Air Greenlandi 2022-imi ukiup affaani siullermi akileraartinnani -7,7 MDKK-nik amigartooruteqarpoq, 2021-mi piffissami tassani angusanit 6,4-nik MDKK-nik pitsaanerusumik (2021-mi -14,1 MDKK). Qaammatini siullerni angusat Covid-19-mik nappaalanersuup orsussallu akitsoriartorneranit sunnerneqarput. Ilaasartulli amerliartornerat ilimagisamit pitsaaneruvoq, tamannalu timmisartut ulikkaaqqajualernerinik kinguneqarluni.

Ukiup affaanut naatsorsuutit suli Covid-19-mit sunnigaaqqapput, upernaaq manna annertuumik tuniluuttoqarnera aammalu Namminersorlutik Oqartussanit maajip 18-ani killilersuutinik atuutsitsiunnarneq tikillugu, angalanissamut mianersoqqusinerup nassataanik angalasut ikinnerummata.

Upernaaq manna Europami timmisartunik attartorfiusartut immikkut ittumik tatineqarput, timmisartut, timmisartuni inuttat aammalu timmisartuni teknikerit timmisartunik piareersaasartut amigaataammata.

Europami timmisartuutileqatigiit annerpaat timmisartunik attartornissaq kissaatigaat, tassungalu ilanngullugu SAS-imi timmisartortartut suliumajunnaarmata, juuli qaammat timmisartussaaleqiffiuvoq.

Aammattaaq Københavnip mittarfissuani isumannaallisaaneq pillugu aqqusaagassani utaqqisorpassuaqartarpoq, sulisunik amigaateqarneq immikkullu aasaanerani angalasorpassuaqarnerata nassataanik.

- Covid-19-p nassataanik sipaarnialerneq pissutigalugu atorfiit atorunnaarsitat  2021-p affaani kingullermi aammalu 2022-p affaani siullermi inuttaleqqinneqarput, kisiannili 2019-misut amerlatigisunik sulisoqalernissaq suli anguneqanngilaq. Piffissami tassani silamit teknikkikkullu ajornartorsiornernit unammilligassaqarsimaqaaq, timmisartunillu attartorniarnerup ajornakusoornerata, kinguaattoornerit taamaatitsinerillu ajoraluartumik angalasunut pisarnermit amerlanerutissimavai. Tamakku eqqarsaatigigaanni piffissami tassani naammaginartumik, 2019-mullu sanilliussinnaasumik angusaqarneq, suliffeqarfissuatsinni sulisut ilungersorlutik ataatsimoorlutillu sulilluarnerisa pilersitaraat, tamannalu aamma nunatsinni suliffeqarfippassuarnut iluaqutaavoq, Jacob Nitter Sørensen oqarpoq.

Ukioq manna juunip naanerani aningaasatit tigoriaannaat 906.5 MDKK-nik amerlassuseqarput, 2021-p naaneranit 561 MDKK-nik amerlanerullutik. Amerlissutinut pissutaapput timmisartuutinik nutarsaanissamut aningaasaliissutissatut aningaasat atukkat amerlineri aammalu angallannerup annertusinera.

Timmisartuutinik nutarsaaneq ingerlaqqissaaq, piffissamilu tassani timmisartunut qulimiguulinnullu aningaassaliissutit katillugit 147,9 MDKK-nik