngortitap alianaannera pillugu tusaamaneqartoq.

Vancouver

Vancouver, Canadap kitaata ilaaniilluni Manerassuup sineriaaniittoq illoqarfiuvoq, pinngortitaq, assigiinngissitaarnerit illoqarfimmilu inuuneq pillugu ilisimaneqartoq.

Washington DC

Washington, D.C., USA-mi illoqarfiit pingaarnersaat illoqarfiuvoq oqaluttuarisaanikkut, politikkikkut kulturikkullu pingaarutilik.