Nuuk Summit Inesa Matuliauskaite Guide To Greenland Team (5)

Timmisartumi/qulimiguulimmi immiussineq

 Air Greenlandip timmisartuini qulimiguuliinilu assiliisinnaanermut, videoliorsinnaanermut nipinillu immiussisinnaanermut qinnuteqaat.
Air Greenlandip timmisartuini qulimiguuliinilu inuttanik kiisalu timmisartumi qulimiguulimmiluunniit assiliisoqassappat assiliisoqarnissaanut akuersissummik pissarsisoqartariaqarpoq.

Assiliisinnaanissamut qinnuteqarsinnaavutit immersugassaq ataaniittoq immersorlugu. Immersugassaq tusagassiortunut, filmiliortartunut allanullu assigisaannik suliaqartunut tunngavoq. 

Ataani immersugassaq immersoruk Air Greenlandimullu nassiullugu: nyhed@airgreenland.gl akineqarnissaalu utaqqiuk.

Piumasaqaatit

Air Greenlandip timmisartuini qulimiguuliinilu assiliisinnaanermut akuersissutillit tamarmik malittarisassat uku maleruartariaqarpaat:

 

  • Aatsaat timmisartup naalagaa akuersissuteqareerpat, timmisartumilu inuttat ilaasullu allakkatigut akuersereerpata, timmisartup qulimiguullillu iluani assiliisoqarsinnaavoq.

 

  • Filmiliortut immiussineq aallartitsinnagu timmisartumi inuttat ataqatigiissaareqatigissavaat.

 

  • Timmisartup qulimiguullillu naalagaata maleruaqqusai tamatigut malinneqassapput. Taanna qaqugukkulluunniit assiliisoqarnissaanik itigartitsisinnaavoq, aamma attaveqaqatigiinnermut immikkoortortaqarfimmit assiliisoqarnissaanik akuersissuteqartoqarsimagaluartoq.

 

  • Assiliinermi atortunik timmisartumut atortunullu timmisartumiittunut inuttat akuersissuteqartinnagit ikkussuisoqassanngilaq.

 

  • Atortut kissattartut, soorlu qullerit qaammaqqutillu allat, timmisartumi timmisartullu eqqaani atorneqarsinnaanngillat.
  • Atortut kissattartut, soorlu qullerit qaammaqqutillu allat, timmisartumi timmisartullu eqqaani atorneqarsinnaanngillat.

 

  • Batteriit litiumimik akullit tamarmik nassatami tigummiaannakkamiissapput, maleruaqqusaq tamanna ilaasunut nalinginnaasunut aamma atuuppoq.

 

  • Timmisartup qulimiguullillu iluani immiussineq taamaallaat angalanerup nalaani pisinnaavoq, tinginermi minnermilu pinnani.

 

  • Ilaasut allat akuersissummik tunineqanngitsut filmiliarineqassanngillat.

 

  • Atortut nassitsissutitaqarlutillu tigooraassutitallit atorneqassanngillat.

 

  • Atortut timmisartumi inuttanut ilaasunullu allanut akornutaasumut inissinneqassanngillat.

 

  • Assiliisoqarnissaanut akuersissummik piumaffigineqaraanni, akuersissummik takutitsisoqartariaqarpoq.

 

Air Greenlandip timmisartuini/qulimiguuliani immiussinissamut qinnuteqaat

Nassuiakkit