Anigit
Club Timmisamut ilaasortanngorit
Club Timmisami ilaasortanngorputit
Maannakkut isertarfikkut isissuutit teqeqqup talerpiata tungaaniittoq toorlugu, atuisutullu nutaatut profililiorlutit.
Kode isissutissaq allanngortiguk
Emailimik allagarsiumaarputit, kode isissutissavit allanngortinnissaanut atungassat.
Emaili nassaarisinnanngilarput
Angalanissat ilannguguk
Inniminniinernut normut arfinilinnik ilisarnaateqarpoq, kisitsisinik naqinnerinnillu imaqarsinnaaluni
1944
Cater- og kantineassistenti
Cater- aamma kantineassistentimut ilinniartunut, ilinniarnermut atatillugu sulinermik Air Greenland neqerooruteqarpoq, tassani nerisassiornermut kantinamilu sassaalliutaasartut ilinniarneqartarlutik. Sulinermi pingaaruteqarnerpaat ilagaat nerisassanik katiterineq aamma ilinniakkamut attuumassutilimmik ilinniartinneqarneq.
Cater- aamma kantineassistentip ulluinnarni suliassai ukuupput
Cater- aamma kantineassistentimut ilinniartoq iggavimmik atortussanillu tunngaviusumik ilisimasassanik ilinniartinneqassaaq kiisalu kiffartuussinermut assut ilisimasaqarnerulissalluni.
Kantiinani tunngaviusumik sassaalliutigineqartartunik atortussiat pitsaassusaannik naliliisinnaaneq, piareersaaneq, nerisassiorneq aamma sassaalliutigineqartarneri ilinniarneqassapput. Naggataagullu ilinniartoq nalinginnaasumik eqqiluisaarsinnaassaaq.
Ilinniarneq
Ilinniagaq ukiut 2-t qaammatillu 6-it paarlakaattumik ilinniarnermut atatillugu suliffimmik misiliinermik Air Greenland allaffeqarfiani Nuummiittumi aamma Inuili Narsami atuarnertut taarseraattarpoq.
Ilinniartitaanerup aaqqissuussaanerani aallartissutaasarpoq gastronomassistentitut ilinniaqqaarnissaq, tunngaviusumik ilinniarneq avinneqarsimalluni piffissanut marlunnut sap. akunneri 10-inik ingerlanneqartartumik aamma pigaarnersaanni ilinniarneq sap. akunneri 12inik ingerlanneqartarluni, taamaasilluni cater- aamma kantineassistentitut ilinniagaq qaammatini 6-ini ingerlanneqartarluni, sap. akunneri 3-ni atuagarsornermi allagartaq naammassissutitut tiguneqartarluni.
Ilinniarnermi ilinniartitsissutigineqartartut tassaasut inuussutissat peqqinnartut aamma nerisassiorneq. Nerisassanik katiterineq pisinnaalissavatit aamma imeruersaatinut tunngasunik ilisimasaqarnerulissaatit. Sullissinermut tunngasumik ilinniartinneqassaatit, suleqatigiinnerullu iluani peqatigiissinnaanermut.
Ilinniarfinni ass. makkuninnga ilinniassaatit:
tuluttoorneq, tuniniaaneq kiffartuussinerlu, ineriartortitsineq aallartitsinerlu, inuussutissalioriaatsit, iggavinni sulineq, akiligassat naatsorsuinerlu, pisiassat pillugit ilisimasassat, suliffigissaarneq, tunisassianik ineriartortitsineq, nerisitsinerni periutsit, nerrivilioriaatsit, nerisitsinerni sanariaaseq imeruersaatillu
Piginnaasaqarfigisassat aamma ilinniarnermut piumasaqaatit
Tunngaviusumik ilinniarneq allartinniaraanni, piumasaqaatigineqartut meeqqat atuarfiani naammassinikuusimanissaq, imaluunniit assigusumik tamatuma kingorna ilinniagaqarsimaguit
10. klassimiit assingusumilluunniit soraarummeerninni Kalaallisut, Danskisut matimatikkimilu soraarummeernermi minnerpaamik agguaqatigiisillugu E/02 angunikuusimassavat.
Ilinnniakkami uani tamakkerlugu isiginnissinnaassaatit - aamma ulapaarfinni.
Eqqiluisaarneq aamma pitsaassutsit sumininnguanullu tappissuseqassaatit
Namminerisamik sulisinnaavutit allanillu suleqateqarsinnaallutit, kiffartuussiumasuullutit aamma nutaanik pilersitsisinnaassallutit
Qinnuteqaat
Kingusinnerpaamik qinnuteqarfissaavoq 1. marsi, ilinniarnerlu 1 aggusti missaani aallartissalluni.
Qinnuteqarnermi immersugassaq illoqarfigisanni majoriami saaffiginninnikkut piniarneqarsinnaavoq.
Paasisaqarnerorusukkuit nittartagaq alakkaruk uani www.inuili.gl