1914

Air Greenlandimi ilinniarneq

Nunatsinni suliffeqarfiit annerpaat ilaattut isumaqarpugut piffinni misilittakkat nukittorsarnissaannut akisussaaffeqarluta. Taamaattumik 50-it missannik ukiumut ilinniartuuteqartassalluta anguniagaraarput. Immikkoortortaqarfivut suliffeqarfiutivullu tamapajaamik ilinniartuuteqarput. 


Ilinniartitaanermut periusissiarput suliffeqarfissuaq sulisullu ataasiakkaat aallaavigalugit suliaavoq.  

 

Periusissiap ilinniartitaanermut isiginnittaaserput pisussaaffilerlugulu sunniuteqarfigissavaa. Nunatsinnut kivitseqataanissarput takorluugaraarput, taamaattumik ilinniakkat uatsinni toqqarneqarsinnaasut siammasipput, sulisunut ataasiakkaanut, sullitatsinnut sullissilluarnissamut kiisalu inuiaqatigiit pisariaqartitaannut naleqqussagaallutik. Inuusuttunut ilinniarusuttunut toqqagassatsialaarusuppugut aamma piginnaasanik ineriartortitsigaangatta siunissaq ungasinnerusoq eqqarsaatigalugu iliuuseqartarpugut. 

Ilinniartunut praktikkerfissanik neqerooruteqartarpugut, niuernermillu ilinniarfinni qaffasinnerusumik ilinniartunut aamma inissaqartitsisarluta. 

 

Taakku saniatigut ilinniartunut praktikkerfissaateqartarpugut, soorlu aamma ilinniartunut inaarutaasumik allaaserinnittussanut inissaqartitsisartugut. 

 

Uani suliffeqarfitsinni ilinniakkat suut ilinniarneqarsinnaanersut atuarsinnaavat. 

Air Greenlandimi ilinniarfissat

Benjamin 202218 JPG (2)

Timmisartortartoq

Timmisartortartutut illit ullormi timmisartuussinerit aaqqissuullugillu ingerlattassavatit. Timmisartornerup saniatigut timmisartup erngiinnaq aqutassatavit maskiinaa pitsaassutsimut piumasaqaataasunik naammassinninnersoq aamma timminissaq isumannannginnersoq qulakkeerinneqataassaatit.

Uani atuaruk
AB P1580 (3)

Mekanikeri timmisartulerisoq

Mekanikeritut ilinniartutut Kalaallit Nunaanni tamarmi illoqarfiit nunaqarfiillu akornanni angallassinermik qulakkeerinnittartutut suleqatigiinnut akuulissaatit. Timmisartuutitsinnik helikopteriutitsinnillu ingerlaavartumik aserfallatsaaliueqataassaatit, taamaalillutik pilersaarutit malillugit aallarnissaannik qulakkeerinneqataallutit, aamma arlaannik ajortittoqaraangat kukkunermik ujaaseqataasassallutit.

Uani atuaruk
Cabin Crew

Timmisartumi saqisoq

Timmisartumi saqisutut ilinniartutut timmisartumi angalanermi isumagisassavit aamma ilaasuit isumannaatsuunissaata akisussaaffiginissaat ilinniassavat. Ilaasunnut pitsassuarmik kiffartuussinissat ilinniassavat, amma uatsinni angalatsillutik pitsaasumik atugaqarnissaat qanoq pingaaruteqartigisoq ilinniassallugu.

Uani atuaruk
Traffik Thala (4)

Angalanermi assistent

Angalanermi assistentitut timmisartorneq sioqqullugu kinguneranilu ilaasutta pitsaasumik misigisaqarnissaat qulakkeerinneqataaffigissavat. Nassatanik tunniussineq, ikineq kiisalu ilaasussat angalanerminnut atatillugu unammilligassaqarpata pisariaqartitaminnik paasissutissanik pissarsisimannissaat isumagisassavatit.

Uani atuaruk
Terminalarbejder

Terminalarbejderi

Terminalarbejderitut atorfik marlunnik pingaarnerusunut sammiveqarpoq; nassiussalerinermut terminali aamma usilersuisartut. Nassiusslerinermut terminalimi allakkat nassiussassallu suliarisassavatit. Usilersuisartut ilaatigut timmisartut usiiartarlugillu usilersortarpaat aamma nassatanik piareersaasarlutik.

Uani atuaruk
AU Elev

Qaffasinnerusumik ilisimatusarneq

AU-mik ilinniartuutigut sulianut tunngasunut aamma suliassanut atituumik paasisimasaqalersarput. Sulineq assigiinngiiaartarpoq, Greenland Business Schoolimi sammivik sorleq toqqarsimanerit apeqqutaalluni, kisianni ingerlavissanut pingasuusunut uku ataatsimoorussaapput: allaffissorneq, sullitanik kiffartuussineq aamma assigiinngitsunik IT-lerineq.

Uani atuaruk
IT Billede (2)

IT-supporteri

IT-supporterisutut allaffissornerup iluani it-systemimut tunngasut ilinniassavatit. Imaassinnaavoq oqarasuaatu, qarasaasiat aamma kopimaskiinat. Kukkunerit nassaarisarnissaat, it-mullu atortut aaqqissuuttarnissaat aamma ikkuttarnissaat ilinniassavatit. It-systemit ineriartortinnissaat imaluunniit aserfallatsaaliornissaat suliarisassavatit.

Uani atuaruk
Gastronomi (1)

Mamarsakkanik nerisassiortartutut ilinniartoq

Air Greenlandi mamarsakkanik nerisassiortartutut ilinniartunut ilinniarnermut atatillugu sulinermik neqerooruteqarpoq, nerisassiorneq kantinamilu sassaalliineq ilinniarsinnaavatit. Nerisassanik katiterineq sulinermi pingaaruteqartut ilagaat aamma ilinnniakkamut attuumassutilimmik suliassat suliarineqartarnissaannut ilinniartinneqassaatit.

Uani atuaruk