Air Greenlandip 2024-mut angallassinermut pilersaarutaanni ukiuni tulliuttuni Europamut Amerikallu avannaanut angalanissamut pitsaanernik periarfissiipput. Angallassinermut pilersaarutit takornariaqarnermi piujuartitsisumik naleqartitsineq taamaalillunilu inuiaqatigiinni naleqalernerulersitsineq ikorfissavaat. Air Greenlandip anguniagaraa takornarialerisut peqatigalugit nunatsinnik kivitseqataaneq, taamaammallu nunatsinnit nunatsinnullu angalanissamut nioqqutaasunik amerlanernik pilersitsinikkut periarfissaqalersitsilluni.

Ataasinngorneq oktobarip 16-ani 2023 Air Greenlandip angalaneq pillugu tuniniagassanik saqqummersitsivimmi Vestnordenimi angallassinermut pilersaarutiminni saqqummiuppaat. Tassani takornarialerisut timmisartortitseqatigiiffiillu tuniniaasut kalaallit, islandimiut, savalimmiormiullu pisartut naapeqatigiiffigisarpaat.

Air Greenlandip niuernermi ingerlatsinermi pisortaata, Henrik Søep, ukiunut tulliuttunut angallassinissamut pilersaarutit saqqummiuppai, qularutiginngilaalu 2024-mi angallassinermut pilersaarutini aqqutit nutaat aammalu nutaarsiassani annerpaaq tassaasoq timmisartuutileqatigiit allat isumaqatigineri.

Aqqut 2024-mi ammaqqittussaq tassaavoq Kangerlussuarmit Aalborgimut piffissami juunip 25-aniit aggustip 20-at ilanngullugu. Aqqutaasorli toqqaannartuunngilaq, Købehavnimi aqqusaaqqaartassammat.

Aalborgip mittarfianit mittarfianullu marlunngornikkut Kangerlussuarmut Kangerlussuarmiillu Københavni aqqusaarlugu timmisinnaanerput periarfissaavoq. Taamaalilluta neriuutigaarput sullitagut Jyllandip avannaanukarniartut kissaataat piviusunngortissinnaallugit, Henrik Søe oqarpoq ilassutigalugulu Jettime Air Greenland sinnerlugu timmisartuussisartussaasoq.

Air Greenlandip atlantikup qulaallugu ullut tamaasa Kangerlussuaq Københavnillu akornanni juunip 17-aniit septembarip arfineq pingajuata tungaanut 2024-mi timmisartuuterput Tuukkaq atorlugu timmisartuussisassaaq, sulili aasaanerani timmisartuussinerit marluk pisariaqartinneqassapput.

- Jettimep ataasinngornikkut sisamanngornikkullu timmisartuussinissamik suleqatiginera ingerlaannassaaq. Taamaalilluta sapaatip akunneranut Kangerlussuup Københavnillu akornanni aqqutit quliussapput. Aqqutini allani Jettimep suleqatiginera aamma ingerlaannassaaq siusinnerusukkullu timmisartuussinerit pisalissallutik, oqarpoq.

Sapaatit akunnikkaarlugit Kangerlussuup Billundillu akornanni timmisartuussisarneq aamma toqqaannaq Narsarsuarmit Københavnimut aqqut Poorski aallarnerfigalugu siuassaaq. Kingulleq pineqartoq aasaanerani sapaatip akunneranut marloriarneqartarpoq.

-Nunatta iluani angalaneq Atlantikup qulaallugu angallannermut nalimmassarneqassaaq, pilersaarutigaarpullu aasaanerani Nuup Kulusuullu akornanni timmisartuussineq pingasoriartalissasoq, Henrik Søe oqarpoq.

Nuummi Mittarfissap 2024-p naanerani atulernissaa ilisimaneqarluareerpoq, taamaammallu angallannissamut pilersaarutit qanoq isikkoqarumaarnersut pissanngatigineqarluarpoq.

- Nuummiit Københavnimut ullaakkut aallartoqartarnissaa pilersaarutaavoq. Taamaalilluni sullitatta Europami ingerlaqqinissamut periarfissaqalernerussapput, sulinerminnullu tunngatillugu angalasunut iluaqutaassalluni. Killormut Københavnimiit Nuummut kingusissukkut timmisartuussisalissaagut, Henrik Søe nassuiaavoq.

Nuummiit aallajaarnerusalernissaq Københavnimiillu kingusinnerusukkut ingerlasarnissaq atlantikoq qulaallugu timmisartumit, Tuukkaq-mit minnerusumit ingerlanneqartassaaq.

-”Tuukkaqqamik” taagorparput, erseqqissaatigissavarali timmisartorisinnaasamik misissuineq ingerlammat. Suli nalugallarparput attartussanerluta imaluunniit siunertamut tassunga pisiniassanerluta. Ilulissanit 2026-mi mittarfittaamit atlantikup qulaallugu timmisartuussisalernissaq aamma tassunga eqqarsaataavoq. Naatsorsuutigaarput Ilulissaniit toqqaannaq Københavnimut aqquteqalernissaa kissaatigineqassasoq, niuernermi ingerlatsinermi pisortap naggasiutigaa.

Ukioq 2024-mi SAS-i Icelandairilu suleqatiginissaat isumaqatigiissutigineqaqqippoq. Tamanna isumaqarpoq ullumikkumiit nunat assigiinngitsut akornanni aqqutit nutaat Air Greenlandip nittartagaatigut inniminnerneqarsinnaalersut. Aqqutit tamarmik taakku SAS imaluunniit Icelandairip timmisartuussivisartagaraat, Keflavikimiit Københavnimiilluunniit aqqutigineqartartut. Nunat tikiffigineqarsinnaasut nutaat uani takukkit: airgreenland.gl

Nunat tikinneqarsinnaasut nutaat tassaapput:

Aarhus, Amsterdam, Anchorage Bergen, Berlin, Boston, Bruxelles, Chicago Denver, Düsseldorf, Frankfurt, Göteborg, Halifax, Hamborg, Hannover, London, Luxemborg, Kandersteg, Manchester, Milano, Minneapolis, München, New York, Oslo, Paris, Seattle, Stockholm, Stuttgart,  Trondheim aamma Washington DC