Eqaatsumik pitsaasumillu sullitissagutsigit, qinnuigissavatsigit timmisartukkut nassiussanik poortuisarnermut piumasaqaatit uku maleqqullugit.

Nunani tamalaani maleruagassat naapertorlugit timmisartukkut nassiussassat tamarmik imaat isumannaatsumik poortorneqartussaapput, nalinginnaasumik passussinerup isumannaatsumik ingerlanneqarnissaa aammalu inuit, nioqqutissat, timmisartoq nioqqutissallu ilinnut ingerlasut ajoquserneqannginnissaat qulakkeerniarlugu.

Tunngavissat uku timmisartukkut nassiussavit eqqortumik poortorsimanerinut, taamaalillutillu Air Greenlandimut ilaatillugit nassiussinnaanerinut pingaaruteqarsinnaapput:

• Nassiussavit imai
• Poortuutip qanoq ninngutiginera
• Qaavata ataatalu isumannaatsumik matuneqarsimaneri
• Timmisartumut suluusalimmut imaluunniit qulimiguulimmut ilaatillugit nassiunneqartussaanersut

assani savimernit nuugissunillu saviminertallit imaluunniit ipittunik sinillit pineqarput. Taakku poortuutissanik illersuuserlugit, taamaalillutillu nassiussanut allanut ajoqusiisinnaajunnaarlugit qallerneqassapput.

Qerisut nalinginnaasumik assartuussinermi aassinnaajunnaarlugit poortorneqassapput. Takku aamma tunniuneqarnerminni qeritinneqarsimassapput, aammalu ersittukkut nassiussanut qerisunut allagartamik/nalunaaquttamik/nipinneqqummik ikkussivigineqarsimassallutik. Nuummi, Ilulissani Kangerlussuarmilu nassiussalerivinni qerititsiveqarpoq.

Nillataartitat (naatitat/immunnik akullit) ukiup qaammataani qerinnarfiusuniissinnaasunngorlugit poortorneqassapput. Nuummi, Ilulissani Kangerlussuarmilu nassiussaleriviit tamarmik nillataartitsiveqarput.

Nassiussat mikisut, soorlu USB stickit, matuersaatit, CD-ROM-it allallu mikisut allakkat puuinut, pullatanik illersuusikkanut imaluunniit papkarsinut mikisunut poorneqassapput.

Elektronikimut atortut tamarmik, soorlu TV-t, computerit angallattakkat, mobiltelefonit, igaffimmi atortut innaallagiamoortut assigisaallu ajornanngippat nutaajunerminni puuinik pooqartinneqassapput. Taakku Lithium Batteriinik battereeqarpata, tamanna tunniussinermi ilisimatitsissutigineqassaaq.

Nassiussat karsinut puussanut nalinginnaasunut puukkat, poorneqassapput nerussaqqusersorneqassallutillu, taamaalillutik karsit iluini aalanerminni ajoqusersinnaajunnaarsinneqassallutik. Nerussaqqutinik sipaassanngilatit, nassiussannut illersuutaasussaammata.

Pequtit, soorlu nalaasaarfiit, nalaasaarfiit nerrivittaat, issiaviit issusuumik ajoqusersinnaajunnaarlugit qallerneqassapput. Bølgepap-it imaluunniit boble foliat qaleriit arlaliusinnaapput.

Nassiussat arlallit. EQQAAMALLUGU, timmisartukkut nassiussassat karsinut mikisunut arlalinnut poortorneqassammata, poortuutillu karsinit poortuutissanit annerussanngimmata (minnerugunik pitsaanerussaaq, aammalu nassiussat immikkut oqitsuutinniarneqassapput, taamaalillunilu sullivimmi avatangiisinut inatsit malinniarneqassalluni.

Nassiussat ulorianaatillit nunani tamalaani nassiussanik ulorianaatilinnik assartuussineq pillugu IATA-mut maleruagassat naapertorlugit poortorneqassapput. Annertunerusumik ikiorserneqarniarlutit nassiussalerisoq sulisorisat attaveqarfigiuk.

Eqqumiitsuliat/Qalipakkat/qanganitsat nalillit nassiunneqarnissamut akuerineqassagunik soorunami assartorneqarnissaminnut isumannaatsumik poortorneqassapput. Nassiussat eqqumiitsulianik, qalipakkanik qanganitsanilluunniit nalilinnik imallit sillimmaserneqarsinnaanngillat. Timmisartukkut nassiussat sillimmaserusukkukku, timmisartukkut nassiussanut sullissisumut, assartuussinermut immersuivissamik AWB-mik immersuititsiniarlutit attaveqarsinnaavutit. Taakku eqqumiitsulianik qanganitsanillu nalilinnik poortuinermik passussinermillu misilittagaqarluarput.