Nuummiit nunanut allanut timmisartuussinerit unitsinneqarallarput

Greenland Airportsip Air Greenlandimut nalunaarutigaa, Danmarkimi angallannermik aqutsisoqarfiup Nuummi mittarfimmi sillimaniarnermut akuersissutertik tunuartissimagaat. Tamassuma nassataraa Nuummi nunanut allanut timmisartuussinerit pisinnaajunnaarmata.

Pisoq ajuusaarnarpoq, Greenland Airportsillu naatsorsuutigaa pisoq kingusinnerpaamik marlunngorneq 20. August aaqqiivigineqassasoq. Taassuma kingorna kingumut Nuummiit nunanut allanut, tassalu Iqalunnut Keflavikkimullu timmisartuussisarnigut nangeqqissavagut. Keflavikkimut aqqut 25. August ammaqqissaaq.