Club Timmisamut ilaasortanngorit

Taamaatiguk

5783

2026 februaarip 12, sisamanngorneq

Air Greenlandip Kalaallit Røde Korsiat – INUA suleqatigilerpaa

Air Greenlandip Kalaallit Røde Korsiat – INUA (KRK-INUA) suleqatigilerpaa Kalaallit Nunaanni meeqqanut aamma inuusuttunut iliuuseqarneq pitsaanerulersinniarlugu.

 

KRK INUAp inuusuttut piginnaaneri aamma isumalluutaat suliatigut tunngavilersukkat ingerlatsinerit aqqutigalugit ineriartortinneqarnissaat anguniagaraa. Suleqatigiiffiup ingerlatai periaatsit soorlu tarnikkut ikiueqqaarnermit (Psykisk Førstehjælp), paquminartuiaaneq aamma Sprint-imik ingerlatsinermit aallaaveqarput, inuusuttut tarnikkut unamminartunik  qaangerniarnissaannut pitsaasunik sakkussaannik, iluarisimaarinninnerulernissaannik aamma ulluinnarni nutaanik periarfissaqalernissaannik.

 

KRK INUAp tarnikkut ikiueqqaarnermik, paquminartuiaanermullu tunngasut oqallisigineqalernissaannik aamma Sprint-ingerlatsinermik akeqanngitsumik pikkorissartitsinernik neqerooruteqarpoq. Pikkorissarnerit inuusuttunut taamatut ittunik ingerlatanik pikkorissaasartunit (facilitatorinit) 35-t ataallugit ukiulinnit ingerlanneqartarput, taakku killissarititaasunik toqqissisimasumik pilersitsinissamut aamma ilisimasanik aamma inuusuttunut allanut sakkussanik ingerlatitseqqiinermik ilinniarsimasuupput.  

 

Suleqatigiinnermi immikkut qitiutinneqarpoq iliuuserisaat tamakku pitsaanerulersinnissaat aamma siaruartinneqarnissaat, taamatut inuusuttut suli amerlanerusut tapersersorneqarnissamik aamma piginnaaneqarnermikkut ineriartortinneqarnissaannut pereriarfissinneqassammata, nunap sortaani najugaqartuunerat apeqqutaatinnagu. Nunami isorartoqisumi ungasissuliartarnissamut angallassineq pingaaruteqartorujussuuvoq, tassanilu Air Greenland Ilik-angallassinerit aqqutigalugit tapertaassaaq, taamatut pikkorissarnerit, workshopit aamma facilitatorinik suli amerlanerusunik illoqarfinni aamma nunaqarfinni sungiusaasarnissamik periarfissaqarnissamut.   

Inuusuttut namminneq kajumissusertik aallaavigalugu najukkani ingerlatsisutut

KRK INUAp inuusuttut facilitatorit ilinniartittarpai, taakku qitiusumi inissisimasuupput najukkani iliuuserineqartunik ilisimasaqarluinnartuusut. Facilitatorit suliatigut tapersersorneqartarput aamma atuutilersitsinermi pilersaarummi ataatsimoortumi ilaatinneqarlutik, tassani ingerlatat annertusiartuaartinneqartarlutillu najukkani pisariaqartitsinermut tulluarsarneqartarlutik.

 

Iliuuserineqartut ataatsimoortuaannalertussanik kinguneqartitsinermi peqataassapput, inuusuttut tapersersorneqarlutillu iliuuseqarsinnaanerannik piumassuseqqortunerulersitsissaaq – pinaveersaartitsineq, inuunermi artorsaateqannginnissaq aamma Kalaallit Nunaanni sumiikkaluaraanniluunniit iliuuseqarnerup ataqatigiinnissaanik qitiutitsisuusut. 

Ataatsimut akisussaassuseqarneq

Suleqatigiinneq Air Greenlandip inuiaqatigiinni akisussaassuseqarnermik suliaqarneranut ilaavoq takutitsillunilu inuiaqatigiit ineriartorneranni peqataarusussuseqarnermik.

Billede (2)

– KRK-INUA inuusuttut iluarisimaarinninnissaannik pingaartitsilluni ilisimasallu aallaavigalugit suliaqarpoq – aammattaaq pissutsini angallassisarnermik attuumassuteqartuni ajornartorsiornarsinnaasuni. Suleqatigiinneq periarfissiivoq inuusuttut suli amerlanerusut tapersersorneqalerlutillu aamma sakkussaqartitsinerulissaaq, taamatut namminneq siunissaminnik aalajangiisinnaanerminnut periarfissaqarluarnerulerlutik, Inga Dóra G. Markussen, Air Greenlandimi piujuaannartitsinermut pisortaq, oqarpoq.

KRK-INUA-mi suleqatigiinneq iliuuseqarnermi ataqatigiinnermut aamma pitsaassutsimut pingaaruteqartuusut ilagaat.

 

– Inuusuttunik sullissivugut, tarnikkut ikiueqqaarnermik aamma paquminartuiaanermut tunngasut oqallisigineqalernissaannik akeqanngitsumik pikkorissartitsinernik neqeroortarpugut. Suleqatigiinneq inuusuttortavut pikkorissaasartut illoqarfinni nunaqarfinnilu suli amerlanerusuni pikkorissartitsisarnissaannut pitsaanerusunik periarfissiivoq, taamatut inuusuttut suli amerlanerusut tapersersorneqarsinnaalerlutillu aamma atortussaqalissallutik, nunami maani sumiikkaluarunilluunniit, Erni Kristiansen, KRK-INUA-mi suliniutinik aqutsisoq, oqarpoq.

Air Greenlandip aamma KRK-INUA-p suleqatigiinnermut isumaqatigiissutaat pillugu paasissutissat

  • Suleqatigiinnerup immikkut qitiutippai: 

     

    • Nammineq kajumissuseq aamma piginnaaneqarnerulersitsinissaq:

     Inuit akornanniittarnerminni, tapersersuinermik aamma pinaveersaartitsinermik ingerlatsisinnaanerannik inuusuttut nammineersinnaanerulernissaasa pitsaanerulersinnissaa. 

     

    • Pinaveersaartitsineq aamma inuunermi artorsaateqannginnissaq:

    Tarnikkut ikiueqqaarneq, inuunermi artorsaateqannginnissaq, inuuneq artornarsigaangat iliuuseqarusussuseqarneq aamma Sprint-pikkorissarnerit tassaapput inuusuttunik sakkussaq unamminartut qaangerniarnissaannut aamma siunertaqarluarnerusumik inuuneqalernissamut.

     

    • Kalaallit Nunaanni sumiikkaluaraanniluunniit periarfissaq

    Ilik-angallassinerit illoqarfinni anginerusuni aamma nunaqarfinni minnerusuni ingerlatsinissamut periarfissiipput.

     

    • Iliuuseqarnissamut suleqatigiinnerit

    Isumaqatigiissut Air Greenlandip inuiaqatigiinni akisussaaqataaneranut aamma FN-p Nunarsuarmi 17-imut tunngalluinnarpoq, takutippaalu inuiaqatigiinni inuit aamma inuussutissarsiortut suliassanik ataatsimoortumik ingerlataqarnissaannik.

     

    Isumaqatigiissut januaarip ulluisa 29-anni 2026-mi atuutilerpoq ukiunilu pingasuni sivisussuseqassalluni.

ILIK

  • Ilik – akikillisaanermit imartunerusoq


    Ilik – tassalu iligisaq – Air Greenlandip inuiaqatigiinni akisussaanerata ilagaa. Matumani inuiaqatigiinni innuttaaqataasutut sammisaqartitsisut soorlu kajumissuseq aallaavigalugu suliniaqatigiiffiit, peqatigiiffiit inuinnaallu suliniaqatigiiffii sammisaminni inuiaqatigiinni naleqartunik pilersitsinermut atatillu timminissamut bilitsinik akikillisaavigineqarsinnaapput.

     

    Ilik pingasunik immikkoortoqarpoq: Timersorneq, kultuuri ilinniartitaanerlu. Ilik pillugu annertunerusumik uani paasisaqarit 

    2024-mi inuit 15.000 Ilik atorlugu bilitseqarput. Annertunersumik uani paasisaqarsinnaavutit

  • Ilik - Suleqat

     

    Ilik – Suleqat tassaavoq Air Greenlandip suleqatigisallu akornanni aningaasaliineq, pisussaaffeqartoq ataavartumik iliuuserisat pillugit avammut saqqummiinissamik sammisanullu uppernarsaasiilluni.

     

    Ilik najoqqutaralugu suleqatigiinnissamik isumaqatigiissuteqassagaanni naatsorsuutit akuerisat, malittarisassat missingersuusialli ilanngunneqassapput kiisalu qinnuteqaqqusineq, allassimassalluni iliuuseriniagaq qanoq Air Greenland suleqatigalugu inuiaqatigiinni naleqartunik pilersitsissanersoq.