2023-mi aasakkut Air Greenland siullermeerluni Kalaallit Nunaata Danmarkillu akornanni angalanermini Billundip Mittarfianut toqqaannartumik missaaq.
- Air Greenlandip angalatitsivinnik oqaloqateqarnini aamma atuisut angalariaasiannik misissueqqissaarneq tunngavigalugit naliliivoq, nunatsinniit Danmarkip kitaanut angallavik tunisassiatut pitsaanerusutut inissisimalersinnaasoq. Angallaviup pilersinneqarnerani piffissaq angalaffiusartoq sivikillissaaq, aammalu angalasorpassuit nunatsinniit aamma nunatsinnut angalanerminnut atatillugu unnuinissaq pinngitsoorsinnaavaat, Air Greenlandip niuernermut pisortaa Henrik Søe oqarpoq.
Billundip Mittarfia misissueqqissaarnernik tapertaasussanik suliaqarsimavoq, tassailu ilaatigut takutinneqarpoq, Billundip Mittarfiata tigooqqaaviani inunnit tamarmiusunit 15 procentingajaat Kalaallit Nunaanni ilaqutaqarlutik ikinnguteqarlutilluunniit attuumassuteqartut. Taamaattumik Jan Hessellundip Air Greenlandip Danmarkimut angallavimmi aappaanik ammaanissaanut mittarfiliisinnaanini tulluusimaarutigaa.
– Air Greenlandip Billundip Mittarfianut angallavimmik ammaaniarluni aalajangiinera nutaarsiassaq imaannaanngitsuuvoq. Angallavik iluatsilluassaaq, sumiiffik najugarput timmisartut ulikkaartarnissaannut tunngavissaqarluarmat. Tigooqqaaveqarfitsinni kalaalerpassuit najugaqarput, kisiannili aamma amerlasuut allatut ittumik maanga attuumassuteqarput – imaluunniit pinngortitaq alianaatsoq tikeraarniarlugu misigisaqarfiginiarlugulu kissaateqaannartarput. Taamaattumik angallavik pilerinartuuvoq, Air Greenland peqatigalugu saqqummiutissallugu tulluusimaarutigisinnaasarput, Jan Hessellund, Billundip Mittarfiani pisortaaneq oqarpoq.
Anigit
