Tulluussimaarutigalugu nalunaarutigissavarput SeatBoost suleqatigileratsigu, kaattaasseriaaseq nutaaliaasoq pilersillugu. Suleqatigineratigut Nuup Københavnillu akornanni A330neo Tuukkamik akikinnermi angalasut issiavimmik Premium Classimut akisunerusumut qaffannissaanut periarfissaqalerput.

Ullumikkumiit juulip aallaqqaataaniit ilaasut inissamik qaffannissaannut periarfissaqalerput, aallarnissaq ulluni qulini sioqqullugumiit aallarnissamut akunnerit sisamat tikillugit. Air Greenlandimi pisortaanerup Jacob Nitter Sørensenip suleqatigiinneq nutaaq nuannarilluinnarpaa:

- SeatBoost sivisujaamik suleqatigisimavarput, nuannaarutigaaralu maanna kiisami una tunisassiaq pilersissinnaagatsigu. Angalanissamut neqeroorut eqaannerulersipparput nalitunerulersillugulu, nunnaarutigaaralu takullugu Premium Classimut qaffaanissamik neqeroorut una angalasunit ilassilluarneqarmat, Jacob Nitter Sørensen oqarpoq.

Suleqatigiilerneq SeatBoostip timmisartuutileqatigiinnik Issittumi ingerlatsisunik siullermeertumik suleqateqalerneranut takussutissaavoq. SeatBoostimi pilersitseqataasoq pisortaanerlu Kevin Stamler aamma suleqatigiinnermik tulluussimaaruteqarpoq:

- Air Greenlandimik suleqateqalernerput tulluussimaarutigaarput SeatBoost atoraanni pissanganartua angallavinni immikkuullarissuni angalasunit nuannaarutaammat. Qaffaanerinnaanngilaq aammali angalariaaseq nutaajulluni, angalasunut nuannarutaasoq suleqatitaatsinnullu nutaanik isertitaqalersitsisoq, Kevin Stamler oqarpoq.

Inissavit qanoq Premium Classimut qaffasinnaanera pillugu uani paasiniaagit: airgreenland.gl/seatboost