Air Greenland suliffeqarfiuvoq uummaarissoq allanngorartuartorlu. Qaammatit tamaasa torsuusani kiinnat nutaat takussaasarput inuit inuiaqatigiinnit assigiinngitsunit atorfinni assigiinngissitaaqisuni atorfittaarsimagaangata.

1960-imili aallartinnitsinniilli atorfiit inunnit piffinnit aggersunit sapinngisamik atorfigineqarnissaat anguniagarisimavarput, ilisimasat inuiaqatigiinniinniassammata. Sulisunik nunatsinneersunik sulisoqarnikkut inuiaqatigiinni nukittoqutissat piginnaasallu inuiaqatigiinniiginnarnissaat qulakkiissavarput, aamma sulisut suliffeqarfitsinni suliunnaassagaluarpata.

Allaffissornikkut atorfiit praktikkerfissallu suliffeqarfitsinnit neqeroorutigaavut, tassani sullitatta iluarisimaarinninnissaat sulisuttalu ilorrisimaarnissaat tamarmik naligiimmik pingaartinneqarput.

Atorfik imaluunniit suliffeqarfik sullivimmiluunniit avatangiisit pillugit apeqqutissaqaruit sulisoqarnermut immikkoortortaqarfiup attaveqarfiginissaanut tikilluaqqusaavutit, uunga oqarasuaat 343434.

Kikkulluunniit soqutiginnittut piginnaaneqartullu ukiutik, suiaassutsitik, atoqatigiittarnermut isummatik, amikkut qalipaatitik, inuiaassutsitik, upperisatik, inuiannut allamiunut atasuunertik il.il. apeqqutaatinnagit atorfinnut inuttaqanngitsunut qinnuteqaqqullugit kaammattorusuppagut.

Atorfiit inuttaqanngitsut takuniaraanni, cookies tamaasa akuerineqassapput (GDPR-imi maleruagassat eqqortinniarlugit). Air Greenlandimi atorfimmik qinnuteqarnermi suliffissarsiortut Inuinnartut inuunerup eqqissisimatitaanissaanut politikki atuaruk una toorlugu.

Uani suliffiit maannakkorpiaq inuttassarsiukkat takusinnaavatit.