ILIK
Peqatigiiffik Ilik aqqutigalugu angalanerit aorlugit Air Greenlandip ataatsimoorneq illersorpaa
Tunisassiaq Ilik atorlugu Air Greenlandimut Greenland Travelimullu ajornannginnerulerpoq ataatsimoornerup nukittorsarnissaa akaareqatigiinnermillu pilersitsinissaq ajornanginneruerluni – timersorneruppat, kultooriuppat, ilinniartutut angalaneruppat imaluunniit inuiaqatigiinnut avatangiisinullu sammisunik aaqqissussineruppat.
Ilik annermik inuit namminneq suliniaqatigiiffiiniut NGO-tut suliaqartunut kajumissutsimillu ingerlatsivinnut peqatigiiffinnullu sammitinneqarpoq, suliamik aningaasalersuisutut angalanermullu aningaasartuutinik aningaasalersuisutut, kajumissutsimik tamakkiisumik sulinermi piffissalluunniit ilaani sulinermi. Inuiaqatigiinni pingaarutilinnik suliaqartut inuiaqatigiinni pingaaruteqartumik inissisimapput innuttaasut soqutigisaannik akuuffgisaannillu siuarsaasutut.
Air Greenlandip angallaviini tamani (interlineriunngitsuni) Iliup angalatinnerani nalinginnaasumik bilitsip akianit 75 procentit tikillugit akikilliliisoqarsinnaavoq mittarfeqarnermut akitsuut ilanngunnagu, piffissami inniminniinermi angalanissani toqqarneqartuni inissat inuttassaqanngippata.
Taamaaliornikkut aningaasarpassuit ileqqaarneqarsinnaapput, piffissaagallartillugu suliassanut pilersaarusioraanni.

Ataatsimoorluta Kalaallit Nunaat kivissavarput
Tunisassiaq Ilimmut tunngasoq atorlugu Air Greenland aamma Greenland Travel inuiaqatigiinni akisussaaqataaavoq, suleqatigiinnitsinnut iluaqutaasumik, inuit attavilernissaannik akikillisaanikkut.
Ililli taamaallaat bilitsinik pisinermi iluaqutaanngilaq. Timmisartumi aallartumi ilaasut amerlanerutillugit isersitaqarnissamut tunngavissat pitsaanerussapput, taamaalornikkut ingerlatsinermi aningaasartuutit annikillisarneqarlutik taamaalillunilu ataatsimut isigalugu bilitsit akiinut iluaqutaalluni, imaluunniit inuiaqatigiit pissarsiassaat annertunerulerlutik. Ilik bilitsi atorlugu angalagaanni timmisartup naammassisinnaasai atorluarneqartarput, taamaalillutik ilaasumut ataatsimut kilometerit eqqarsaatigalugit CO2-mut sunniutit aamma annikinnerullutik, aniatitsineq angalasunut amerlanermut siammarneqartarmat.
Uani ILIK pissarsiariuk
Ilik Peqatigiiffinnut angalaneq, pingaarnertut ukununnga sisamat immikkoortinneqarpoq, tassa Ilik timersorneq, Ilik ilinniagaqarneq aamma Ilik kulturi.
Immersugassaq atorlugu Ilik Peqatigiiffinnut angalanermut qinnuteqarit. Immersugassaq immersoreerussiuk taanna immikkoortortamut ataatsimoorlutik angalasunut akisussaasumut toqqaannaq ingerlateqqinneqassaaq, tassanngaanniillu attavigineqassaasi.
Malugiuk Ilik Peqatigiiffinnut angalaneq, taamaallaat Air Greenlandip timmisartuussiviini atorneqarsinnaammat. Ukioq kaajallallugu angalasoqarsinnaavoq, sapinngisamillu inniminniiaarnissaq innersuussutigaarput. Inniminniiaaraannimi timmisartuni inissaqarnissaq qulakkeerneqarsinnaavoq. Qinnuteqaatip nassiunneraniit akineqarnissamut suliffiit ulluinnaat pingasut piffissaapput.

ILIK Kulturi

ILIK Timersorneq

ILIK Ilinniagaqarneq
Angalasussat aqqi
- Ukiuunerani, tassa piffissami 1. januar – 14. juni aamma 16. august – 31. december, angalassagaanni angalasussat aqqi tamarmik kingusinnerpaamik aallarfissaq ullunik 14-inik sioqqullugu nassiunneqassapput.
- Aasaanerani, tassa piffissami 15. juni – 31. august, angalassagaanni, angalasussat aqqi tamarmik kingusinnerpaamik aallarfissaq ullunik 30-nik sioqqullugu nassiunneqassapput.
- Angalasussat aqqi kingusinnerpaamik aallarfissaq sap.ak. ataaseq sioqqullugu allanngortinneqarsinnaapput, inummut ataatsimut 900 kr.-nik akiliilluni.
Attaveqarfissaq
Ilik Peqatigiiffinnut angalanermut tunngasunik imaluunniit ataatsimoorluni angalanernut allanut tunngasunik apeqqutissaqarpit?
Taava Air Greenlandip ataatsimoorluni angalasunut immikoortortaa, Nunatta Angalatitsivia uunga attavigiuk +299 70 11 07, imaluunniit uunga allagit group@greenland-travel.gl