Kinguaattoornerit

Nal. 13:45 nutartigaq

Ullumikkut Dash-8 atorlugu nunatsinni timmisartuussinissat kinguaattoorujussuarput Nuummi mittarfiup tikittarfiata saani quasappallaarnera peqqutigalugu. Angalasut Nuummiit ingerlaqqittussat unnuisariaqarnissartik naatsorsuutigissavaat angalanissaminnullu nutaamik pilersaarusiuunneqarlutik.

Greenland Airportsip mittarfik tikittarfiullu eqqaa piareersarlugu angumeraat taamaalilluni ullumikkut Københavnimiit tikittussat marluk siulliit sullinnissaannut piareerlugu.

Aqagu ataasinngornermi decembarip 29-ni angalanissat qiviarutsigit takusinnaalereerparput Nuup Narsarsuullu akornanni timminissaq taamaatinneqartoq Narsarsuarmi sakkortuumik anorlissammat. Angalasut angalanissaminnut pilersaarummik nutaamik nassinneqassapput.

Kinguaattoornerit pisarissersuutaanerat ajuusaarutigaarput.

Angalanissat pillugu apeqqutissaqarpit? Immaqa akissut uani nassaarisinnaavat.

Angalaffissat kinguaattuussappat pisinnaatitaaffitit pillugit uani paasisaqarsinnaavutit: Ilaaffissara kinguaattoorpoq qanoq iliussaanga

Ornitannut apuunnissat sapinngisarput tamaat isumagisarparput, pilersaarutinilli eqqortitsiniarneq ilaatigut ajalusoortarpoq, issittumilu sila aalajangiisuulluinnartarluni. Taamaammat angalaninni pilersaarutaanngitsumik kinguaattuussaguit angalanissalluunniit allanngussappat quppernermi uani ataatsimoorput ilisimasariaqakkatit.

Angalanerit kinguaattuussappat allanngussappalluunniit, angalanissamut pilersaarut nutaaq sms-ikkut imaluunniit e-mailikkut ilinnut nassiutissavarput.

Eqqaamassavallu attavigisinnaaqqullutit angalaninni mobilip atukkavit normua e-maililunniit atukkat uagutsinnut ilisimatitsissutitut nalunaarutigissagakku. Illit nammineq ajornanngitsumik paasissutissat ilinnut tunngasut nutarsarsinnaavatit, uani 'Bilitsera'.

Bilitsit Air Greenlandimit pisiaanngippat, bilitsisiffinnut saaffiginnissaatit.

Aamma aallarfissat nittartakkatsinni uani Tikittussat aallartussallu - timmisartuussivissat, malinnaavigisinnaavat imaluunniit mittarfinni isiginnaarutini paasissutissiisarfinni imaluunniit Club Timmisa app– ikkut. Eqqaamajullu app-imiittoq ’malitat’ ikissagakku, taava timmisartumut ilaaffissannut tunngasumik allannguuteqassagaluarpat ingerlaannaq nalunaarutisissaatit.

Piaarnerpaamik ornitannut apuunnissat anguniarlugu angalanissannut allannguut pitsaanerpaaq isumagisarparput.

Angalanissamut pilersaarut nutaaq ilinnut naleqqutinngippat una, immersugassaq – atorlugu pilersaarummik allamik piumasinnaavutit, bilitsivilluunniit akiata utertinnissaa kissaatigalugu. 

Angalanissannut siunertarisat eqqortissinnaajunnaarukku, angalanerpit akiata utertinnissaa pisinnaatitaaffigaat.

Bilitsit Air Greenlandimit pisiaanngippat, angalanissavit allanngortinnissaanut imaluunniit akiata utertinnissaanut tunngatillugu pisiffigisannut saaffiginnissaatit.

Issittumi angalatilluni kinguaattoortarnerit ajoraluartumik angalanermut ilaasinnaasarput, mittarfimmilu sulisut sapinngisartik tamaat pitsaanerpaamik ikiuunniartarput. Piffissamik sivisuumik kinguaattoortoqartillugu, allagartanik nerissutissanik neqeroortarpugut, kinguaattoornerlu sivitsoraluttuinnassappat hotelimut inissinneqarnissat isumagisarlugu.

Pisut suuneri apeqqutaatillugit aningaasanik taarsiivigitinnissat pisinnaatitaaffigisinnaavat. Taamaattumik pisinnaatitaaffitit quppersakkami uani pisinnaatitaaffitit – atuakkit. Malugeqquarpulli Air Greenlandi silap allanngorarneranut akissussaasuunngimmat.