Ullumikkumiit Naalagaaffiit Peqatigiit nunarsuarmi  inunnut innarluuteqartunut ullorititaani Air Greenland Solsikkemik qilerniusamut ilaalerpoq. Tamanna Air Greenlandimit taamaallaat nuannaarutiginngilarput aammali Nunatsinni inuit innarluuteqartut oqaaseqartarsuata, qilerniusap atorneqarneratigut inuit ersinngitsumik innarluuteqartut peqataatinneqarlutillu aporfilersunnginnissaat siunertaralugu

Air Greenland apriilimili 2024-mi Kalaallit Nunaannit suliffeqarfinni siullersaalluni Solsikkemik sulimiummut ilaalereersimavoq, taamanikkumiilli suliffeqarfimmi salliullutik sulisut soorlu aallariartortarfinni timmisartumilu saqisut video atorlugu ilinniusiaq takusimassallugu, tassani Solsikkemik qilerniusaq suunersoq nassuiarneqarluni. Taakkulu video takusimalerpaat qilerniusarlu qanoq isumaqarnersoq takullugulu paasisimallugu, taamaattumik maanna Air Greenland kiisami nutaarsiassamik taassuminnga avammut saqqummiussisinnaalerluni.

Solsikkemik qilerniusamik atugalik imaaliallaannaq takussaanngitsukkut annikinnerusunik piginnaasaqarnerminik taamaalilluni oqariartuuteqarpoq. Tassaasinnaavoq tarnikkut sianissutsikkulluunniit ilungersunartut soorlu, AHDH, autisme, anniaateqarneq, noqartarneq imaluunniit tusillassimaneq. Tamakku ataatsimut taaguutigaat takussaanngitsumik innarluuteqarneq, ima kinguneqarajuttartoq pineqartoq avatangiisiminit takkuitsoorneqarluni imaluunniit paatsoorneqarluni.

Solsikkemik suliniut nunarsuarmi tamarmi suliniutaavoq, siunertaarpiarluni ersinngitsumik innarluuteqarnerup imaluunniit ajuuteqarnerup ersarinnerulernissaa, suliniullu aallaqqaammut annermik mittarfinnut timmisartuutileqatigiinnullu tunngatinneqarpoq. Maanna Air Greenland nunarsuarmi tamarmi timmisartuutileqatigiit 19-issaatttut suliniummut atalerpoq.

Tamanna arlalissuarnit nuannaarutigineqarpoq, ilaatigut Skandinaviani Sunflowerimut nunani avannarlerni ingerlatsinermi pisortamit

Piujuartitsinermi attaveqarnermullu immikkoortortami piujuartitsinermut siunnersorti Qillaq Olsen nassuiaavoq Air Greenlandip Solsikkemik suliniummi peqataalernissani qangali kissaatigisimagaa.

Kisimiinngillalli. Solsikkemik suliniut atuutilersinnissaanik sulinermi pingaartuuvoq Air Greenlandimi sulisut sapinngisamik amerlanerpaat isumaannik ilisimasaqarnissaat. Taamaatttumik aamma suliffiup iluani attaveqarnermi tamanna ilaatinneqarsimavoq.

- Suliap aallartinnerani Solsikkemik qilerniusanik tunisassiortoqarpoq sulisunut naatsorsuusanik. Takussaanngitsumik innarluuteqarneq pillugu paqumigisanik atorunnaarsitseqataapput, tamannalu suleqatitsinnit ilassilluarneqarpoq, Qillaq Olsen oqarpoq.

Taakku ilagaat Air Greenlandimi sulisoq Alfred Olsen. Ukioq manna siusinnerusukkut Air Greenlandimi intranetimi Solsikkemik suliniut atuaramiuk paasivaa immikkut pisariaqartitsilluni.

Taama oqarnera Solsikkenik qilerniusamik atuinerup siunertarerpiarpaa.

- Alfredip atornera suliap qiteraa. Neriuppugut kultoori atugaanerulissasoq inuit takusssaanngitsumik innarluuteqartut paasineqarnerulerlutik naammagittartoqarnerulerlunilu. Ammasumik oqaluuserinera sianissutsikkullu peqqissuseq siuarsarneqarsinnaapput, ingammik inummut takussaanngitsumik innarluuteqartumut, Qillaq Hansen oqarpoq.

Maanna Air Greenlandimi tamanna avammut nittarsaanneqarsinnaalerpoq, taamatullu oqariartornermik nuannaaruteqartut ilagaat Anja Hynne Nielsen, ukiunimi pingasuni Innarluuteqartunut ingerlatsivimmi Tiliumi innarluuteqartunut oqaaseqartartuusoq. Innarluuteqartut oqaaseqartarsuata Tiliullu suliassaraat Naalagaaffiit Peqatigiit innarluuteqarneq pillugu isumaqatigiissutaa aallaavigalugu inuiaqatigiinni inuit innarluuteqartut soqutisaasa qulakkeerlugillu siuersarnissaat.

- Nuannaarutigaara Solsikkemik qilerniusaq maanna Nunatsinni Air Greenlandimit atugaalermat. Innarluuteqartut oqaaseqartartuatut NIIIK, Pissassarfik kingornalu Air Greenland qaminut suleqatigalugit Kalaallit Nunaanni Solsikkemik qilerniusap atulernissaanik tamanna peqquteqarpoq, inunnut takussaanngitsumik innarluuteqartunut annertuumik iluaqutaasinnaanera, Anja Hynne Nielsen oqarpoq nangillunilu:

Maanna Air Greenlandip Solsikkemut suliniummut ilaasortaalerneratigut timmisartutileqatigiit Solsikkenik qilerniusanik pisiniarsimavoq, maannakkoqqissaaq Nuummut tikisinneqartunik. Maanna taakku Air Greenlandip immikkoortuini agguaanneqassapput; Nuummi, Ilulissani, Sisimiuni, Narsarsuarmi Upernavimmilu akeqanngitsumillu ilaasutsinnut tunniunneqarlutik.

Københavnip mittarfiani mittarfimmi sulisunut qorsunnik tujuululinnut saaffiginnittoqarsinnaavoq. Tamanna pillugu uani paasiniaagit.

Paasisaqarnerorusukkuit apeqqutissaqaruilluunniit Tiliumut innersuussinnaavatsigit: 

Iserfissat allat:

 https://www.facebook.com/solsikkeprogrammet/ 

 https://www.instagram.com/solsikkeprogrammet/

 https://www.linkedin.com/company/solsikkeprogrammet/

 https://www.youtube.com/channel/UCSkNa22wphcdVb_j4Sn9Suw