AirBus 330-200
Aft Cargo door Opening 2.44 m W x 1.68 m H

Forward Cargo Door 2.44 m W x 1.69 m H

DASH8

Cargo DOOR 1.25 m W x 1.34 m H

Helicopter

Door 1.20 m W x 1.15 m H

Nillataartitsiviit / qerititsiviit taamatut nassiussanut atugassat illoqarfinni ukunani pigineqarput. Kangerlussuaq, Ilulissat, Narsarsuaq aamma Nuuk.

Stationini allani nillataartitsiviit /qerititsiviit inissatigut killeqarsinnaapput.

Taamaammat nassiussavit timmisartumut ilaaffissaqalernissaasa tungaanut stationimi inissaqartinneqarnersut paasiniaanissaq isumatusaarnerussaaq, imaluunniit qaqugu tunniukkiartornissaat isumaqatigiissuteqarfigalugu.

Nassiussat annertuut uuttuutaat eqqortut pillugit Air Greenlandip attaviginissaa kissaatigaarput.

Nassiussassatit immikkut ittuuppata, qinnuigaatsigit nassiussassanik isumaginnittorisartakkat, speditørit, attavigeqqullugu

• Nassiussat ulorianartut (DG)
• Uumasut (AVI)
• Toqusunut illerfiit (HUM)

Nassiussat tunniunnerini sillimmasernissaat toqqarneqarsinnaavoq. Tamanna nassiussassat tunniunnerini oqaatigineqassaaq, nassiussallu sillimmasigassat ataatsimut nalingat taaneqarluni.

Nassiussat allagartaanni sillimmasiinermut akiligassaq ilanngunneqassaaq, tassa sillimmasiissut nassiussat nalingisut taaneqartup 1 %-iatut naatsorsorneqartarpoq, minnerpaamilli 100 kr.-ulluni.

Eqqumiitsuliat/qalipakkat/pigisat qanganitsat soorumami aatsaat akuerinartumik poortorluarsimappata tiguneqarsinnaapput. Nassiussat allagartaat, eqqumiitsulianik/qalipakkanik qanganitsanilluunniit imaqarnerinik takussutissartallit, sillimmaserneqarsinnaanngillat.

Eqqaamallugu nassiussinermi nassiussat allagartaannut uku ilanngunneqarnissaat, allagartat takussutissat, uppernarsaatit, akiligassat allagartaat il.il. Tamakku Kalaallit Nunaanni, Danmarkimi EU-milu akitsuuserisut nalunaarsuinerminni atortarpaat.

Kalaallit Nunaanni akitsuusiisarnermut paasissutissat amerlanerusut uani takukkit http://aka.gl/da

Paasissutissat annertunerusut tax@nanoq.gl -mi imaluunniit oqar. (+299) 34 50 00-mut attaveqarlutit pissarsiarikkit

Danmarmiki akitsuusiisarnermut paasissutissat amerlanerusut uani takukkit: http://www.skat.dk/SKAT.aspx

Inuinnarnik timmisartuussivinni sakkut, qaartartut pequtissallu assartorneqarnissaannut akuersissut AWB Transportip uppernarsaatitut allagartaliussaa malillugu pissaaq.

Trafikstyrelsen
Safety Inspection Department
Ellebjergvej 50
2450 København SV
Danmark

Annertunerusumik uani paasisaqarit: http://www.trafikstyrelsen.dk/da.aspx

Nassiussat ingerlaarnerini nalinginnaasumik qajassuartumillu suliarineqarnissaat eqqarsaatigalugu ajoqusersinnaajunnaarlugit poortorneqassapput.

Nassiussat imaat suulluunniit nassiussat ingerlaarnerini nalinginnaasumik suliarinerini ajoqusersinnaasut, naammattumik illersuutaasinnaasumik poortoqqassapput ersarissumillu allagartaqarlutik imalluunniit nipitittakkanik naleqquttunik ikkussivigineqarlutik.

Nassiussat ataasiakkaat nassiussiup aammalu tigusisussap najugaannik ersarissumik piiarneqarsinnaanngitsumillu allagartaqassaapput.

Kalaallit sanalugaat: Qiperukkat qiperugassamaatillu, kisiannili ukuinnaanngitsut; saarnit, nassuit, tuugaat, ukkusissat imaluunniit allat kalaallit sanalugaat, taamaallaat nassiussassanik isumaginninnermik sulialinnit (speditøronit) nassiunneqarsinnaapput, Air Greenlandikkoorlugu sillimmaserneqarsinnaanngimmata.

Uumasut Danmarkimiit Danmarkimullu taamaallaat nassiussassanik isumaginninnermik suliallit (speditørit) aqqutigalugit nassiunneqarsinnaapput.

Qilalukkat tuugaavi taamaallaat taakkununnga karsinut immikkut qisummik sanaanut isumannaatsumik poorlugit immikkullu illersuuserlugit nassiunneqarsinnaapput, innarlinnginnissaat pillugu (Taamaallaat Kalaallit Nunaanni akuerisaavoq)

Assigiinngitsut soorlu imerpalasut ikuallajasut, sakkut, akoorutissat assigisaallu poortornissaat qanorlu pineqarnissaat immikkut ittunik malittarisassaqarpoq, imaluunniit timmisartuutitsinnut ikinissaat inerteqqutaasinnaalluni. Assartuinermut uppernarsaatip Air Way Bill-ip atsioneratigut, nassiussat ulorianartunik imaluunniit immikkut mianerisassanik imaqannginnerat uppernarsarneqartarpoq. Nalornissaguit nassiussassanik isumaginnittartut aperikkit imaluunniit nassiussalerivitta arlaat aperiuk, nassiussamik pisiffigisavit paasissutissaataanik nassarlutit.

Nassiussassanik tigusinissamut itigartitsisinnaaneq

Nassiussanik ulorianartunik, poortorluarsimanngitsunik imaluunniit ilaasunut allanut ajoqutaasinnaasunik tigusinissamut itigartitsinissamut Air Greenland imminut pisinnaatippoq.

Assartuinermut uppernarsaatip AWB-p tunuaniippoq