Maannakkut isertarfikkut isissuutit teqeqqup talerpiata tungaaniittoq toorlugu, atuisutullu nutaatut profililiorlutit.
Emailimik allagarsiumaarputit, kode isissutissavit allanngortinnissaanut atungassat.
Emaili nassaarisinnanngilarput
Inniminniinernut normut arfinilinnik ilisarnaateqarpoq, kisitsisinik naqinnerinnillu imaqarsinnaaluni
Inummut ataatsimut 11.095,-imiit
Angalaneq ilinnut, piffissami sivikitsumi nunatta kitaata pitsaanerpaanik – ilorrisimaarnissaq piviusorsiornerlu annikillinagit- misigisaqarfiginissaanik kissaateqartumut, naleqquttuuvoq. Ilulissani akunnittarfik Hotel Arctic pitsaassutsimigut akuerisaasoq aallaavigalugu, Eqimilu sermip iigartartup annertuup eqqaaniittumi illuaraqarfimmilu Glacier Lodge Eqimi ataasiarluni unnuinermi, nunatsinni pinngortitami misigisassat immikkuullarinnerpaat ilaannik misigisaqarnissamut periarfissinneqassaatit. Angalanermi akuleriissinneqarput kangerluit iigartartumik sermillit, immakkut angallammik angalaarneq, pisulluni angalaarneq qulimiguulimmullu ilaalluni misigisassarsiorsinnaaneq –tamarmik ilorrisimaarnaqisut eqaatsumillu aaqqissuussat.
Angalaneq
ullut tallimat unnuinerillu sisamat
Timmisartumik
Nuummiit Sisimiunut -utimullu. Nassatat 20 kg tigumiallu 8 kg
Akit
Ini marluuttagaq: Inummut ataatsimut 11.095 koruuniniit
Ini kisermaattagaq: Inummut ataatsimut 14.195 koruuniniit
Angalanissaq ataatsimoortoq pillugu apeqquteqaateqarniaruit, ulloq aallarfissaq minnerpaamik sapaatit akunnerannik sioqqutissavat, aammalu annerpaamik ukioq ataaseq sioqqutissallugu.
Inissaqartitsigutta paasissutissat akillu itisiliiffiusut attuumassutillit pillugit attaveqarfigissavatsigit, aammalu inaarutaasumik akuerseqqullutit qinnuigissallutit.
Malugiuk: Apeqquteqaat Greenland Travel-imut tunngasuummat. Tassanngaanniit tamatigut angalanissamik inniminniisoqannginnerani inaarutaasumik akuersititsiniarluni attaveqartoqartarpoq.
Eqimi sermimut iigartartumut angallammik angalaneq, asimi sermeq iigartartoq isikkiviliullugu tupermi ilorrisimaarnartumi unnuineq. Nunamut sermip iigartarnermigut pilersitaanut pisuttuarneq immikkullu ittumik saunarneq. Qulimiguulimmut ilaalluni – qulaaniit nalissaqanngitsoq isikivigalugu, Kangiata sermianut iigartartumut angalaneq. Hotel Arctic-imi Qeqertarsuup tunuanut isikkivilimmi najugaqarneq immikkullu mamasaakkanik unnukkut nerisinnaaneq.
Unnuineq
Hotel Arctic-imi pingasoriarluni unnuineq ullaakkorsiornertalik, paasissutissinneqarneq, mittarfimmiit angallanneqarneq
Neriniartarfinni misigisassat
Unnukkut sutorniartarfimmi Ulo-mi nerineq imal. neriniartarfimmi Ulo-mi immikkut mamasaakkanik nerineq
Ini marluuttagaq
Ini kisermaattagaq
Unnuineq
Glacier Lodge Eqimi ataasiarluni unnuineq (ilorrisimaarluni asimiinneq), angallammik siumut uterlugulu angalaarneq ilanngullugu, ullormut nerisaqarneq, ataasiarlunilu nunamut sermip iigartarnermigut pilersitaanut pisunneq
Ini marluuttagaq
Ini kisermaattagaq
Nuummiit Ilulissanut, iigartartumik sermilimmut timmisartussaatit. Mikkiartulerninniilli suut misiginissaannut malussariissaatit: IIlulissat angissutsimikkut ilutsimikkullu assigiinngitsut, Qeqertarsuup tunuani ataqqinarpasillutik tissukartut. Tikikkuit mittarfimmi aaneqassaatit akunnittarfimmilu ilorrisimaarnartumi Hotel Arctic-imi inissannut isikkivigissumut ingerlanneqarlutit, tassani sulisumit, angalaneq pillugu paasissutissiisussamit, tikilluaqquneqassaatit.
Ualikkut Ilulissat illoqarfittaani angallanneqarnissamut, tamatumalu oqaluttuassartanik, kulturimik ulluinnarnilu inuunermik paasisaqarsinnaanissannut periarfissaqarputit. Kalaallit qimmii qimuttut takuniarnissaat issittumilu inuunermut qanoq pingaaruteqarsimatiginerisa paasisaqarfiginissaa – misigisaq piviusoq, uumasut taakku qanillivissinnaanissaat toqqarsinnaavataaq. Unnuk sutorniartarfimmi Ulo-mi nerinermik, imal. neriniartarfimmi Ulo-mi immikkut mamasaakkanik nerinermik naggaserneqarsinnaavoq.
Akianut ilaapput: Nuummiit Ilulissanut timmisartorneq, mittarfimmiit angallanneqarneq, Ilulissani paasissutissinneqarneq, Hotel Arctic-imi unnuineq ullaakkorsiornertalik
Saniatigut pisiarineqarsinnaasut: Illoqarfimmi angalaarneq, qimminik qimuttunik naapitsineq/Meet the dogs, sutorniartarfimmi Ulo-mi imal. neriniartarfimmi Ulo-mi unnukkut nerineq.
Akunnittarfimmi ullaakkorsioreernermi, ulloq aallarnerlugu Sermermiunut – nunaqarfiusumasumut oqaluttuarisaanermi ilisimaneqartumut, kangerlummut iigartartulimmik sermilimmut isikkivigilluinnartumut pisussinnaavutit. Angallavikkuminartuuvoq pinngortitaq kulturilu pitsaanerpaamik akuleriissinneqarlutik.
Ulloq taanna kingusinnerusukkut, qulimiguulimmik Kangiata sermianut angalaarnissaq – misigisaq alutornarluinnartoq, sermeq qulaallugu timmineq iigartartumullu qanittumut minneq toqqarsinnaavat. Tamatumunnga taarsiullugu ulloq ilorrisimaarfigisinnaavat, sineriak sinerlugu pisuttuarsinnaavutit, illoqarfimmi katersugaasivinnut alakkaasinnaavutit imal. qasuersaataa akunnittarfiup aneerasaartarfiani imeruersarsinnaallutit.
Akianut ilaapput: Hotel Arctic-imi unnuineq ullaakkorsiornertalik
Saniatigut pisiarineqarsinnaasut: Sermermiunut pisuttuarneq, qulimiguulimmik Kangiata sermianukarneq, unnukkut nerineq
Ullaakkut avannamut Eqip sermitaanut iigartartumut aallassaatit. Illuaraqarfimmut Glacier Lodge Eqi-mut – asimi ornitassamut asseqanngitsumut apuutsinnasi, aqqutaani iluliarsuit qaqqallu sarsutissavasi, immaqalu aamma qipoqqarmik naammattoorsillusi. Tassani Eqip sermitaa iigartartoq tupinnaannartoq qitiutillugu, pinngortitaq alianaalluinnartoq misigisassaavoq. Nunamut marralimmut sermip iigartarnermigut pilersitaanut pisuneq, tamakkiisumik nerisaqartitaaneq sermimullu iigartartumut isikkivik, Eqi-miinnermi angallassisoqarluni angalaarnermut ilaapput!
Tupermi ilorrisimaarnartumi suna tamaat nuillugu isikkivilimmi unnuissaatit– imal. illuaqqamiinneq- taanna immikkut toqqarsimagukku. Ulloq aamma kuup akuanut pisunnermik ilaneqarsinnaavoq imal. Glacier Saunarneq- imminut immikkut iluarusutsikkusukkuit.
Akianut ilaapput: Ilulissaniit Eqi-mut angallammik angalaarneq, ullormut nerisaqartitaaneq, nunamut marralimmut sermimit iigartartumit pilersinneqartumut pisuttuarneq, asimi ilorrisimaarnartumik unnuineq
Saniatigut pisiarineqarsinnaasut: Kuup akuanut pisuttuarneq, Glacier Sauna, ilorrisimaarnarnerusumut (Comfort) imal. Comfort Deluxe-imut allannguineq.
Ullakkorsioreeruit Ilulissanut utissaatit. Angalanerup eqqissisimasumik alianaalluinnartumillu naggasernissaanut, unnukkut Kangiata sulluanut angallammut ilaallutit angalaarnissamut, iluliarsuillu ilusaasa alutornaqisut immamiit isiginnaarnissaannut, periarfissaqarputit.
Akianut ilaapput: Angallammut ilaaneq, Hotel Arctic-imi unnuineq ullaakkorsiornertalik
Saniatigut pisiarineqarsinnaasut: Angallammut ilaalluni Kangiata sulluanut angalaarneq, unnukkut nerineq.
Ullaakkorsioreeruit mittarfiliaanneqassaatit. Tassanngaanniit – misigisatigut pisuunnguallassimallutit, assiliiviillu ilulissanik, serminik iigartartunik nunattalu aasaanerani assilisanik ulikkaartoq nassarlugu, Nuummut uteqqissallutit.
Ullormut najoqqutassaq, sila najukkamilu pissutsit apeqqutaallutik naleqqussarneqarsinnaavoq. Sammisassat angalanermi ataatsimoortumi tunngaviusumi ilaanngitsut saniatigut pisiarisariaqarput.
Eqqissisimasumik, imaluunniit kultorisiorusuttartuuguit imaluunniit pinngortitami pissanganartorsiorneq nuannarisuugukku angalanissaq ilinnut naleqqulluinnartoq aaqqissuussinnaavat.
Anigit