4120

Air Greenlandip nunani tamalaanik sullissisut CHAMP, nassiussalereriaatsinik immikkut ilisimasallit, pingaarutilimmik isumaqatigiissuteqarfigai. Isumaqatigiissusiornitsigut nunarsuaq tamakkerlugu nassiussanik isumaginneriaaserput annertuumik pitsanngoriassaaq.

Nunarsuup sinneranut avinngarusimasumik inissisimanitta nunatsinnit nassiussassat silaannakkut ingerlanneqarnissaat nunatta pinngitsoorsinnaanngilaa. CHAMP-imilli isumaqatigiissusiornitsigut Cargospot-ip atortorissaarutit tunisassiai atorsinnaanngorpagut.

Atortut taakku ullutsinnut naleqqussakkat atorlugit nunarsuup sinneranut tassanngalu nassiussassanik aaqqissuussineq aqutsinerlu oqinnerulissaaq.

Nassiussat aqqutit unamminarsinnaasut atorlugit sukkasuumik qularnaatsumillu ingerlaarnissaannut aaqqissuunnissaannut Air Greenlandip periarfissai Cargospotimik atuinikkut pitsanngoriassapput.

Aamma nassiussat sumut ingerlanissaannut, aqqutissaasalu qulakkeernissaat, Cargospotimi atortut atorlugit aqukkuminarnerulissapput. Tassa Cargospot immaqa immikkut sullissisutut, sunik tamanik aaqqissuussillunilu inuiaqatigiit nunarsuup sinneranut attaveqarnissaanik qulakkeerisutut, taaneqarsinnaavoq.

CHAMP-imit sullinneqartutut Air Greenland ukunannga aamma atuisinnaalissaaq Cargospot-suite, herunder Cargospot Airline, Cargospot Handling, Cargospot Mobile, Cargospot Revenue Accounting, Cargospot AirMail og Cargospot Portal. Taakku tamarmik ataatsimut nassiussanik allakkanillu suliaqarnermut atortuupput, soorlu nassiussanik tuniniaaneq, isumaginninneq, nassiussat ingerlaarnerinik malinnaatitsineq taamatullu atuisugut cargo portal atorlugu nassiussassanik inniminniisinnaatillugit.

CHAMPip atortorissaarutaanut ataqatigiisakkanut aningaasaliinitsigut nunatsinnut nunatsinniillu silaannakkut nassiussanik isumaginninnerput annertuumik pitsanngoriarlunilu inissisimallualissaaq, tamannalu Air Greenlandip ullutsinnut naleqqussaanermut aammalu qarasaasianik atortoqarnermut periusissiaanut naapertuuppoq.