Ilik peqatigiiffinnut angalaneq

Air Greenlandimiit kissaatigisaraarput peqatigiiffiit misigisaqarnerunissaat, ineriartornissaat, ilisimasaminnik allanut ingerlatitsisarnissaat, ataatsimoornissaat aammalu soqutigisaqaqatigiilluni ilisarisimaqatigiilernissaq. Ataatsimoorlunilu angalaniarnermi ataqatigiissaarilluarnissap ajornakusoorsinnaanera aamma nalunngilarput. Taamaammallu Ilik Peqatigiiffinnut angalaneq atorlugu ilinnut peqatigiiffinnullu ajornanginnerusumik aaqqissuisinnaaneq ajornannginnerulersipparput.

Ilik Peqatigiiffinnut angalaneq peqatigiiffinnut, timersoqatigiiffinnut, atuartunut allanulluunnit ilinniarfeqarfinnut pisortanillu akuerineqartunut, timersorneq, kulturimut tunngatillugu imaluunniit ilinniagaqarneq siunertaralugu angalasunut saaffiginnippoq. Maanna aamma Ilinniartunut Ilik neqeroorutigisinnaanngorparput.  

Ilinniartunut Ilik kisimiillutik angalasunit ukunannga inniminnerneqarsinnaavoq: 

• Atuartut inuusuttut ilinniartullu tamarmik, 12-nit 30-it tikillugit ukiulinnut.

Ilinniartunut Ilik ukunani atorneqarsinnaavoq:

• Angallavigut tamaasa, immikkut isumaqatigiissuteqarfigut minillugit. 
• Ukioq kaajallallugu.
• Angalaneq nammineq akilerneqassaaq - ima isumaqarpoq, oqartussanit akilerneqassanngilaq.
• Ilinniartuunermut takussutissamik allagartamik uppernarsaateqassaaq

Ilinniartunut Ilik-mmi inniminniinissamut immersugassaq immersorukku, ‘Ilinniartunut Ilik’-mmi piumasaqaataasut uppernarsarlugillu akierissavatit. 

Ilik Peqatigiiffinnut angalaneq, pingaarnertut ukununnga sisamat immikkoortinneqarpoq, tassa Ilik timersorneq, Ilik ilinniagaqarneq,  Ilik kulturi aamma Ilik ilinniartoq.

Immersugassaq atorlugu Ilik Peqatigiiffinnut angalanermut qinnuteqarit. Immersugassaq immersoreerussiuk taanna immikkoortortamut ataatsimoorlutik angalasunut akisussaasumut toqqaannaq ingerlateqqinneqassaaq, tassanngaanniillu attavigineqassaasi.

Malugiuk Ilik Peqatigiiffinnut angalaneq, taamaallaat Air Greenlandip timmisartuussiviini atorneqarsinnaammat. Ukioq kaajallallugu angalasoqarsinnaavoq, sapinngisamillu inniminniiaarnissaq innersuussutigaarput. Inniminniiaaraannimi timmisartuni inissaqarnissaq qulakkeerneqarsinnaavoq. Qinnuteqaatip nassiunneraniit akineqarnissamut suliffiit ulluinnaat pingasut piffissaapput.

• Ukiuunerani, tassa piffissami 1. januar – 14. juni aamma 16. august – 31. december, angalassagaanni angalasussat aqqi tamarmik kingusinnerpaamik aallarfissaq ullunik 14-inik sioqqullugu nassiunneqassapput.
• Aasaanerani, tassa piffissami 15. juni – 31. august, angalassagaanni, angalasussat aqqi tamarmik kingusinnerpaamik aallarfissaq ullunik 30-nik sioqqullugu nassiunneqassapput.
• Angalasussat aqqi kingusinnerpaamik aallarfissaq sap.ak. ataaseq sioqqullugu allanngortinneqarsinnaapput, inummut ataatsimut 900 kr.-nik akiliilluni.

Ilik Peqatigiiffinnut angalanermut tunngasunik imaluunniit ataatsimoorluni angalanernut allanut tunngasunik apeqqutissaqarpit?

Taava Air Greenlandip ataatsimoorluni angalasunut immikoortortaa uunga attavigiuk +299 70 11 07, imaluunniit uunga allagit group@greenland-travel.gl