Club Timmisamut ilaasortanngorit

Taamaatiguk

1919

Timmisartumik iluarsaasartoq

Misilitsinnissamut qaaqquneqarnissannut qinnuteqarnermut skiima immersugassaq kingusinnerpaamik ulloq 1. marsi nassiutissavat, taanna kommunimi ilinniarnissamut ilitsersuiarfimmi/Majoriami pissarsiarisinnaavat. Aamma taassuma saniatigut Air Greenlandip ilinniartunngornissamik misiligut immikkut ittumik aaqqissuutaa angusiffigissavat. Ilinniarneq aggustip 1-iani aallartittarpoq.

Timmisartunik iluarsaasartup ulluinnarni suliarisartagai:

Misissuinernik aalajangersarneqareersunik suliaqarneq

Pinaveersaartitsiviusumik aserfallatsaaliuinernik suliaqarneq, taakkununnga timmisartuni/qulimiguulinni ajoqutinik ujarlertarneq iluarsaassisarnerlu.

Maskiinap atortuinik taarsersuineq

Timmisartuni suluusalinni qulimiguulinnilu nakkutilliissutit elektroniskiusut mekaniskiusullu atorsinnaassusiinik misileraasarneq

Suliassat amerlanersaat hangarini suliarineqartarput, kisiannili aamma silami ingerlanneqarsinnaallutik

Sulisut suliallu naammassineqartut isumannaassusissaat annertuumik pingaartinneqarput.

AB P1580 (4)

Ilinniarneq

  • Ukiunik sisamanik affarmillu, tunngaviusumik ilinniartitaaneq ilanngullugu sivisussuseqarpoq, tassanilu Air Greenlandimi sulilluni misiliinerit aammalu TEC-mi Hvidovre-miittumi ilinniarfimmiinnerit imminnut taarseraapput

  • Ilinniartitaaneq aallartillugu Nuummi sapaatip-akunneranni ataatsimi aallarniutaasumik pikkorissartitsisoqassaaq. Tamatuma kingorna sapaatip-akunnerini 20-ni TEC-mi Hvidovre-miittumi tunngaviusumik ilinniartoqassalluni. Tamatuma kingorna ilinniarfimmiinnerit sapaatip-akunnerinik qulinik sivisussusillit arfinillit, sapaatip-akunnerinik arfineq marlunnik sivisussusilik ataaseq, sapaatip-akunnerinik arfineq pingasunik sivisussusilik ataaseq aamma sapaatip-akunnerinik qulingiluanik sivisussusillit tallimat, tamarmik misilitsinnernik naggaserneqartussat aqqusaarneqassapput

  • Ilinniarfimmi ilinniagassat: Ilaatigut Aerodynamik, motoorit, timmisartut ilusaat timmisartullu atortui. Aamma danskisut, tuluttut, fysik, matematik elektronikkilu ilinniarfigissavatit

  • Piffissat suliffimmi misiliiffiusut sulisut piginnaaneqarluartut aqutsisoralugit Air Greenlandip hangariini, atortussanut sannaviani, motoorinut sannaviani, elektronikkinut sannaviani pladinillu sannaviani ingerlanneqassapput.

Piginnaaneqarfiit ilinniartitaanermullu piumasaqaatit

  • GU-mi naammaginartumik angusaqarfiusumik naammassinnissimaneq, imaluunniit nammineerluni TEC-mi tunngaviusumik ilinniartitaanermik naammassinnissimaneq.

  • Pinerlussimannginnermut uppernarsaat

Aningaasaqarneq

  • Timmisartuni iluarsaasartutut ilinniartut Air Greenlandimi akit atuuttut naapertorlugit ilinniartutut akissarsiaqartinneqassapput.

Ilinniarneq pillugu annertunerusumik tusagaqarusukkuit Air Greenland +299 34 34 34-mut imaluunniit hr@airgreenland.gl aqqutigalugu saaffigiuk, IMALUUNNIIT ilinnialernissamut qinnuteqarnissaq pillugu annertunerusumik paasisaqarniaruit illoqarfimmi najukkanni Majoriaq attaveqarfigiuk. Nittartagaa uani takujuk.

Ilinniarneq pillugu uani takusaqarnerugit