Billund

København

København, Qallunaat Nunaanni illoqarfiit pingaarnersaat, kulturi, inuit biilerpassuillu. Mittarfimmiit nunap qaagut iluatigulluunniit qimutsuitsorlutit illoqarfiup tillernera malugiuk.

Reykjavik

Qeqertaq innermik anitsiviusartoq kissartunik puilasulik, tissaluttulik, sermimik iigartartulik qorlortorsualillu. Illoqarfik Reykjavik ulloq unnuarlu pisoqarfiusaqaaq.

Iqaluit

Illoqarfik Iqaluit tikillugu immikkuullarillunilu tiguartinnarpoq, tikittullu inuit kulturiannik kingornussassianillu paasisaqarnissamut periarfissaqarluarput. Pinngortitap avatangiisaasup, qaqqat peqqarniippasissut, sermit qeriuaannartut aammalu iluliarsuit illoqarfiup ungataaniittut illoqarfiup immikkut tusaamaneqaatigai.

Ottawa

Ottawa illoqarfiit tikitassat immikkuullarissut asseqanngitsullu ilaagaat, tassani siumugassaapput attaveqaasersuutit nutaaliat, illut ilaatigut qanganisarpalaartunik illulioriaatsimik oqaluttuarisaanermillu ersersitsisut alutornartullu, pinngortitamik kusanarluinnartumik avatangiisilik kulturinillu assigiinngitsorpassuarnit katersuuffik. Illoqarfiup pisoqarfiujuartup neqeroorutai tikillugit misigisassarsiorfigikkit!

Aalborg

Aalborg Jyllandip avannaani illoqarfiit pingaarnersaattut angisuunik mikisunillu asseqanngilluinnartunik misigisassaqarpoq. Illoqarfissuaaqqami katersugaasivinnut, illunut oqaluttuarisaanermut pingaarutilinnut illunullu titartaasartut torrallassimasaannut pulaarsinnaavutit. Aalborgimiit biilerlutit Danmarkip avannarpasissortaa ornissinnaavat.

Aarhus

Aarhusimi oqaluttuarisaaneq inooriaaserlu nutaaliaasoq asseqanngitsumik ataqatigiimmata, tikeraat kikkulluunniit nuannarilluinnalertarpaat. Kuunnguaq qiterfasissumiittoq kusanartoq, sissaq takujuminarluinnartoq aammalu aqqusernit ujaqqanik qallersukkat peqqutaallutik Aarhus uummaarilluinnartunik misigiffiuvoq.

Amsterdam

Amsterdam Hollandip uummatigaa, aammalu illoqarfiuvoq ikerasaliat akornanni qanga maannalu inuunermut akuleriissitsiviusoq. Pisuinnarnut aqqusernit ujaqqanik qallersukkat 100 kilometerit sinnerlugit takissuseqarmata aamma 1.200-nik ikaartarfeqarmata illoqarfik aqqusinerni, ujaqqanik nutaanngitsunik qallersukkani aammalu illut talullit akornisigut nuannersuni angalaartoqarsinnaavoq.

Bergen

Bergen Norgemi illoqarfiup annerup tulleraa, pinngortitaq alianaatsorsuuvoq, kulturikkut eriagisassaqarpoq aammalu sumiiffiit oqaluttuarisaanermut tunngasut siumorneqarsinnaapput.

Berlin

Berlin Tysklandip illoqarfiisa pingaarnersaraat annersaralugulu. Nunap avannamut kangiani inissisimavoq, aammalu oqaluttuarisaanini, kulturi politikkilu tamatigoortoq ilisimaneqaatigai.

Bruxelles

Bruxelles Europami qitiuvoq anersaajullunilu, tassanilu oqaluttuarisaaneq, eqqumiitsuliat kusanartunillu nerisassiorneq qalipaaterpassuit mamassuserpassuillu atorlugit ataatsimoortinneqarput. Illoqarfiup silaannaa uummaarissoq misigiuk, aammalu takusassat ilisimaneqartut ilaat tunniutiinnarfigikkit.

Frankfurt

Frankfurt illoqarfiuvoq nutaaliaq, oqaluttuarisaanerup alutornartortaanik naapitsiffik, tassanilu kulturi niuernerlu imminnut kattupput. Silarsuaq alutornavissunik ilusilinnik illulik, katersugaasiviit alutornartut nukiillu uummaarissut misigikkit. Frankfurt illoqarfissuartut aningaasaliisarfittuinnaq inissisimanngilaq; aammali ornigassaavoq illuatungereeqarfinnik angalasunut kikkunnulluunniit tiguaasinnaasunik ulikkaartoq.

Göteborg

Göteborg-imi kulturi pisooq, teknologiikkut siuariartorneq silaannarlu uummaarissoq peqqutaallutik illoqarfik ornigassaavoq tiguartinnartoq, tikeraanut kikkunnulluunniit neqeroorutissaqartoq.

Hamborg

Hamborg Elben-ip sinerpiaaniilluni, aammalu ileqqut nutaalianut kattuffianiilluni ornigassatut asseqanngilluinnartuuvoq. Illoqarfiup oqaluttuarisaanera pisooq, umiarsualivik uummaarissoq, eqqumiitsuliornerup silarsuaa unnuakkullu inuuneq uummaarissoq tikeraanut assigiinngitsorpassuarnik misigisaqarfissanik neqerooruteqarfiupput.

Hannover

Hannover-imi oqaluttuarisaanerup nutaaliaasut tulluussarfigalugit ataatsimoorfigai. Illoqarfiup takujuminarnersaat kusanarluinnartut aqqutigalugit angallallatsigit, aammalu erlinnartuutit toqqortat nassaarineqarnissaminnut utaqqiinnartut qulaartigit.

London

Tuluit Nunaata uummataa tillertoq, oqaluttuarisaanerup nutaaliornermik naapitsiffia, aamma kusanassutsip inuunermut nutaaliaasumut akuutitsiffia. London, illoqarfik ilisarnartunik takuniagassarpassualik erlinnartunillu toqqortanik ulikkaartoq puigunaatsumik angalanissamut qaaqqusivoq.

Kuujjuaq

Kuujjuaq issittup qeqqani erlinnartuutaavoq, pinngortitap tiguaasinnaaneranik kulturikkullu pisuussutsimik kattussiviusoq, aammalu angalanermi misigisassanik puigunaatsunik pilersitsiviusoq. Canadap avannaani nuna kusanartoq ornigassaannaanngilaq, aammali tikinneqarsimanngisaannartumut, piviusumut alutornartumullu angallaviuvoq.

Montreal

Montreal illoqarfiuvoq uummaarissoq, pinngorartitsivik alutornartorlu. Aqqusernit oqaluttuassartanik, illut ilusilersuinikkut erlinnartuutinik aamma silaannaq asseqanngitsumik kulturerpalaartunik ulikkaarput. Montreal ornigassaannaanngilaq; misigisassarpassuaqarpoq, misissorneqarnissaminnik utaqqiinnartunik.

Manchester

Manchester, Englandip avannamut Kangianiittoq kulturikkut, suliffissuaqarnikkut nutaaliornikkullu eqiteruffiusoq uummaarissoq illoqarfiuvoq, oqaluttuarisaaneq eqqarsaatigalugu pisooq uummaarissumillu siunissalik.

Milano

Milani Italiami Rom-imut tulliulluni illoqarfiit annersaata tulleraa, aammalu Lombardiet-imi illoqarfiit pingaarnersaattut inissisimalluni. Illoqarfik nunap avannarpasissuaniippoq, aammalu aningaasaqarnikkut mutiliornikkullu qitiusutut pingaarutilittut ilisimaneqarluni.

München

München Tysklandip naalagaaffiata immikkoortuani Bayernimi illoqarfiit pingaarnersaraat. Illoqarfimmi inooriaaseq nutaaliaasoq kulturikkut kingornussarpassuarnik tapertaqartinneqarput.

Oslo

Oslo Norgemi illoqarfiit pingaarnersaraat annersaralugulu. Illoqarfik oqaluttuassarpassuaqarpoq, illut ilusiligaaneri imaannaanngillat aammalu pinngortitaq nukittuumik attaveqarfiuvoq.

Paris

Paris Qaamarnup Illoqarfiatut, La Ville Lumière, ilisimaneqartoq Frankrigimi illoqarfiit pingaarnersaraat, aammalu nunarsuarmi illoqarfiit ilisarisimaneqarluartut ilagalugit. Illoqarfik oqaluttuarisaaneq annertooq, kulturi, eqqumiitsuliorneq, illut titartarneqarneri, mutit nerisassallu pillugit ilisimaneqarluarpoq.

Seattle

Seattle illoqarfiuvoq uummaarissoq, USA-p avannamut kitaani inissisimavoq, aammalu kulturi asseqanngitsoq, pinngortitami avatangiisit alianaatsut teknologiimilu nutaaliornerit pillugit ilisimaneqarluni.

Stockholm

Stockholm, Sverigemi illoqarfiit pingaarnersaat illoqarfiuvoq alianaatsoq, 14-inik qeqertaqartoq. Illoqarfimmi illut ilusiligaanerini itsaq ilusileeriaatsit ilusileeriaatsillu nutaaliaasut akuleriipput, illuatungeriillutik alutorsarnartumik sunniisartut.

Dehli

Dehli Indiami illoqarfiit pingaarnersariinnanngilaa - kulturimik, qalipaatinik akerleriinnillu uummaarissumik kalejdoskopiuvoq. Illoqarfik ukiunik tusindtinik oqaluttuassartalik nutaaliaasumik illoqarfissuarmi inuunermik ilaqarpoq, aqquserngillu tamarmik misigisassanik, ooqattaagassanik oqaluttuanillu nutaanik toqqortaateqarput. Oqaluttuarisaanermit eqqaassutissanik, aqqusinermi igaanik basaarimiluunniit inuaqerpalaami tammarnissaq arlaat misigerusukkukkit Dehli misigissutsinut tamanut puigunaatsumik angalanissamik neqeroorutissaqarpoq.

Doha

Doha, Qatarimi illoqarfiit pingaarneraat illoqarfiuvoq qanga pisimasut siunissallu tupinnartumik kattuffigisaat. Illuliortaatsit tupinnartut, pisiniarfissuit iluatannartut, katersugaasiviit nunarsuamut nallersuunneqarsinnaasut kulturikkullu misigisassarpassuit pigalugit Doha nutaaliaasumik ileqqunillu immikkuullarissumik akuleriissitsinermik neqeroorutissaqarpoq. Qanorluunniit oqaluttuarisaanermit souks misigerusukkukku, sissat attorneqanngitsut eqqissisimaarfigerusukkukkit imaluunniit inoqajuitsumut misigisassarsiorusukkuit Dohami angalasunut tamanut puigunaatsumik misigisassaqarfigineqarsinnaavoq.

Bangkok

Bangkok, Thailandimi illoqarfiit pingaarnersaat uummaarissoq, illoqarfissuarmi nutaaliaasumik inooriaaseqarnermut qanga ileqqunik akuleriissitsisoq. Naalaffissuit tupinnartut, niuffaffiit uummaarissut, aqqusinerni nerisassiat mamartut pisiniarfissuillu ajasoornartut Bangkokimi kulturip, misigisassat iluatannartullu immikkuullarissumik akuleriissinneranni neqeroorutigineqarput. Qanorluunniit oqaluttuarisaanermik misigisaqarnissamik, illoqarfimmi unnuakkut pissanganartussarsiornissamik imaluunniit mamarluinnartunik nerisaqarlutit immikkut qujagerusukkuit tullissaani angalaleruit Bangkok tikitassaqqissuuvoq.