Maannakkut isertarfikkut isissuutit teqeqqup talerpiata tungaaniittoq toorlugu, atuisutullu nutaatut profililiorlutit.
Emailimik allagarsiumaarputit, kode isissutissavit allanngortinnissaanut atungassat.
Emaili nassaarisinnanngilarput
Inniminniinernut normut arfinilinnik ilisarnaateqarpoq, kisitsisinik naqinnerinnillu imaqarsinnaaluni
Inummut ataatsimut 5.495,-imiit
Angalaneq ataatsimoortoq taanna ilinnut piffissaqarpianngikkaluarluni tupinnartunilli misigisaqarusuttumut tulluarsagaavoq. Ilulissani akunnittarfik Hotel Arctic ilorrisimaarnartoq aallaavigalugu, nunatsinni pinngortitami misigisassat immikkuullarinnerpaat– iluliarsuarniit ataqqinarpasissuniit UNESCO-llu nunarsuatsinni eriagisassatut kingornussat nalunaarsorsimaffianniittumut, qulimiguulimmut ilaalluni angalaneq- qimminillu qimuttunik naapitsinerup misiginissaannut periarfissinneqassaatit. Angalaneq ataatsimoortoq, nunanit tamalaanit tikeraanut, illoqarfiit pingaarnersaata avataaniittunut misigisassarsiorusuttunut – imal. tamanut, ullut pingasuinnaat ingerlaneranni Ilulissat alutornassusaannik misigisaqarusuttunut piukkunnaatilik.
Angalaneq
ullut pingasut unnuillu marluk
Timmisartumik
Nuummiit Sisimiunut -utimullu. Nassatat 20 kg tigumiallu 8 kg
Akunnittarfik
Akunnittarfimmi Hotel Arctic-imi marloriarluni unnuineq ullaakkorsiornertalik mittarfimmiillu angallanneqarneq
Ini marluuttagaq: Inummut ataatsimut 5.495 koruuniniit
Ini kisermaattagaq: Inummut ataatsimut 6.795 koruuniniit
Angalanissaq ataatsimoortoq pillugu apeqquteqaateqarniaruit, ulloq aallarfissaq minnerpaamik sapaatit akunnerannik sioqqutissavat, aammalu annerpaamik ukioq ataaseq sioqqutissallugu.
Inissaqartitsigutta paasissutissat akillu itisiliiffiusut attuumassutillit pillugit attaveqarfigissavatsigit, aammalu inaarutaasumik akuerseqqullutit qinnuigissallutit.
Malugiuk: Apeqquteqaat Greenland Travel-imut tunngasuummat. Tassanngaanniit tamatigut angalanissamik inniminniisoqannginnerani inaarutaasumik akuersititsiniarluni attaveqartoqartarpoq.
Kangiata sermianut qulimiguulimmik angalaneq – silaannarmiit isikkivik assissaqanngitsoq
Ilulissat kangerluanni, ilulissat akornisigoorluni angallammik misigisassarsiorneq
Kalaallit qimmii qimuttut naapillugit issittumi pingaaruteqarnerat paasisaqarfigiuk
Akunnittarfimmi Hotel Arctic-imi, Qeqertarsuup tunuanut isikkivigeqisumi najugaqarit
Neriniarfissat
Sutorniartarfimmi Ulo-mi unnukkut nerineq imal. neriniartarfimmi Ulo-mi nerisassianik immikkut mamasaakkanik nerineq
Ini marluuttagaq
Ini kisermaattagaq
Angalanerit Nuummiit Ilulissanut timmisartornermik aallarnerneqassaaq. Mikkiartulerninniilli suut misiginissaannut malussariissaatit: IIlulissat angissutsimikkut ilutsimikkullu assigiinngitsut, Qeqertarsuup tunuani ataqqinarpasillutik tissukartut. Tikikkuit mittarfimmi aaneqassaatit akunnittarfimmilu ilorrisimaarnartumi Hotel Arctic-imi inissannut isikkivigissumut ingerlanneqarlutit.
Ualikkut Ilulissani illoqarfimmi angallanneqarnissamut, illoqarfiullu oqaluttuassartaanik, kulturimik ulluinnarnilu inuunermik paasisaqarsinnaanissannut periarfissaqarputit. Kalaallit qimmii qimuttut takuniarnissaannut, issittumilu inuunermut qanoq pingaaruteqarsimatiginerisa paasisaqarfiginissaa –uumasut taakku qanillivinnissaat misigisaq piviusoq - toqqarsinnaavataaq. Unnuk sutorniartarfimmi Ulo-mi nerinermik imal. neriniartarfimmi Ulo-mi nerisassanik immikkut mamasaakkanik nerinermik naggaserneqarsinnaavoq.
Akianut ilaapput: Nuummiit Ilulissanut timmisartumik angalaneq, Mittarfimmiit angallanneqarneq, Hotel Arctic-imi unnuineq ullaakkorsiornertalik
Saniatigut pisiarineqarsinnaasut: Ilulissani illoqarfimmi angalaarneq, qimminik takuniaaneq/Meet the dogs, sutorniartarfimmi Ulo-mi imal. neriniartarfimmi Ulo-mi unnukkut nerineq.
Akunnittarfimmi ullaakkorsioreernermi, arlalinnik- Ilulissat avatangiisai alutornarluinnartut misigisassarsiorfiginissaannut periarfissaqarputit. Ulloq aallarnerlugu angallassisoqarlutit Sermermiunut – nunaqarfiusumasumut, Kangiata sulluanut ilulissanullu saatsersunut isikkivilimmut, pisussinnaavutit. Angalaarfissaq angallavikkuminartuuvoq pinngortitamik kulturimillu misigisaqarfissat.
Ullup ilaa kingusinnerusukkut, puiguikkiusassat marluk arlaat toqqarsinnaavat:
Eqqissisimaarnissaq akunnittarfimmiillu inigisanniit isikkivinnik ilorrisimaaruteqarnissaq, sineriak sinerlugu pisuttuarnissaq imal. illoqarfimmi pisiniarfinnik kaffisorniartarfinnillu alakkaanissaq toqqarsinnaavatittaaq.
Akianut ilaavoq: Hotel Arctic-imi unnuineq ullaakkorsiornertalik
Saniatigut pisiarineqarsinnaasut: Sermermiunut pisuttuarneq, Kangiata sermianut iigartartumut qulimiguulimmik angalaneq, Kangiata sulluani angallammik angalaarneq
Ullaakkorsioreernerup kingorna akunnittarfimmi aaneqassaatit mittarfiliaanneqarlutillu. Tassanngaanniit misigisassatigut pisuunnguallassimallutit, ilulissanik, serminik iigartartunik nunatsinnilu aasaanerani assilisanik ulikkaarlutit, Nuummut utissaatit.
Akianut ilaapput: Ilulissaniit Nuummut timmisartumik angalaneq, mittarfimmut angallanneqarneq
Eqqissisimasumik, imaluunniit kultorisiorusuttartuuguit imaluunniit pinngortitami pissanganartorsiorneq nuannarisuugukku angalanissaq ilinnut naleqqulluinnartoq aaqqissuussinnaavat.
Anigit