Tapiissuteqarnissamut isumaqatigiissut nutaaq sap.ak. una atsiorneqartoq, Air Greenlandip Katuallu kulturkkut ingerlatsinermi suleqatigiinnissamik kissaateqarnerannik ersersitsivoq. Isumaqatigiissumullu ilaavoq Air Greenlandip Tuukkaq-sponsoritut 2026 ilanngullugu 300.000 kr.-nik tapiissuteqarnissaa.

Isumaqatigiissutip saniatigut Air Greenlandip tapiisarnera Ilik atorlugu angalanissanut Katuaq aamma qinnuteqarsinnaalerpoq. Ilik tassaavoq peqatigiiffinnut aamma timersornermut, atuarfinnut, kulturimut aammalu ilinniagaqarnermut tunngasunik suliniuteqartunut timmisartukkut bilitsinut akikilliiffigineqarnissamut periarfissiisartoq.

- Katuamik suleqateqarneq uagut taamaattussaannartut isigaarput. Misigisassanut annertuunut suleqataasussatut inissisimanissarput kissaatigaarput. Suleqataanittalu annertusarneratigut, Katuap nunatsinni kulturikkut suleqataanera annertooq tapersersueqataaffigaarput, Air Greenlandip nittarsaassinermut pisortaa Katja Vahl oqarpoq.

Nunatsinni kulturip illorsuani Katuami pisortap Ivaaq Kriegelip suleqatigiinnissamik isumaqatigiissut naammagisimaarpaa, tamannami sinerissami kulturikkut aaqqissuussinernut ingerlatsisarnernut suli eqaannerulersitsissammat.

- Ukiorpassuarni Air Greenlandip Katuallu pitsaasumik suleqatigiinnerisa ineriartortuarsinnaanera nuannaarutigaarput. Eqqumiitsuliornerup aammalu kulturimik suliaqarnerup suleqatigiissutiginerisa ingerlaqqissinnaanerat pissanganartipparput. Suleqatigiinnerummi siuariarnissamut ineriartortuarnissamullu periarfissanut ammaappaatigut. Siunissami suleqatigiinnisamut qilanaarpugut, Katuap pisortaa Ivaaq Kriegel oqarpoq.