Anigit
Timmisartuusinermut pilersaarutit kinguaatuusapput julip 8 - 15-anni
Kingullertigut nuna tamakkerlugu angalasorpassuit annerusumik nuissat appasissut pujorlu peqqutaallutik kinguaattoornernik taamaatitsinernillu eqqugaapput. Sila taamaatsillugu silaannarmiissinnaanitsinnut sunniuteqarlunilu timmisartuutsitsinissatsinnut pilersaarutitsinnut ajoqutaavoq. Piffissami angalaffiusinnaasumi eqqugaasut tamaasa angumerisinnaanngilagut, tassami aamma eqqissisimaartussaatitaaneq, inatsisit naapertorlugit eqquutittariaqagarput, inuttanut aamma eqquivoq.
Soorunami angalasorpassuit kinguaattooqqanerat ajuusaarnarpoq, sapinngisarpullu tamaat atorlugu aaqqiissutissarsiorpugut. Sapinngisamik piffissaq atorluarumallugu timmisartut angalanissaat silap qanoq innera aallaavigalugu allanngortarpagut. Ajoraluartumillu angallasussat ingerlariaqqinnaveertut apuuffissaminnut apuunnissaasa tungaanut suli utaqqilaartariaqarpugut.
Angalasut ilaasa angalanissaminnut pilersaarutaat arlaleriarlutik allanngortariaqartarsimapput sapaatillu akunnera sinnerlugu utaqqisariaqartarlutik, sulilu taamaatitsinerit amerliartorlugit angalasut sumiinnerat apeqqutaalluni kinguaattoortut aamma amerliartorlutik. Suliaqarfitsinni taasartagarput ”en rullende IRR” – ullut tamaasa angalasut eqqugaasut amerliartornerannik isumalik, taamaatitsinernit aamma sunnerneqarpoq, angalanissamillu pilersaarutinik nutaanik aamma kinguneqartitsilluni.
Eqqugaanerpaapput Kujataaniittut, sikorsuit nuissallu appasissut pujorlu peqqutaallutik ingerlariaqqinneq ajulersunik kinguneqartitsimmata. Taamatuttaaq illoqarfinni appasissunik nuialinni pujoqartunilu minniarnermut qangattarniarnermullu akornutaapput. Kinguaattoornerit nassiussanut aamma kinguaattoortitsipput, taamaattumik utaqqineq sivisunerusinnaassaaq.
Periarfissaatillugu silalu apeqqutaatillugu timmisartuussinernik nutaanik ikkussisarpugut.
Angalasut naatsorsuutigissavaat angalanissamik allanngornerat pillugu allagarsiumaarlutik. Annertuumik ataqatigiissaariniarsaraagut taamaattumillu sapinngisamik amerlasuut angalanissaannut periarfissat tamaasa atorluarniarlugit allannguinermik kinguneqarsinnaavoq.
Taamaammat angalanissamut pilersaarutit nutaanerpaat Club Timmisa app’ikkut, mailikkut imaluunnit Airgreenland.gl-ikkut malinnaaffiginissaat innersuussutigerusupparput.
Neriuppugut sila angallavigiuminarsipallakkumaartoq angalasullu paasinninnerannut qujalluta.
Paasissutissat kingulliit uani malinnaavigineqarsinnaapput www.airgreenland.gl/angallassinermut-pilersaarutit
Kissaatigineqarpat angalanissat unitsinneqassasoq imaluunniit kingusinnerusukkut aallartussanngortsissappat, qinnuigissavatsigit una atorlugu saaffigissagitsigut: https://kundeservice.airgreenland.gl/hc/kl-us/requests/new
Angalanissat angalatitsivik atorlugu inniminnersimagukku, qinnuigissavatsigit angalatitsivik attavigissagit.
Timmisartuussinissanut allannguutit aamma Club Timmisa app-ikkut malittarisinnaavatit, tassani timmisartut aallartut malinnaavigisinnaagakkit, aamma nittartakkatsigut ugguuna malinnaasinnaavutit:
Isumagilluassavatsigit
Ornitannut apuunnissat sapinngisarput tamaat isumagisarparput, pilersaarutinilli eqqortitsiniarneq ilaatigut ajalusoortarpoq, issittumilu sila aalajangiisuulluinnartarluni. Taamaammat angalaninni pilersaarutaanngitsumik kinguaattuussaguit angalanissalluunniit allanngussappat quppernermi uani ataatsimoorput ilisimasariaqakkatit.
Malinnaagit
Angalanerit kinguaattuussappat allanngussappalluunniit, angalanissamut pilersaarut nutaaq sms-ikkut imaluunniit e-mailikkut ilinnut nassiutissavarput.
Eqqaamassavallu attavigisinnaaqqullutit angalaninni mobilip atukkavit normua e-maililunniit atukkat uagutsinnut ilisimatitsissutitut nalunaarutigissagakku. Illit nammineq ajornanngitsumik paasissutissat ilinnut tunngasut nutarsarsinnaavatit, uani 'Bilitsera'.
Bilitsit Air Greenlandimit pisiaanngippat, bilitsisiffinnut saaffiginnissaatit.
Aamma aallarfissat nittartakkatsinni uani Tikittussat aallartussallu - timmisartuussivissat, malinnaavigisinnaavat imaluunniit mittarfinni isiginnaarutini paasissutissiisarfinni imaluunniit Club Timmisa app– ikkut. Eqqaamajullu app-imiittoq ’malitat’ ikissagakku, taava timmisartumut ilaaffissannut tunngasumik allannguuteqassagaluarpat ingerlaannaq nalunaarutisissaatit.
Angalanissamik allanngortitsineq bilistillu akianik utertitsineq
Piaarnerpaamik ornitannut apuunnissat anguniarlugu angalanissannut allannguut pitsaanerpaaq isumagisarparput.
Angalanissamut pilersaarut nutaaq ilinnut naleqqutinngippat una, immersugassaq – atorlugu pilersaarummik allamik piumasinnaavutit, bilitsivilluunniit akiata utertinnissaa kissaatigalugu. Sullitanut kiffartuussivipput oqarasuaatikkut saaffiginnittunut ima ammasarpoq (GMT-3), ataasinngornermiit tallimanngornermut nal. 8-14 arfininngornikkut aamma saapat nal. 08-15.
Angalanissannut siunertarisat eqqortissinnaajunnaarukku, angalanerpit akiata utertinnissaa pisinnaatitaaffigaat.
Bilitsit Air Greenlandimit pisiaanngippat, angalanissavit allanngortinnissaanut imaluunniit akiata utertinnissaanut tunngatillugu pisiffigisannut saaffiginnissaatit.
Paasissutissat imeruersaatinut, nerisaqarnermut, assortoneqarnermut unnuinermullu tunngusut
Issittumi angalatilluni kinguaattoortarnerit ajoraluartumik angalanermut ilaasinnaasarput, mittarfimmilu sulisut sapinngisartik tamaat pitsaanerpaamik ikiuunniartarput. Piffissamik sivisuumik kinguaattoortoqartillugu, allagartanik nerissutissanik neqeroortarpugut, kinguaattoornerlu sivitsoraluttuinnassappat hotelimut inissinneqarnissat isumagisarlugu.
Ilaasutut pisinnaatitaaffiit
Pisut suuneri apeqqutaatillugit aningaasanik taarsiivigitinnissat pisinnaatitaaffigisinnaavat. Taamaattumik pisinnaatitaaffitit quppersakkami uani pisinnaatitaaffitit – atuakkit. Malugeqquarpulli Air Greenlandi silap allanngorarneranut akissussaasuunngimmat.