Suliffeqarfissuup Air Greenlandip – tassani uku pineqarlutik: Air Greenland A/S, Hotel Arctic, World of Greenland aamma Grønlands Rejsebureau – sulisuminut, sullitaminut, pisiortorfimminut allanullu avataani suleqatigisaminut whistleblowerimik aaqqiissuteqarnissaq atuutilersissallugu aalajangersimavoq.

Whistleblowerimik aaqqiissutip siunertarivaa qulakkiissallugu suliffeqarfissuup aqutsisoqatigiivi avaqqullugit pissusissamisuunngitsumik pisinnaasut pillugit paasissutissanik illuatungerisaq kinaassusersioranilu attuumassuteqanngitsoq paasissutissanik tigusaqarsinnaasoq. Whistleblowerimik aaqqiissut taamaalilluni nalunaaruteqartarfiuvoq, nalunaaruteqartarfinnut atuutereersunut tapertaasussaq.

Suliffeqarfissuarmi sulisut, sullitat, pisiortorfiit aamma avataani suleqatigisat allat suliffeqarfissuup whistleblowerimik aaqqiissutaanut paasissutissanik tunniussisinnaapput, makkununnga tunngasunik:

Pillarneqaataasinnaasunut tunngasut, assersuutigalugu aningaasanik atornerluinerit, tillinnerit, peqquserluttuliornerit, akiliilluni peqquserluttuliortitsinerit, nipangiussisimasussaatitaanermik sakkortuumik unioqqutitsinerit il.il. Inatsisitigut aalajangersakkanik, suliffeqarfiup iluani malittarisassanik sakkortuumik unioqqutitsinerit aamma inatsisitigut pisussaaffinnik malinninnginnerit.

Ugguuna nalunaarutiginnissinnaavutit https://airgreenland.whistleblowernetwork.net

Air Greenlandip attaveqaataasigut kinaassutsimik isertuussinissaq qulakkeerniarlugu imaaliussaatit:

• Browser-imik (internet explorer, Chrome, firefox il.il.) nutaamik ammaagit
• Linki assilillugu adressemut allaffissiamut ikkuguk
• Enter tooruk

Air Greenlandip whistleblowerimik aaqqiissutaanut najoqqutassat

Siunertaq

1: Suliffeqarfissuaq Air Greenlandi – tassunga ilaallutik Air Greenland A/Si, Hotel Arctici, World of Greenlandi aamma Nunatta Angalatitsivia – suliffeqarfissuup sulisuinut, sullitaanut, pisiortorfiinut aamma avataani suleqatigisaanut allanut atuuttussamik whistleblowerimik atuutilersitsiniarluni aalajangerpoq.

Whistleblowerimik aaqqiissutip siunertarivaa qulakkiissallugu suliffeqarfissuup aqutsisoqatigiivi avaqqullugit pissusissamisuunngitsumik pisinnaasut pillugit paasissutissanik illuatungerisaq kinaassusersioranilu attuumassuteqanngitsoq paasissutissanik tigusaqarsinnaasoq. Whistleblowerimik aaqqiissut taamaalilluni nalunaaruteqartarfiuvoq, nalunaaruteqartarfinnut atuutereersunut tapertaasussaq.

2: Aaqqiissutip attuumassuteqannginnissaa qulakkeerniarlugu aqutsineq avataaniit aqunneqartussatut aallaavilerneqassaaq.

Paasissutissanik tunniussisinnaatitaaneq

1: Suliffeqarfissuarmi sulisut, sullitat, pisiortorfiit aamma avataani suleqatigisat allat suliffeqarfissuup whistleblowerimik aaqqiissutaanut paasissutissanik tunniussisinnaapput, makkununnga tunngasunik:

Pillarneqaataasinnaasunut tunngasut, assersuutigalugu aningaasanik atornerluinerit, tillinnerit, peqquserluttuliornerit, akiliilluni peqquserluttuliortitsinerit, nipangiussisimasussaatitaanermik sakkortuumik unioqqutitsinerit il.il. Inatsisitigut aalajangersakkanik, suliffeqarfiup iluani malittarisassanik sakkortuumik unioqqutitsinerit aamma inatsisitigut pisussaaffinnik malinninnginnerit.

2: Whistleblowerimik aaqqiissut taamaallaat aaqqissuussaanerup pioreersup iluani, tassunga ilanngullugit aqutsisoqatigiinnit, sulisut sinniisoqarfiannit aamma Air Greenlandip Sullitanut kiffartuussivianit suliarineqarsinnaanngitsunut atorneqartussatut naatsorsuussaavoq.

3: Whistleblowerimik aaqqiissut taamaalilluni pisunut suliffeqarfiup iluani avataaniluunniit maalaaruteqarnissamut immikkut periarfissiissutaareersunut atuutinngilaq. Assersuutigalugu timmisartuussinermut imaluunniit timmisartuussinermi teknikkimut tunngatillugu nalunaarutiginninnerit Trafikstyrelsemut ingerlateqqinneqassapput, una aqqutigalugu info@tbst.dk 

4: Suleqatigiinnermi ajornartorsiutit, aqutsisut aalajangiinerinik iluarinninnginnerit assigisaallu whistleblowerimik aaqqiissut aqqutigalugu nalunaarutigineqassanngillat, taarsiulluguli pisarneq malillugu suliarineqassallutik, assersuutigalugu qaninnerpaatut aqutsisorisaq, imaluunniit sulisunut sinniisorisap toqqaannartumik saaffigineratigut.

5: Nalunaarutiginninneq eqqortumik iliornertut isigalugu tunniunneqarpat nalunaarutiginnittoq nalunaarutiginninnermut atatillugu sukkulluunniit iliuuseqarfigineqarnissaminut illersugaavoq.

Kinaassutsimik isertuussineq

1: Paasissutissat whistleblowerimik aaqqiissummut ilaatinneqartut atermik isertuussilluni imaluunniit ateq ilanngullugu nalunaarutigineqarsinnaapput. Ilaannakortumik kinaassutsimik isertuussilluni nalunaarutiginninnermi nalunaarutiginnittup kinaassusia aaqqiissummik aqutsisumit ilisimaneqassaaq, suliffeqarfissuarmiilli ilisimaneqassanani.

2: Nalunaarutiginnittup kinaassutsini nalunaarutigissallugu aalajangiukkuniuk kingusinnerusukkut eqqartuussisoqassagaluarpat nalunaarutiginnittoq uppernarsaasussatut aggersarneqarsinnaavoq, taamaalillunilu atermik isertuussisinnaaneq atorunnaassaaq.

3: Aaqqiissummik aqutsisup avataaneersup nalunaarutit internettimi adressemit suminngaanneernersut nalunaarsortassanngilai.

Paasissutissanik whistleblowerimik aaqqiissummut tunniunneqartunik suliarinninneq

1: Whistleblowerimik aaqqiissut Datatilsynimut nalunaarutigineqassaaq.

2:  Whistleblowerimik aaqqiissummut nalunaarutiginninnerit aaqqiissummik aqutsisup avataaneersup aallarnisaataasumik nalilersussavai. Saaffiginnissutigineqartut tamarmik sivisunerpaamik nalunaaquttap akunnerisa 24-t iluini aallarnisaataasumik nalilersorneqassapput.

3: Paasissutissat pissutsinut aaqqiissutip siunertaanut uniuuttut aaqqiissummik aqutsisumit itigartitsissutigineqartassapput, paasissutissanik nalunaarutiginnittumut nalunaaruteqarnikkut. Paasissutissat kinaassutsimik isertuussilluni tunniunneqarsimappata suliami allamik iliuuseqaqqittoqassanngilaq.

4: Pisup sakkortussusia, aamma misissueqqinnerit aqqutigalugit pisut uppernarsaasernissaannut periarfissat aaqqiissummik aqutsisup nalilersussavai, suliffeqarfik inatsisit unioqqutillugit iliuuseqarsimanersoq imaluunniit iliuuseqarnersoq, imaluunniit allatigut sakkortuumik kukkussuteqarluniluunniit sumiginnaasimanersoq paasiniarlugu.

5: Ingerlatsisup aaqqissuussamut paasissutissat suliffeqarfissuup iluani attaveqaataasussatut toqqakkamut suliassatut ingerlateqqissavai, ingerlatsiviullu siulersuisuinut siulittaasoq nalunaaruteqarnermik ilisimatillugu. Suliffeqarfiup iluani ileqquusut naapertorlugit attaveqaataasup paasissutissiissutit iliuuseqarfigissavai.

6: Pisuni immikkut ittuni aaqqiissummik aqutsisup, attuumassuteqarneq il.il pissutigalugit suliffeqarfimmi attaveqaammut suliap ingerlateqqinneqarnissaa naleqquttutut isigineqanngippat, paasissutissat suliffeqarfiup siulittaasoqarfianut ingerlateqqissavai. Pisoq siulittaasoqarfimmut tunngassuteqarpat aaqqiissummik aqutsisup siulersuisut tamarmiusut ilisimatissavai.

7: Inuit, whistleblowerimik aaqqiissummut nalunaarutigineqartut, pasilliutigineqartutut saqqummiunneqartut pillugit, tassunga ilanngullugit paasissutissat suut pineqarnersut, paasissutissat kimut ingerlateqqinneqarnersut kiisalu paasissutissanik takunnissinnaanermut malittarisassat aamma naqqiuteqarnissamut periarfissat pillugit ilisimatinneqassapput.

8: Paasissutissanilli nalunaarutigineqartumut ilisimatitsinissamik pisussaaffik kinguartinneqarsinnaavoq, uppernaasatissat illersorneqarnissaat pisariaqarpat – aamma pisut ilaanni ilisimatitsisoqanngivissinnaalluni.

Malinnaatitsineq

1: Air Greenlandimi siulittaasoq Air Greenlandimi whistleblowerimik aaqqiissummut nalunaarutiginninnerit suussusiinik aamma qassiunerinik kvartalit tamaasa ilisimatinneqartassaaq.