Air Greenlandip bilitsinik inniminniisarnermut qarasaasiakkut sullississutini atuisunut pisariinnerulersillugu nutarterpaa. Pisisartunik tallimat qulillu akornanni amerlassusilinnik- inuusuttuniit utoqqarnut assigiinngitsunik tunuliaqutalinnik, internet atorlugu periarfissani assigiinngitsuni sap. ak. marlunni misissuinermi peqataasussarsiorpugut. Inniminneeriiaaseq nutaaq oqarasuaammiippat, tabletimiippat imal. qarasaasiami nalinginnaasumiippat, pisarnittut atussavat, misigisannillu uagut avitseqatigaluta.

Isummersuutitit ersarissuussapput atorneqarsinnaassallutillu: Suna iluarinerit, suna ajornartorsiutiginerit qanorlu iliorluta pitsaanerulersinnaanitsinnik oqaluttuutissavatsigut. Ajornartorsiulissaguit imal. pitsannguutaasinnaasunik siunnersuutissaqaruit, misigisat paasilluarsinnaaqqullugu, annikitsortaanik isiginnaarummi takusannik assilisanik imal. videonik ilanngussisinnaaguit iluassaaq.

Kinguneqarluartussanik isummersuineq inniminniisarnerup tamanut pitsaanerulersinnissaanut iluaqutaassaaq, pitsaanerpaanillu siunnersuuteqartut, angalanissamut allagartamik 1.000 koruuninik nalilimmik akissarsissapput.

Qujanaq angalasut tamarmik pitsaanerusunik misigisaqartinnissaannut ikiuukkavit.