Club Timmisamut ilaasortanngorit

Taamaatiguk

5786

Nunatta kujataani qulimiguulimmik angallassinissamut ukiumi ataatsimi kiffartuussinissamut isumaqatigiissut akuerineqartoq

2026-mi aprilimiit Nunatta kujataata kiffartuunnissaa Namminersorlutik Oqartussat Air Greenlandillu akornanni ukiumi ataatsimi kiffartuussinissamut isumaqatigiissummi nutaami qulakkeerneqarpoq. Maanna Qaqortumi mittarfimmut nutaamut qulimiguulimmut bilitsinik imminut atasunik pisisoqarsinnaalerpoq.

 

Uuma sapaatip akunnerata aallartinnerani Nunatta kujataani qulimigulimmik kiffartuussinissaq nutaaq ukiumi ataatsimi atuuttussaq Ineqarnermut, Attaveqaasersuutinut Isorliunerusunullu Naalakkersuisoqarfiup Air Greenlandillu akornanni isumaqatigiissutigineqarpoq. 

Isumaqatigiissut apriilip 16-ani 2025-mi atuutilissaaq Qaqortup mittarfiata ammarneqarneranut atatillugu.

 

Taamak isumaqatigiittoqaarneratigut maanna angalasut bilitsinik imminut atasunik pisisinnaalissapput, Qaqortup mittarfittaavata Narsamut, Nanortalimmut nunaqarfinnullu qanittuaniittunut attaveqalersitsineratigut – nunattalu sinneranut kiisalu Air Greenlandip nunanut allanut attaviinut ingerlaqqissinnaalerlutik.

 

Kiffartuussinissamut isumaqatigiissummi qulimmiguullit H125 marluk Qaqortumi aallaaveqartut pineqarput, ukioq kaajallallugu Narsamut Nanortalimmullu timmisartussat nunaqarfinnullu januaarip aallaqqaataaniit maajip 31-anut kiisalu septembarip aallaqqaataaniit oktobarip 25-anut 2026. Qulimiguulik H155 ullumikkut Narsarsuarmiit nunap immikkoortuanik kiffartuussisoq piffissami ikaarsaarfiusumi atorneqarallassaat qulimiguullit nutaat inuttaallu inissikkartorneranni.

Jacob Nitter

Sullitanut ersarissoq

Air Greenlandimi pisortaaneq Jacob Nitter Sørensen isumaqatigiissut inissimmat nuannaarpoq:

- Nunap immikkoortuani kujataani mittarfimmut mittarfimmiillu nunap sinneranut nunanullu allanut qulimiguulimmik attaveqarnerit pillugit sullitarpassuavut paasisaqarusussimapput. Tamanna sullitatsinnut toqqissisimanarnerulerpoq – aamma kinguaattoortoqartillugu taamaatitsisoqartillugulu, oqarpoq.

Angalanissamut pilersaarutit nutaat Nunatta kujataani angallannikkut periutsit allanngornerannut naleqqussarneqarsimapput, nutaamik mittarfeqalernikkut Qaqortup Narsarsuullu akornanni timminerit taamaatinneqarnissaannut. Saniatigut qulimiguullit marluk Qaqortumi aallaaveqartut angallannermut pajataallisaataassapput nunallu immikkoortuata kiffartuunneqarnera isumannaannerulersillugu. 

Aqqa

Nutaamik neqeroortitsinissamut aaqqiigallarnerit

Qaqortup mittarfiata ammarneratigut nunatta kujataani angallannikkut pissutsit annertuumik allanngussapput. Taamaattumik oqartussaasut patajaatsumik ikaarsaariarnissaq sivisunerusumik atuuttussamik aaqqqiinissap tungaanut qulakkeerusussimavaat.

Isumaginninnermut, Suliffeqarnermut, Ineqarnermut, Attaveqaasersuutinut Isorliunerusunulllu Naalakkersuisoq Aqqaluaq B. Egede oqarpoq:

- Nunatta kujataani angalasunik kiffartuussineq patajaallisarniarlugu aaqqiigallarnissaq pingaartuuvoq. Pingaartutullu isigaara sumiiffimmi najugallit peqataatinnissaat, taamaattumillu ulluni makkunanerpiaq Qaqortumi attaveqaasersuutit pillugit isumasioqatigiissitsivugut. Matumani sumiiffimmi soqutigisaqartut 2030 tungaanut siunissami angalariaatsit pillugit isummersoqataapput.

Qaqortup mittarfianut timmisartumik angallassinissamut pilersaarutit 2025-mi ukiaaneranili tuniniarneqarput. Maanna nutaanik isumaqatigiissuteqarnikkut qulimiguulimmik angallassinissamut pilersaarutit ikkunneqarput, bilitsillu tuniniarneqarlutik.

Apriilip 16-ani 2026-mi Qaqortup mittarfiata ammarnerata kingorna angalanissamut pilersaarutit ima isikkoqarput:

Ataasinngorneq, marlunngorneq, sisamanngorneq tallimanngornerlu København – Nuuk – Qaqortoq aqqut ataavartoq

 Angallaffiunerpaap nalaani aamma arfininngornikkut sapaatikkullu – tassalu ulluinnarni angallannnerup tungaanut kiisalu aqqummi pingasunngornikkut Nuuk aqqusaarlugu Billund – Qaqortoq

 

Qulimiguulimmik angallaffinni ornigassat Københavnimut Københavnimiillu Nuuk Qaqortorlu aqqusaarlugit attaveqalerpoq angallannermut pilersaarutini tunngaviusuni sapaatit akunneranut arlaleriartumik kiisalu Nuuk aqqusaarlugu Nunatta sinneranut ingerlaqqinnermi.

Paasissutissat

  • Kujataani qulimiguulimmik angallannermi angalanissamut pilersaarutit naatsumik

    Qaqortoq – Narsaq

    Ulluinnarni marloriarluni siumut utimullu timminerit

    Qaqortoq – Nanortalik

    Ulluinnarni ullormut pingasoriarluni siumut utimullu timminerit

    Nunaqarfinnut timmisartornerit

    Piffissani januaarip 1-aniit maajip 31-anut aamma septembarip 1-aniit oktobarip 25-anut:

    • Alluitsup Paa
    • Ammassivik
    • Tasiusaq
    • Aappilattoq
    • Narsaq Kujalleq
    • Arsuk*

    * Arsuk taamaallaat januaarip 1-aniit maajip 15-anut.