Air Greenlandimiikkuit aaqqissuussaanermut, Kalaallit Nunaannut nukittuunik sorlaqartumut ilaalissaatit aammalu inuiaqatigiinni pingaarutilimmi inissisimalissallutit. Najukkani ataasiakkaanut ataatsimoortunullu atorfinnik pilersitsinissaq, piginnaaneqarfinnillu ineriartortitsinissaq sulissutigaarput.
Atorfiit assigiinngitsorpassuit neqeroorutigisarpagut, aammalu toqqissisimaneq, suleqatigiinneq qaffasissumillu kiffartuussineq pingaartitarilluarpagut.

Kikkulluunniit soqutiginnittut piginnaanillillu ukiut, suiaassuseq, suiaassutsinut arlaannoortuuneq, ammip qalipaataa, inuiaassuseq, upperisaq, immikkut inuiaassuseqarneq il.il. apeqqutaatinnagit atorfinnut inuttaqanngitsunut qinnuteqaqqullugit kaammattorpagut.

Air Greenland nunatsinni suliffeqarfiit annersaasa ilaattut najukkani piginnaaneqarfinnik nukittorsaanissamut akisussaaffeqarpoq. Ukiumut suliffeqarfissuarmi tamarmiusumi 50-it missaannik ilinniartoqartarnissarput anguniagaraarput.

Immikkoortortaqarfitsinni amerlasuuni atuartut misiliiffissaannik kiisalu suliffimmi misiliinissamut neqerooruteqartarpugut, aammalu suliassanik misilitsiffissanillu inaarutaasunik allannissamut periarfissiisarluta.