Sungiusaat qulimiguulinnut H125-imut naapertuussagaavoq, qulimiguullit AS350-it ukiup tulliani  augustimi /septemberimiluunniit atorunnaartussanut taartissaapput.

Air Greenlandimiit qulimiguullit assigiinngitsut atorneqartarput. Qulimiguulinnut anginerusunut, soorlu Airbus H155-inut aamma H225-inut aquttussat sungiusassatillutik nunat tamalaat timmisartumik aquttut sungiusartarfiini sungiusarfiit tamakkiisunik atortullit ikiortigalugit sungiusartarput. Unalu sungiusaat nutaaq, Schweizimi Loft Dynamics-imeersuuvoq, timmisartumi aquttunut apuunneqarsinnaasoq.

Air Greenlandip sungiusaatitaava nutaaq sungiusaatinut naliginnaasunut sanilliullugu qulerarterummik mikineruvoq. Taannalu sungiusaat Air Greenlandip Hangar-iani 3-mi sungiusartarfimmi inissaqarluarpoq, atorneqalereerlunilu.

- Sungiusarluni sakku atorlugu “upernaamut uteqqiilluni pikkorissarneq” ingerlanneqarpoq, uanilu annertusisamik atortumik ingerlatsineq- akuersissummillu nakkutilliinerit, ingerlatseriaaseq kisalu sillimaniarnermut pikkorissarnerit pineqarput. Timmisartumi inuttat ingerlatseriaatsinik naliginnaasunik aamma ajutuulernermi periusissanik itisiliillutik pikkorissarnissamut periarfissaqalerput. Sungiusaatitut sakkup inuttat tamarmik pikkorissarneqarnissaannut periarfissiivoq, taamaasillutik timmisartumi aquttut ataassiakkaat avatangiisitsinni ilungersunarsinnaasumi isumannaatsumik ingerlatsisinnaanissaanut piumasaqaatinut piginnaasassai naapertuutilerlutik. Tamannalu silaannarmut gassinik aniasitsinerup annikillinisaanut iluaqutigissavarput, qulimiguulimmullu eqqortumut aningaasartuutit annikilliserujussuarnissaannut malitseqassaaq, Marco Peyer Air Greenlandimi qulimiguulinnut Airbus H-125-inut aquttunut ilitsersuisuuneq oqarpoq.

- Sakku pitsassuuvoq, isumannaatsumik timmisartuussinissamut sungiusaanermut pitsanngorsaataasupilussuulluni. Sunniuteqarluartumik atorluaaneq aningaasaqarnikkullu iluatinnartoq. Sakku sungiusaat ikkussoruminarpoq inikillunilu, Brian Jørgensen, Air Greenlandimi Head of Training aamma Crew training (Sungiusaanermut inuttallu sungiusartarnerannut aqutsisoq) oqarpoq.