Ullumi nal. 14 miss. Air Greenland GL382 H155 qulimiguulik qulinik ilaasoqarluni Nanortaliup heliportianiit 100 meterinik ungasissusilimmi qangattaraluarluni mittariaqalersimavoq sakkortuumik anoraasuanera peqqutaalluni.

Ilaasunik sulisunillu pisumi ajoqusertoqanngilaq, taamatuttaaq qulimiguulik ajoqusernani. Air Greenlandimit pisoq misissorneqarpoq, ilaasullu isumagineqarput. Qulimiguulik miffissaminnut ajoqusernani mippoq.