Inniminniineq
Danmarkimiit nunatsinnut nassiussiniaruma qanoq ilillunga inniminniissaanga?
Danmarkimiit nunatsinnut nassiussassat FlyCargo GSA Group aqqutigalugu nassiussanik isumaginnittumit inniminnerneqassapput.
Nassiussat nunatsinni sumiiffiit arlaannut ingerlaqqissappata, tulliani aallartussamut inissalimmut inniminnerneqassapput. Toqqagaq naapertorlugu pingaarnersiuisoqartarpoq.
Qanoq ilillunga nunatsinni nassiussassanik iniminniissaanga?
Nunatsinni nassiussassanik, najukkanni nassiussalerivik, mittarfik imal. nassiussanik isumaginnittoq aqqutigalugu inniminniisoqartarpoq.
Nassiussanut uppernarsaammik peqariinngikkuit, akiliuteqarluni nassiussinermi isumaqatigiissutip Air Waybill (AWB) suliarineqarnissaa Air Greenlandimit neqeroorutaavoq.
Nunatsinniit Danmarkimut nassiussinissamut qanoq ilillunga inniminniissaanga?
Nunatsinniit Danmarkimut nassiussat, nassiussanik isumaginnittoq aqqutigalugu inniminnerneqassapput. Nassiussanik isumaginnittup Air Waybill (AWB) isumagissavaa Air Greenlandimilu inniminniilluni.
Annertussutsit oqimaassutsillu
Nassiussat annerpaaffissaat oqimaannerpaaffissaallu?
Nassiussavit angallavissami kissaatigisanni ingerlanneqarsinnaanissaannik naliliinissamut, naatsorsuinermi sakkussaq digitaliusoq pigisarput, atorsinnaavat.
Nassiussaq 300 kg sinnerlugit oqimaassuseqarpat, DASH-8-mik qulimiguulimmilluunniit ingerlateqqinneqassapat, inniminniitinnak annertussusaa oqimaassusaalu ilanngullugit najukkanni nassiussalerivimmut imal. mittarfimmut apeqquteqarnissat innersuussutigaarput.
Akitsuutit sillimmasiinerlu
Timmisartukkut nassiussat tigunerini sooq CHC-fee (akitsuut) akilissavara?
CHC-fee tassaavoq najukkami akitsuut, nunani tamalaani timmisartukkut nassiussanik tunniussinermi, tamatumunngalu atatillugu timmisartortitseqatigiinnit allanit nassiussani piumasaqaataasartoq (OAL).
Akitsuut nassiussat tikinneranni isumaginninnermut matussutaavoq.
Air Greenlandimi nassiussanut sillimmasiisoqarsinnaava?
Naamik. Nassiussanut sillimmasiineq Air Greenlandimit neqeroorutaanngilaq.
Nassiussatit sillimmaserusukkukkit, nassiussat sillimmasersinnaanerannut periarfissanik paasiniaallutit nassiussanik isumaginnittut imal. sillimmasiisarfiit attavigissavatit.
Kinguaattoornerit, sumiissusersiniaanerit maalaarutillu
Nassiussat ajoqusersimappata imal. tammarsimappata qanoq ilillunga maalaaruteqassaanga?
Nassiussatit ajoqusersimappata tammarsimappataluunniit, maalaaruteqarsinnaanermut quppernerput aqqutigalugu maalaarummik nassiussisinnaavutit.
Annertunerusunik paasisassarsiorit: Maalaarutit
Nassiussakkat sumut pippat?
Nassiussatit, sumiissusersiniaanermi sakkugisarput atorlugu malinnaaffigisinnaavatit. Nassiussavit ujarnissaannut AWB-normu (Air Waybill) atussavat.
Nassiussatit uani sumiissusersikkit.
Nassiussanut tunngatillugu imal. DHL Expressimut apeqqutissaqaruit, TUSASS oqarasuaatikkut: +299 34 12 55 imal. mailikkut: post@tusass.gl. attavigineqarsinnaavoq.
Sooq nassiussakka kinguaattoorpat?
Kingusinaarneq, silamik, inissaqartitsinnginnermik, teknikkikkut unammilligassanik, ilanngaaserisunit unitsitaanermut imal. isumannaallisaanermut atatillugu nakkutilliinermik patsiseqarsinnaavoq. Taamaammat nassiussat tikinnissaat ataasiakkaani naatsorsuutigisamiit allaanerusinnaavoq.
TUAVI-mut allannguineq
Nassiussakka TUAVI-ortunngorlugit allanngortissinnaavakka?
Aap. Usigisinnaasat annertussusaat apeqqutaalluni, nunatta iluani nassiussineq TUAVI-ortunngortinneqarsinnaavoq.
Nassiussalerivik, mittarfik imal. nassiussanik isumaginnittoq qaninneq attavigiuk allanngortitsinisarlu isumaqatigiissutigalugu.
Akia
