Club Timmisamut ilaasortanngorit

Taamaatiguk

5761

2026 februaarip 4, pingasunngorneq

Air Greenland aamma Thin Blue Line suleqatigiilerput

Air Greenland aamma Thin Blue Line Denmark (TBL) suleqatigiinnissamut isumaqatigiissuteqarput Kalaallit Nunaanni politiit maannakkut sulisut aamma politiiusimasut tarnermikkut pissassarnissaat, atugarissaarnissaat aamma tarnikkut timikkullu ajoqusigaanissaat pinaveersaartinniarlugit.

 

Thin Blue Line Denmark suleqatigiiffiuvoq politiini sulisunik aamma ilaqutaannik tapersersuisartut, sulinerminni tarnikkut artorsarnerat malunnarsisimagaangat. Taamatut iliortarput attaveqatigiilluni ingerlatsinikkut, ataatsimoorluni suliniuteqarnikkut aamma immikkut ittunik ingerlatsinikkut, tamakkua sulinermi tarnikkut timikkullu ajoquserneqarnerit iliuuseqarfiginerani ikiuutaasarput.

 

Isumaqatigiissummut tunngaviuvoq suliniaqatigiiffiup politiini sulisunik, reservebetjentinik, politiit ikiortaannik aamma kommunefogedinik taakkualu ilaqutaannik sullissisarnerat. Tamatumunnga ilutigitillugu TBL maannakkut piumassutsiminnik sulisunik attaveqatigiiliorput, Kalaallit Nunaat tamakkerlugu suliniarnermik pitsanngorsaasussanik.

 

Nunap isorartussusiata aamma isumalluutit killeqarnerat pissutaallutik tamanut anngunnissamut ajornakusoortitsitsipput. Tamatumuuna Air Greenland peqataasinnaavoq ilik* aqqutigalugu angalanernut tapiissuteqartarnikkut – ikiorneqarnissamik pisariaqartitsisunut taamatuttaaq inunnut ilinniagalinnut, najukkanut tapersersuiniarlutik angalasartunut.

Uagutsinnik kivitsisunik kivitsisarpugut

Suleqatigiinnermi Air Greenlandip ataatsimoornernik pisassaanissamik aamma inuiaqatigiinni naleqartumik pilersitsinissamut takorluugaanut attuumassuteqarpoq. Tamanna pisarpoq piumassutsiminnik suleqatigiittut tapersersornerisigut aamma ikiuinissap sinerissamut anngunnissaata qulakkeerneratigut.

Billede (2)

- Thin Blue Linep suliaqarnera immikkorluinnaq ippoq inunnut ullut tamaasa salliusartunut ataatsimut toqqissisimanissarput sulissutigalugu. Pisumik amerlasuunik nalaataqartarput annertuumik kinguneqartartunik aamma tarnikkut timikkullu ajoqusernermik, stressimik aamma sulinermut piginnaaneqarnermik annaasaqarnermik kinguneqarsinnaasunik. Taamaattumik najukkani ingerlatsinerit aamma tapersersuilluni suliaqartarnerit sakkussaqartitsisalertarput aamma neriuuteqalersitsillutik, Inga Dóra G. Markussen oqarpoq, nangillunilu:

 

- Suleqatigiinneq aqqutigalugu Air Greenlandimit ajornarunnaarsinneqarpoq iliuuseqarnerup nunami maani sumiiffinni annertuninngorsinnaanera.

Thin Blue Line Denmark Kalaallit Nunaanni Politiinit ajoqusersimasunik ikioqqusunik ataatsimoorfinnilu nukittunerusuniikkusuttunit saaffigineqartuartarpoq. Thin Blue Line Denmarkimi pisortaaneq Stinne Ølshøj oqaluttuarpoq:

Bdc8c58e 13F4 4Cd6 A47f 728Cc29bbae1

- Kalaallit Nunaanni politiit, reservebetjentit kommunefogedillu ajoqusersimasut timikkut tarnikkullu ikiorneqarsinnaanerat ungasissinnaasarpoq. Isumaqatigiissutip uumap kingunerisaanik pisariaqartitsisunut qaninnerulerpugut, qulakkeerlugulu sulitillutik ajoqusersimasut kisimiinnginnissaat. Air Greenlandimik suleqateqalernerput Kalaallit Nunaanni sulineranni pitsanngoriaataavoq pingaarutilik.

Inuunermut uteqqinneq

Tamatuma saniatigut Stinne Ølshøj oqaluttuarpoq Thin Blue Line Denmark pilersaarusiuleruttortoq politiinut qangisaannullu ajoqusersimasunut neqeroorutinik arlalinnik pilersaarusiorlutik, taakkunannga marluk aallartinneqareersimallutik. Januaarimi Kalaallit Nunaanni politiitut sulisimasoq Danmarkimi katsorsarneqalersimavoq pitsaasumik inooqqilerniarluni. Matumani politiiusimasut sulinerminni ajoqusersimasut pqataasunut allanut aqqaneq marlunnut ilaalersarput.

Katsorsartinneranni ataatsimoorneq nukittoqutaalersarpoq, peqataasullu ulluni pingasuni pikkunartuni pingasoriarlutik naapeqatigiittarput, nutaanik ilisimasaqalerlutillu sakkussaqalerlutik ilungersunartut inooqataaffiginissaannut.

 

Suliniut allat upernaaru Tasiilami aallartittussaq tassaavoq Kalaallit Nunaanni politiinit sulisoqarnermut immikkoortortaqarfimmeersoq politiinik ajoqusersimasunik ataatsimeeqateqarluni. Oqaloqatigiinnerit ingerlanneqarajuttarput inuit marluinnaallutik oqaloqatigiillutik misigisimasatik oqaluuserineqarneq ajortut pillugit oqaloqatigiissinnaallutik. Pilersaarutaavoq suliniut illoqarfinnut nunaqarfinnullu allanut siaruarnissaa. Thin Blue Line Denmarkimit pilersaarutaavortaaq parnaarussivinni sulisut ajoqusersimasut sulinerminni kingunerluutaasinnaasunik nalaataqarsimasut suliami ilaatilernissaat.

 

//Ataatsimoorluta nukittuneruvugut//

Air Greenlandip aamma Thin Blue Line Denmarkip suleqatigiinnissamut isumaqatigiissutaanni pineqartut

  • Suleqatigiinnerup ilaatigut naleqartitat tulliuttut tunngavigai:

     

    • Tarnikkut peqqissutsip pitsanngorsarnera:

    TBL-imit maannakkut politiiusut aamma politiiusimasut inissiisarfinni paarsisut ammaattaaq taakkua ilaqutaat tapersersorneqarnissamik neqeroorfigineqarput tarnikkut kingunerlutsitsinerit pinaveersaartinniarlugit aamma iluaquserniarlugit.

     

    • Toqqissisimaneq aamma ataatsimoorneq:

    Ingerlatsinerit – walk ‘n’ talks ataqatigiittut katersortinneqarnerat – tatiginninnermik, ataqatigiinnermik aamma najukkani inuiaqatigiinni ataatsimooqatigiinnik pissaanilinnik tapersersuisunik pilersitsisarpoq.

     

    • Piginnaanngorsaqqinneq aamma ineriartorneq:

    Ingerlasineq Inuunermut uteqqinneq aqqutigalugu peqataasut peqataasut tarnikkut timikkullu ajoqusernerit, stress aamma artorsaateqarnerit aqussinnaanerannut piviusumik sakkussaqalertarput.

     

    • Salliusunut tungujortumut tapersersuineq:

    Iliuuseqarnikkut inuiaqatigiit toqqissisimanissaanut salliusunik akuersaarneqarpoq – politiit, inissiisarfiit aamma kommunefogedit – aamma pitsaanerusumik inuuneqarnissamut kiisalu pinaveersaartitsinermut tapertaalluni.

     

    Isumaqatigiissut ukiumik ataatsimik sivisussuseqarpoq atuutissaarlu 1. januarimit 2026 - 31. decembarimut 2026. 

ILIK

  • Ilik – akikillisaanermit imartunerusoq


    Ilik – tassalu iligisaq – Air Greenlandip inuiaqatigiinni akisussaanerata ilagaa. Matumani inuiaqatigiinni innuttaaqataasutut sammisaqartitsisut soorlu kajumissuseq aallaavigalugu suliniaqatigiiffiit, peqatigiiffiit inuinnaallu suliniaqatigiiffii sammisaminni inuiaqatigiinni naleqartunik pilersitsinermut atatillu timminissamut bilitsinik akikillisaavigineqarsinnaapput.

     

    Ilik pingasunik immikkoortoqarpoq: Timersorneq, kultuuri ilinniartitaanerlu. Ilik pillugu annertunerusumik uani paasisaqarit 

    2024-mi inuit 15.000 Ilik atorlugu bilitseqarput. Annertunersumik uani paasisaqarsinnaavutit

  • Ilik - Suleqat

     

    Ilik – Suleqat tassaavoq Air Greenlandip suleqatigisallu akornanni aningaasaliineq, pisussaaffeqartoq ataavartumik iliuuserisat pillugit avammut saqqummiinissamik sammisanullu uppernarsaasiilluni.

     

    Ilik najoqqutaralugu suleqatigiinnissamik isumaqatigiissuteqassagaanni naatsorsuutit akuerisat, malittarisassat missingersuusialli ilanngunneqassapput kiisalu qinnuteqaqqusineq, allassimassalluni iliuuseriniagaq qanoq Air Greenland suleqatigalugu inuiaqatigiinni naleqartunik pilersitsissanersoq.