Tallimanngorneq januaarip 16-at nal. 15:00

Ullumikkut tallimanngornermi januaarip 16-ani ajuusaarnaqisumik kujataanut Paamiunullu timminissat taamaatittariaqarpavut isikkivilunnera peqqutigalugu. Tamatuma saniatigut Nuup Kulusuullu akornanni timminissaq taamaatinneqarpoq, kiisalu Tasiilami qanittuanilu qulimiguulimmik timminissat ingerlanneqarsinnaanngillat, qulimiguulik suli teknikkikkut ajornartorsiuteqarmat. Angalasut kalluarneqartut tamarmik ilisimatinneqarput.

Ullaaq manna Narsarsuarmi, Qaqortumi Nanortalimmilu sakkortuuumik anorersuarlunilu anoraasuartarnissaa ilimaigneqarpoq. Silassap taamaannera peqqutigalugu sumiiffinni taakkunani timminissat taamaatinneqartariaqarput. Angalasut ullaaq tingisussaagaluit ilisimatinneqarput.

Tuukkaq suli teknikkikkut ilungersunartorsiornermini uninngatinneqarpoq. Nuannersortaqarporli, taartissaq pisariaqartinneqartoq Københavniliaanneqaramat, timmisartup inissisimaffianut. Taartissaq tikiunneqarpat teknikeritta erngerlutik suliarissavaat, taamaalilluta sapinngisamik sukkanerpaamik timmisartoq ingerlaaqqilersinnaalerluni.

Taamaalinissaata tungaanut Privilegemit Airbus 330/200-mik attartortariaqarpugut Tuukkap ingerlavissai isumagineqarsinnaalersillugit. Timmisartoq taanna ilaasunut 275-inut inissaqarpoq, Tuukkaq 305-nik ilaasoqarsinnaalluni, taamaalilluta ilaasut ilaat aallarfissanut allanut nuuttariaqarsimallutigit. Angalasut kalluarneqartut toqqaannartumik ilisimatinneqareerput. Tamatuma saniatigut maluginiaqquarput timmisartumi taartaasumi akitsuutitaqanngitsunik tuniniaasoqanngimmat aliikkusersuuteqaranilu. Timmisartumik attartorsinnaanissatta qulakkeersinnaanera iluatitsineruvoq, maannakkorpiaq timmisartorpassuit assammik arsarluni Europami pissartanngunniunnerni atorneqarmata.

Ilisimavarput ullumikkut ullunilu kingullerni angalasorpassuit taamaatitsisoqarneranit allanngortitsinernillu naammagittarsinnaalluarmata. Taakku paasinninnerannut eqaatsumillu iliuuseqarsinnaanerannut qutsavigaavut, uagut teknikkikkut ilungersunartut aaqqinniarneranni silamillu ajornartoornerni ingerlatsiniarnitsinni.

Angalanissat pillugu apeqqutissaqarpit? Immaqa akissut uani nassaarisinnaavat.

Angalaffissat kinguaattuussappat pisinnaatitaaffitit pillugit uani paasisaqarsinnaavutit: Ilaaffissara kinguaattoorpoq qanoq iliussaanga

Ornitannut apuunnissat sapinngisarput tamaat isumagisarparput, pilersaarutinilli eqqortitsiniarneq ilaatigut ajalusoortarpoq, issittumilu sila aalajangiisuulluinnartarluni. Taamaammat angalaninni pilersaarutaanngitsumik kinguaattuussaguit angalanissalluunniit allanngussappat quppernermi uani ataatsimoorput ilisimasariaqakkatit.

Angalanerit kinguaattuussappat allanngussappalluunniit, angalanissamut pilersaarut nutaaq sms-ikkut imaluunniit e-mailikkut ilinnut nassiutissavarput.

Eqqaamassavallu attavigisinnaaqqullutit angalaninni mobilip atukkavit normua e-maililunniit atukkat uagutsinnut ilisimatitsissutitut nalunaarutigissagakku. Illit nammineq ajornanngitsumik paasissutissat ilinnut tunngasut nutarsarsinnaavatit, uani 'Bilitsera'.

Bilitsit Air Greenlandimit pisiaanngippat, bilitsisiffinnut saaffiginnissaatit.

Aamma aallarfissat nittartakkatsinni uani Tikittussat aallartussallu - timmisartuussivissat, malinnaavigisinnaavat imaluunniit mittarfinni isiginnaarutini paasissutissiisarfinni imaluunniit Club Timmisa app– ikkut. Eqqaamajullu app-imiittoq ’malitat’ ikissagakku, taava timmisartumut ilaaffissannut tunngasumik allannguuteqassagaluarpat ingerlaannaq nalunaarutisissaatit.

Piaarnerpaamik ornitannut apuunnissat anguniarlugu angalanissannut allannguut pitsaanerpaaq isumagisarparput.

Angalanissamut pilersaarut nutaaq ilinnut naleqqutinngippat una, immersugassaq – atorlugu pilersaarummik allamik piumasinnaavutit, bilitsivilluunniit akiata utertinnissaa kissaatigalugu. 

Angalanissannut siunertarisat eqqortissinnaajunnaarukku, angalanerpit akiata utertinnissaa pisinnaatitaaffigaat.

Bilitsit Air Greenlandimit pisiaanngippat, angalanissavit allanngortinnissaanut imaluunniit akiata utertinnissaanut tunngatillugu pisiffigisannut saaffiginnissaatit.

Issittumi angalatilluni kinguaattoortarnerit ajoraluartumik angalanermut ilaasinnaasarput, mittarfimmilu sulisut sapinngisartik tamaat pitsaanerpaamik ikiuunniartarput. Piffissamik sivisuumik kinguaattoortoqartillugu, allagartanik nerissutissanik neqeroortarpugut, kinguaattoornerlu sivitsoraluttuinnassappat hotelimut inissinneqarnissat isumagisarlugu.

Pisut suuneri apeqqutaatillugit aningaasanik taarsiivigitinnissat pisinnaatitaaffigisinnaavat. Taamaattumik pisinnaatitaaffitit quppersakkami uani pisinnaatitaaffitit – atuakkit. Malugeqquarpulli Air Greenlandi silap allanngorarneranut akissussaasuunngimmat.