Club Timmisamut ilaasortanngorit

Taamaatiguk

6156

2026 oktobarip 15, sisamanngorneq

Air Greenlandip Greenland Handling pilersippaa

Oktobarip 15-anni 2026-mi ingerlatseqatigiiffiup nutaap Greenland Handling A/S-ip nunami sullissinerit tamaasa Air Greenlandip tigussavai. Taamaalilluni nunami sullissinernut akisussaaffiit aaqqissuussaanermut immikkoortumut, silaannakkut angallassinermi ineriartornermut tapertaasussamut katersorneqassapput. 

Greenland Handling A/S manna Air Greenlandip suliffissuani ingerlatseqatigiiffiutigineqalerpoq, taassumalu Nuummi Ilulissanilu ilaasut, timmisartut nassiussallu isumagilissavai, kiisalu Qaqortumi, Sisimiuni Upernavimmilu ilaasut isumagilissallugit. 

Pilersitsinermi ingerlatseqatigiiffiup nunami suliassanik aallussinera nukittorsaaffigineqassaaq, angallannermilu suliassat amerliartorneri tapersersuiffigineqassapput. Tamatuma peqatigisaanik ineriartorneq piginnaasanut, immikkut suliassanut aammalu timmisartuutileqatigiiffiup ingerlanneqarnerata nunamilu sullissinerit aaqqissuussaanikkut ersarissumik avissaartinneqarnissaannut piumasaqaatit annertusiartorput.

Silaannakkut angallassinermi sinaakkutissanut nutaanut piareerneq

Air Greenlandip suliffeqarfissuani pisortaaneq Jacob Nitter Sørensen oqarpoq: 

Jacob Nitter

"Ukiut qulikkaat arlallit ingerlanerini kalaallit silaannakkut angallannermut attaveqaasersuutaanni allannguinerit annersaasa nalaanniippugut. Angallannermi suliassat amerliartornerat ingerlatseqatigiiffiup nukittuup immikkullu suliallip, nunami suliassanik naammassinnilluarsinnaasup pisariaqartinneqarnera annertusiartorpoq. Greenland Handling-imiit ineriartornermut tamatumunnga piareertissavaatigut, aammalu timmisartuutileqatigiiffittut kiffartuussisutullu inissisimaffitta ersarissumik avissaartinneqarnissaat qulakkiissallugu." 

Greenland Handling pilersinneqarpoq sulisut 140-init amerlanerusut Nuummi, Ilulissani aamma Qaqortumi sulisoralugit. Air Greenlandip suliffeqarfissuani inissisimaannarneratigut suli sulisunut, piginnaaneqarfinnut, atortunut pisinnaasanullu aningaasaliinissaq periarfissaqassaaq. 

Nunami sullissineq piginnaaneqarnikkut nukittooq

Ingerlatseqatigiiffimmut nutaamut Kunuunnguaq H. Overgaard, ukiuni kingullerni 16-ini Air Greenlandip suliassaqarfiini, niuernermik sullissinermillu tunngaveqartuni sulisimasoq aqutsisuussaaq.  

Ingerlatseqatigiiffik piginnaaneqarfinnik, silaannakkut angallannermut tapertaareersut katersornissaannut ineriartorteqqinnissaannullu periarfissatut isigaa. 

Kunuunnguaq 2.png

"Ukiorpassuit ingerlanerini nunami sullissinermi piginnaaneqarfiit nukittut annertusaaffigisimavagut. Ingerlatseqatigiiffik nutaaq atorlugu suliassaqarfik suliassatut pingaarnertut ineriartorteqqissinnaavarput. Timmisartuutileqatigiiffinnut ilaasunullu piginnaaneqarfiusumik pitsaasumillu sullissinissaq suliassarissavarput." 

Greenland Handling mittarfinni suliat annertusinerinut tapertaasaaq, aammalu angallannermi suliat amerliartorneri ilutigalugit piginnaaneqarfiit inerisassallugit. 

2026-mut nunami sullissinermut isumaqatigiissutini pioreersuni allannguisoqarani ukiup naanissaanut ingerlaannartoqarnissaa naatsorsuutigineqarpoq. Tamatuma kingorna Ground Handling silaannakkut angallasseqatigiiffinnut ataasiakkaanut isumaqatigiissusiussaaq. Siunissami nunami sullinneqarnissamut apeqqutissaqarnermi Greenland Handling toqqaannartumik saaffigineqartassaaq. 

Paasissutissat

  • Ground Handling sunaana?

    Ground Handling-imi timmisartunut ilaasunullu tunngatillugu suliassat tamarmik isumagineqartassapput. Ilaatigut check-in timmisartunullu ikinerit, nassatanik nassiussanillu isumaginninnerit, ilaasunik ikiuinerit timmisartunillu aallarfissamut tullermut piareerlugit piareersaanerit suliarineqartassapput.