Nal.19:00

Ajuusaaqaluta nalunaarutigissavarput Tasiilami qulimiguulik suli teknikkikkut ajornartorsiuteqarmat. Taartissaq ualeq manna ujaasisartut annaassiniartartullu qulimiguuliutaata aggiussaa ajornartorsiummut aaqqiissutaanngilaq, teknikerivullu kukkuneq paasiniarlugu suli ilungersorput.

Tamatuma kinguneraa qulimiguullip aqagumut piareersinnaannginnera, tallimanngorpallu januaarip 16-ani Nuuk - Kulusullu akornanni aallarnissaq taamaatinneqartariaqarluni. Tamatuma saniatigut sila ajortussatut naatsorsuutigineqarpoq, taamaattumik maanna aallarnissaq marlunngornermut januaarip 20-anut nuunneqarpoq.

Paasivarput tamanna angalasussanut pilersaarutaanut kipiluttunarlunilu akornusiisoq, sapinngisamillu kukkunerup aaqqinneqarnissa malinnaavigeqqissaarlutigu. Ilisimasaqalerutta paasissutissumaarpugut. 

Taamaatitsinerup kingunerisaanik nuanniilliornerit ajuusaarutigaavut

Pisinnaatitaaffitit pillugit annersusumik paasisaqarsinnaavutit uani 

Ornitannut apuunnissat sapinngisarput tamaat isumagisarparput, pilersaarutinilli eqqortitsiniarneq ilaatigut ajalusoortarpoq, issittumilu sila aalajangiisuulluinnartarluni. Taamaammat angalaninni pilersaarutaanngitsumik kinguaattuussaguit angalanissalluunniit allanngussappat quppernermi uani ataatsimoorput ilisimasariaqakkatit.

Angalanerit kinguaattuussappat allanngussappalluunniit, angalanissamut pilersaarut nutaaq sms-ikkut imaluunniit e-mailikkut ilinnut nassiutissavarput.

Eqqaamassavallu attavigisinnaaqqullutit angalaninni mobilip atukkavit normua e-maililunniit atukkat uagutsinnut ilisimatitsissutitut nalunaarutigissagakku. Illit nammineq ajornanngitsumik paasissutissat ilinnut tunngasut nutarsarsinnaavatit, uani 'Bilitsera'.

Bilitsit Air Greenlandimit pisiaanngippat, bilitsisiffinnut saaffiginnissaatit.

Aamma aallarfissat nittartakkatsinni uani Tikittussat aallartussallu - timmisartuussivissat, malinnaavigisinnaavat imaluunniit mittarfinni isiginnaarutini paasissutissiisarfinni imaluunniit Club Timmisa app– ikkut. Eqqaamajullu app-imiittoq ’malitat’ ikissagakku, taava timmisartumut ilaaffissannut tunngasumik allannguuteqassagaluarpat ingerlaannaq nalunaarutisissaatit.

Piaarnerpaamik ornitannut apuunnissat anguniarlugu angalanissannut allannguut pitsaanerpaaq isumagisarparput.

Angalanissamut pilersaarut nutaaq ilinnut naleqqutinngippat una, immersugassaq – atorlugu pilersaarummik allamik piumasinnaavutit, bilitsivilluunniit akiata utertinnissaa kissaatigalugu. Sullitanut kiffartuussivipput oqarasuaatikkut saaffiginnittunut ima ammasarpoq:

Oqarasuat:

+299 701212

Ammasarfiit:

Ataasinngorneq - Tallimanngorneq nal. 10:00-14:00

Arfininngorneq sapaallu: Matoqqavoq

Angalanissannut siunertarisat eqqortissinnaajunnaarukku, angalanerpit akiata utertinnissaa pisinnaatitaaffigaat.

Bilitsit Air Greenlandimit pisiaanngippat, angalanissavit allanngortinnissaanut imaluunniit akiata utertinnissaanut tunngatillugu pisiffigisannut saaffiginnissaatit.

Issittumi angalatilluni kinguaattoortarnerit ajoraluartumik angalanermut ilaasinnaasarput, mittarfimmilu sulisut sapinngisartik tamaat pitsaanerpaamik ikiuunniartarput. Piffissamik sivisuumik kinguaattoortoqartillugu, allagartanik nerissutissanik neqeroortarpugut, kinguaattoornerlu sivitsoraluttuinnassappat hotelimut inissinneqarnissat isumagisarlugu.

Uani Air Greenland-ip ikiorsiissutai pillugit atuarsinnaavutit:  
https://kundeservice.airgreenland.gl/hc/kl-dk/articles/4979235327260-Ilaaffissara-kinguaattoorpoq-qanoq-iliussaanga- 

Pisut suuneri apeqqutaatillugit aningaasanik taarsiivigitinnissat pisinnaatitaaffigisinnaavat. Taamaattumik pisinnaatitaaffitit quppersakkami uani pisinnaatitaaffitit – atuakkit. Malugeqquarpulli Air Greenlandi silap allanngorarneranut akissussaasuunngimmat.